GÉNESIS 37:35 - Dios Rimashcata Quillcashcami

³⁵ Jacobo chashna llaquilla cacpi, paipac churicunapish, ushicunapish cushichishun nircami. Shina cashpapish, mana cushichi pudircacunachu, ashtahuanpish paica: «¡Ñuca churihuan pacta Seolman ringacaman sharpa churanata churarishpa causacushallami!» nishpami huacacurca.

GÉNESIS 37:35 ပူးပေါင်းရင်းမြစ်များ

GÉNESIS 25:8

Abrahamca achca huatacunata causashpa, yallita yuyacyashpami, paipac samaita chingachishpa huañurca. Chashna huañushpami, paipac aillucunahuan tandanacugrirca.

GÉNESIS 31:43

Shina nicpimi, Labanca Jacobotaca: —Cai huarmicunaca ñuca ushicunami, ushicunapac huahuacunapish ñuca nietocunami, ovejacunapish ñuca ovejacunami. ¡Tucui caipi ricushcacunami ñucapac! Shina cacpipish, ñuca ushicunatapish, paicunapac huahuacunatapish, ¿imatatac ruhuasha?

GÉNESIS 35:29

Isaacca achca huatacunata causashpa, ña yuyac cashcamanta paipac samai tucuricpi, huañushpaca, paipac ñaupa aillucunahuanmi tandanacugrirca. Paitaca paipac churi Esaú, Jacobomi enterrarca.

GÉNESIS 42:31

Shina nicpimi, ñucanchicca: “Pipacpish mana juchanchina gentecunami canchic. Mana pacalla ricushpa puriccunachu canchic.

GÉNESIS 42:38

Shina nicpimi, taita Jacoboca: —Ñuca churica mana cancunahuan ringachu. Paipac huauqui Joseca ña huañurcami, paillami saquirin. Cancuna rina ñanpi ima llaqui tucucpica, yurac acchayuc ñucaca llaquiricushpalla huañushpa Seolman risha— nirca.

GÉNESIS 45:28

Chaimantami taita Israelca: —¡Ñuca churi Joseca causacushcaracmi! Cunanca manarac huañushpa ricugrisha, chaillatacmi yachasha nircani— nirca.

GÉNESIS 48:11

Chaipimi taita Israelca Josetaca: —Cambac ñahuitaca ña mana ashtahuan ricushachu yuyarcanimi. Shina cacpipish, Diosmari cambac churicunatapish ricuchun munashca— nirca.

2 SAMUEL 12:17

Shina cacpimi, mandashpa tiyana huasipi causac yuyaccunaca jatarichingapac rirca. Ashtahuanpish paica mana pambamanta jatarisha nircachu. Shinallatac paicunahuanpish mana micusha nircachu.

2 SAMUEL 12:23

Ashtahuanpish cunan ña huañushca quipaca, ¿imapactac ayunasha? ¿Chashna huacashpaca causachishachu? ¡Ashtahuanpish ñucami paipacman risha, paica mana ñucapacman cutingachu!— nirca.

2 SAMUEL 19:1

Joabmanca: «Jatun mandacca Absalón huañushcamantami huacashpa llaquilla can» nishpa parlarca.

1 CRÓNICAS 7:22

Paicunapac taita Efrainca yallita llaquirishpa duelo puricucpimi, paipac huauquicunaca cushichingapac shamurca.

JOB 2:11

Jobpac quimsa ricsishcacunami chai tucui llaquita apacun nicta uyashpa, paicunapac llactamanta shamurca. Paicunamanta shucca temanitapuramanta Elifazmi carca. Caishucca suhitapuramanta Bildadmi carca. Chaishucca namatitapuramanta Zofarmi carca. Paicunaca Jobta llaquinacushpa cushichingapacmi quimsa tucushpa shamunata yuyarircacuna.

SALMOS 77:2

Llaqui punzhapica Diostami mashcani. Tutapish maquita huichai alzashpami, mana shaicushpa mañani. Ñuca almaca mana cushicurcachu.

SALMOS 77:3

Diosta yuyarishpami yallita llaquirishpa huacani. Chashna yuyarishpa llaquiricucllapitacmi ñuca almaca huañun.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.

JEREMÍAS 31:15

Mandac Diosca: «Ramá llactapi llaquihuan caparishpa huacashcami uyarirca. Chaipica Raquelmi paipac huahuacuna huañushcamanta yallita huacacurca. Pipish mana cushichi pudircachu» ninmi.