GÉNESIS 34:30 - Dios Rimashcata Quillcashcami

³⁰ Chaimantami Jacoboca Simeontapish, Levitapish rimashpaca: —Cancuna chashna ruhuashpaca, cai llactapi causac cananeocunapac, ferezeocunapac piñanatami ñucataca ruhuashcanguichic. Cunanca piñangacunami. Ñucanchicca ashalla runacunatami charinchic. Paicuna tandanacushpa, jahualla ñucatapish, ñuca familiatapish huañuchingami— nirca.

GÉNESIS 34:30 ပူးပေါင်းရင်းမြစ်များ

GÉNESIS 12:12

Egipto runacuna canta ricushpaca: “Cai huarmica paipac huarmimi” nishpami, ñucataca huañuchishpa, cantaca mana huañuchinga.

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 12:6

Abramca chai llactata rishpami, Siquem llactacaman chayashpa, Moré nishca encina yura ladoman chayarca. Chai llactapica cananeocunami causarca.

GÉNESIS 13:7

Abrampac michiccunaca Lotpac michiccunahuanmi piñanacuc carca. Shinallatac cananeocunapish, ferezeocunapish chaillapitacmi causarca.

GÉNESIS 34:2

Chashna ricpimi, chai llactata mandac heveocunapuramanta Hamorpac churi Siquemca chai solterata ricushpa, japirishpa llaquichirca.

GÉNESIS 34:29

huasipi tucui ima tiyashcacunata tucuimi shuhuashpa aparca. Huarmicunatapish, huahuacunatapish prezu aparcami.

GÉNESIS 34:31

Shina nicpimi paicunaca: —¿Ñucanchic panitaca cullquimanta huainayac huarmi shinatachu ruhuana carca?— nirca.

GÉNESIS 46:26

Jacobomanta mirarishca tucui churicunahuanmi Egiptoman rirca. Paipac churicunapac huarmicunata mana yupashca, tucui gentecunaca sucta chunga suctami rirca.

GÉNESIS 46:27

Egipto llactapi huacharishca Josepac churicunaca ishcaimi carca. Paicunandi tandachicpica, Jacobopac huasi ucupuraca canchis chungami Egiptoman carca.

2 SAMUEL 10:6

Amón llactapi causaccunaca David piñashpa, mana ricunayachicushcata yachashpami, Bet-rehob pueblopi, Soba pueblopi causac ishcai chunga huaranga soldadocunata, shinallatac Maaca llactata jatun mandacpac huaranga soldadocunata, Is-tob llactamantaca chunga ishcai huaranga soldadocunata pagashpa pushamurca.

2 SAMUEL 16:21

Shina nicpimi, Ahitofelca Absalontaca: —Cambac taita mandana huasita cuidachun saquishca paipac caishuc huarmicunapi chayari. Chashna ruhuacpimi, tucui israelcunaca cambac taitapac piñana tucushcata yachashpa, canhuan cac gentecunaca ashtahuan sinchiyanga— nirca.

1 REYES 11:25

Rezonca Salomonpac tucui causaipimi israelcunata piñac carca. Chashnami Rezonpish, Hadadpish israelcunataca llaquichirca. Chashna ruhuashcaca ashtahuanmi llaqui jatarirca.

1 REYES 18:18

Shina nicpimi Eliasca: —Israelcunataca mana ñucachu llaquichicuni, ashtahuanpish canmi, cambac taitapac familiacunahuan Mandac Dios mandashcacunata saquishpa, Baal dioscunata catishpa llaquichicungui.

1 CRÓNICAS 16:12

Pai mancharina allicunata, sumaimanacunata, paipac shimihuan mandashpa ruhuashcatapish yuyarichic.

1 CRÓNICAS 16:19

Paicuna mana achca cacpipish, caru llactamanta shamushca, ashallacuna shina cacpipish,

1 CRÓNICAS 19:6

Amonitacunaca David paicunata mana ricunayachicushcata yachac chayashpami Hanunhuan, amonitacunahuan carretacunatapish, caballocunapi puric soldadocunatapish, alquilachun huaranga talento cullquita cushpa Mesopotamia, Siria, Maaca, Soba llactacunaman cacharca.

1 CRÓNICAS 2:7

Carmipac churica Acanmi carca. Paimi Dios tucui chingachichun nishcata mana cazushpa mana allita japishpa israelcunataca yallita llaquichirca.

SALMOS 105:12

Paicuna ashalla tucushpa, shucpac llactapi causacucpi,

ÉXODO 5:21

Shina tupashpaca: —Cancunallatacmi ñucanchictaca Faraonpac ñaupapi millanata ruhuashcanguichic. Cancunallatacmi ñucanchicta huañuchichun, espadata paicunapac maquipi churac shina ruhuashcanguichic. Chaita ruhuashcamantaca Mandac Diosllatac ricushpa taripashpa llaquichichun— nirca.

PROVERBIOS 11:17

Pitapish llaquic runaca paipac shungumanmi allita ruhuan. Ashtahuanpish yallita llaquichic runaca paillatacmi llaqui tucun.

PROVERBIOS 11:29

Maijanpish paipac huasi ucupurata mana cuidac runaca imatapish mana charingachu. Rumi shungu runaca yachaisapa runata servishpami causanga.

PROVERBIOS 15:27

Charinallata munac runaca paipac huasi ucupuramanmi llaquita apamun. Ashtahuanpish cullquita pacalla cucpi mana japic runaca causangami.

DEUTERONOMIO 4:17

Shinallatac allpapi tiyac animalman riccha, jahua cielota volac animalman riccha,

DEUTERONOMIO 4:27

Mandac Diosmi tucui cancunataca shuctac llactacunaman shic-huashpa cachanga. Shina ruhuacpica, ashallami saquiringuichic.

DEUTERONOMIO 7:7

Mandac Diosca mana shuctac llactacunamanta ashtahuan achca cashcamantachu acllarca. Ashtahuanpish cancunaca shuctac llactacunamanta ashtahuan uchillami canguichic.

JOSUÉ 7:25

Chaipimi Josueca: —¿Ima nishpatac ñucanchicta chashna llaquipi churarcangui? Cantapish, Mandac Dios cunan punzha llaquichichun— nirca. Chai quipaca, tucui israelcunami rumihuan shitashpa huañuchirca. Shina huañuchishca quipaca tucuimi rupachirca.

1 SAMUEL 13:4

Israelcunaca: «Saulca urcupi cuidacuc filisteo soldadocunahuanmi macanacushpa atishca. Chaimantami filisteocunaca israelcunata mana ricunayachicun» nictami uyarcacuna. Shina cashcamantami israelcunaca Saulta catingapac Gilgal pueblopi tandanacurca.

1 SAMUEL 16:2

Shina nicpimi Samuelca: —¿Ima shinatac rishayari? Ñuca rishcata Saúl yachashpaca huañuchingami— nirca. Shina nicpimi, Mandac Diosca: —Huagracunamanta shuc becita apashpa: “Mandac Diosman cushpa rupachingapacmi shamurcani” ningui.

1 SAMUEL 27:1

Chai quipami Davidca paipac shungupica: «Ima punzha cashpapish Saulca huañuchingami. Chaimanta ama ashtahuan ñucata cai Israel llactapi mashcashpa puricuchunca, Filisteocunapac llactapi miticungapac risha. Shina rishpami, paipac maquimantaca quishpirisha» nishpa yuyarca.

1 SAMUEL 27:12

Ashtahuanpish Aquisca David ima nishcatapish crishpami: «Davidca Israel llactapica piñai tucushcami. Shina cashpaca, huiñaitami ñucata servic canga» nirca.