GÉNESIS 37:34 - Dios Rimashcata Quillcashcami

³⁴ Chaimantami taita Jacoboca paipac churanata lliquirishpa, sharpa churanata churarishpa, paipac churi José huañushcamantaca tauca punzhacunata llaquilla causacurca.

GÉNESIS 37:34 ပူးပေါင်းရင်းမြစ်များ

GÉNESIS 37:29

Chai quipami Rubenca chai jutcuman cutishpa, Joseta mana tarishpaca, paipac churanata lliquirirca.

GÉNESIS 42:38

Shina nicpimi, taita Jacoboca: —Ñuca churica mana cancunahuan ringachu. Paipac huauqui Joseca ña huañurcami, paillami saquirin. Cancuna rina ñanpi ima llaqui tucucpica, yurac acchayuc ñucaca llaquiricushpalla huañushpa Seolman risha— nirca.

GÉNESIS 44:13

Chashna taricpica, munai llaquirishpa, paicunapac churanata lliquishpami, quiquin burrocunapi grano tulucunata apachishpa, chai llactaman cutirca.

2 SAMUEL 1:11

Chaimantami Davidca munai llaquirishpa, paipac churanata lliquicpi, paihuan cac gentecunapish chashnallatacmi ruhuarca.

2 SAMUEL 3:31

Chaimantami Davidca Joabtapish, tucui paihuan caccunatapish mandashpaca: —¡Churanacunata lliquirishpa, sharpa churanacunata churarishpa Abner huañuchishcamanta llaquirichic!— nirca. Jatun mandac Davidca huañushcata huandushpa ricuccunapac huashallatami rirca.

1 REYES 20:31

Chaimantami paita serviccunaca: «Riqui, israelcunata jatun mandacca yallita llaquic cashcatami uyanchic. Cunanca, sharpa churanata churarishpa, cungapipish huascahuan huatarishpa, Israel llactata jatun mandacpacman chayagrishun. Chaita ricushpaca, cantaca perdonangapishchari» nirca.

1 REYES 21:27

Acab cai nishcacunata uyashpaca, paipac churanata lliquishpami sharpa churanata churarishpa, mana micushpa cainarca. Shungu llaquirishpa llaquilla cashpami, chai churanallahuantac sueñurca.

2 REYES 19:1

Jatun mandac Ezequías chaita uyashpaca, paipac churanata lliquishpami, sharpa churanata churarishpa, Mandac Diospac huasiman yaicurca.

2 REYES 2:12

Chashna ricta ricushpami Eliseoca: «¡Ñuca taitalla, ñuca taitalla! ¡Canca israelcunapac macanacuna carretacunapi, caballocunapi ric soldadocuna shinami cangui!» nirca. Chai quipaca Eliastaca mana ashtahuan ricurcachu. Chai quipaca, paipac churanata japishpami ishcaipi lliquirca.

2 REYES 22:11

Chai libropi cac mandashpa quillcashca shimicunata rezashcata uyashpami, jatun mandacca paipac churanata lliquirca.

1 CRÓNICAS 21:16

David huichai ricushpaca, Mandac Diospac ángel cai pachahuan jahua pachahuan chaupipi shayacuctami ricurca. Shinallatac paipac maquihuanca espadata Jerusalén pueblo ladoman ricuchishpa charicuctami ricurca. Chaimantami Davidpish, israelcunata pushac yuyaccunapish sharpa churanata churarishpa allpacaman cumurirca.

1 CRÓNICAS 7:22

Paicunapac taita Efrainca yallita llaquirishpa duelo puricucpimi, paipac huauquicunaca cushichingapac shamurca.

NEHEMÍAS 9:1

Chai quilla ishcai chunga chuscu punzhapimi israelcunaca llaquilla tucushpa, sharpa churanata churarishpa, allpata umapi tallishpa ayunangapac tandanacurca.

JOB 1:20

Chaicunata uyashpami, Jobca jatarishpa paipac jahualla churanata lliquirishpa, uma acchatapish pitishpa pambacaman cumurishpa Diosta alli nirca.

JOB 16:15

Sharpa churanataca llutac shinami ñuca cuerpopi churarircani. Ñuca umataca ñuto allpapimi pambarcani.

JOB 2:12

Chai runacunaca carumanta ricushpaca mana ricsircacunachu. Chaimantami yallita caparishpa huacarcacuna. Paicunapac jahualla churanatapish lliquishpami, quimsata paicunapac umapi allpata shitarircacuna.

SALMOS 69:11

Sharpa churanata churarishca cacpimi, ñucata burlashpa rimarcacuna.

ISAÍAS 32:11

Ima llaqui shamunata mana yuyarishpa causac huarmicunalla, manchaihuan chucchuichicyari. Sharpa churanata churarishpa llaquilla caichicyari.

ISAÍAS 36:22

Chai quipami mayordomo Eliaquimpish, quillcac Sebnapish, jatun mandac huillac Joapish paicunapac churanata lliquishpa, Ezequiaspacman shamurca. Shina shamushpami, Rabsaces ima nishcata huillarca. Eliaquimca Hilquiaspac churimi carca. Joaca Asafpac churimi carca.

JEREMÍAS 36:24

Chai tucui rezashcata uyashpaca jatun mandacpish, paita servic mandaccunapish mana mancharcachu. Paicunapac churanacunallatapish mana lliquircachu.

JEREMÍAS 48:37

Tucuimi acchatapish, barbastapish pitishpa, maquicunatapish chugririshpa, sharpa churanata churashca purincuna.

JOEL 2:13

Llaquirishpa churanata lliquirinapac randica, tucui shunguhuan llaquirichic. Cancunata Mandac Diospacman cutirichic. Paica cuyac shungumi, llaquicmi. Mana utca piñaric, yallita llaquicmi. Paica mana llaquichinata munanchu.

SAN MATEO 11:21

«¡Aij, Corazín pueblolla, Betsaida pueblolla! Cancunapac pueblocunapi ruhuashca shinata Tiro pueblopi, Sidón pueblopi ruhuashca cacpica, llaquirishpa, sharpa churanata churarishpa, uchupahuan cahuirishpa, Diosman cutirinmanmi carca.

SAN MATEO 26:65

Shina nicpimi, mandac curaca yallita piñarishpa, paipac churanata lliquishpaca: —¡Cai runaca Diostami piñachishca! ¿Imapactac shuctac huillaccunaman tapushun? ¡Cancunallatacmi Diosta piñachishpa rimashcataca uyashcanguichic!

HECHOS 14:14

Chaimanta Pablopish, Bernabepish yallita llaquirishpa, churanata lliquirishpa, chai gentecunapac chaupiman

JOSUÉ 7:6

Chaimantami Josueca yallita llaquirishpa, churanata lliquishpa Mandac Diospac Arca ñaupapi israelcunata pushac yuyaccunandi tutayangacaman pambacaman cumurirca. Shinallatac llaquirishpami, uchupata umapi churarirca.

APOCALIPSIS 11:3

Chai punzhacunapica ishcai huillaccunatami sharpa churanata churarishpa huaranga ishcai pasac sucta chunga punzhacunata ñucamanta huillachun mandasha» nirca.

JUECES 11:35

Chaita ricushpami Jefteca llaquirishpa paipac churanata lliquirishpaca: —¡Aij, ñuca huahualla! ¡Canmantami ñucamanca llaqui shamushca! Ñuca shimihuanmi Mandac Diosman cushami nircani. Chaitaca pactachinatacmi cani— nirca.