GÉNESIS 37:33 - Dios Rimashcata Quillcashcami

³³ Jacoboca paipac churipac churanata ricsishpaca: «¡Ari, caica ñuca churipac churanami! ¡Ima sacha animalmi micushca canga, Josetaca tucuimi pitinacushca!» nirca.

GÉNESIS 37:33 ပူးပေါင်းရင်းမြစ်များ

GÉNESIS 37:20

Cunanca, paipac muscushca pactacta ricungapac huañuchishpa, jutcupi shitashunchic. Shina huañuchishpaca taitamanca: “Ima sacha animalcunami micushca canga” nishunllami— nircacuna.

GÉNESIS 37:32

Chai quipaca Josepac tucuilaya color sumac churanatami paipac taitaman ricuchichun cacharca. Shina cachacpimi: —Caitami tarinchic. ¿Cambac churipac jahualla churanachu? Paipac cashcata, mana cashcata alli ricsi— nirca.

GÉNESIS 42:38

Shina nicpimi, taita Jacoboca: —Ñuca churica mana cancunahuan ringachu. Paipac huauqui Joseca ña huañurcami, paillami saquirin. Cancuna rina ñanpi ima llaqui tucucpica, yurac acchayuc ñucaca llaquiricushpalla huañushpa Seolman risha— nirca.

GÉNESIS 44:20

Chashna tapucpi, ñucanchicca can mandacmanca: “Shuc yuyac taitatapish, ñucanchic taita yuyac cashpa charishca uchilla huauquitapish charinchicmi. Paipac shuc huauquica ña huañurcami. Paillami mamapac huahuacunapuramantaca saquirirca. Paitami taitaca yallita cuyan” nircanchic.

GÉNESIS 44:28

Chai ishcaimanta shucca ñuca ñaupamanta rishpami chingarirca. Paitaca ima sacha animalcunami pitinacushca canga yuyanimi. Paitaca mana ashtahuan ricushcanichu.

GÉNESIS 48:11

Chaipimi taita Israelca Josetaca: —Cambac ñahuitaca ña mana ashtahuan ricushachu yuyarcanimi. Shina cacpipish, Diosmari cambac churicunatapish ricuchun munashca— nirca.

1 REYES 13:24

Shina parejacpica, burropi montashpa ñanta ricucpimi, shuc león ñanpi tupashpa huañuchirca. Ña huañucpica, chaupi ñanpimi paipac cuerpoca siricurca, burropish, leonpish chai huañushca ladopimi shayacurca.

2 REYES 2:24

Chaimantami Eliseo tigrarishpa paicunata ricushpa Mandac Diospac shutipi maldiciarca. Chashna maldiciacpimi, sachamanta ishcai huarmi oso llucshishpa, chai huambracunamantaca chuscu chunga ishcai huambrata pitinacushpa huañuchirca.

PROVERBIOS 14:15

Ashalla yuyaita charic runaca imatapish crinllami. Ashtahuanpish alli yuyaiyuc runaca imata ruhuangapacpish allita yuyarinracmi.

SAN JUAN 13:7

Shina nicpimi Jesusca: —Ñuca cashna ruhuacushcataca manarac entendinguichu, quipamanmi entendingui— nirca.