GÉNESIS 33:17 - Dios Rimashcata Quillcashcami

¹⁷ Cutin Jacoboca Sucotman rishpami, chaipi pai causana huasitapish, animalcuna shayana chucllatapish ruhuarca. Chaimantami chai allpataca Sucotta shutichirca.

GÉNESIS 33:17 ပူးပေါင်းရင်းမြစ်များ

GÉNESIS 33:16

Chashnami chai punzhallatac Esauca ñanta catishpa, Seir llactaman cutirca.

1 REYES 7:46

Chai tucui charinacunataca jatun mandacca Jordán pambapimi ruhuachirca. Chaipica quillu allpami carca. Chai pambaca Sucot pueblohuan Saretán pueblohuan chaupipimi carca.

SALMOS 60:6

Diosca paipac huasipica: «Ñucaca cushicushpami, Siquem llactata chaupishpa cusha. Sucot pambatapish medishpa cusha.

ÉXODO 12:37

Israelcunaca Ramesesmantaca Sucotmanmi llucshirca. Paicunapac huahuacunata mana yupashpa, chaquillahuan riccunallami sucta patsac huaranga carca.

ÉXODO 13:20

Sucotmanta israelcuna llucshishpaca, shitashca pamba cuchupi cac Etampimi saquirirca.

JOSUÉ 13:27

Yacu lado pambapica Bet-aram, Bet-nimra, Sucot, Zafón pueblocunapishmi carca. Shinallatac Hesbón pueblopi causaccunata jatun mandac Sehón mandacushca pueblocamanmi carca. Chaica, Jordán yacu inti llucshina ladomantaca Cineret mama cucha tucuricamanmi carca.

JUECES 8:14

Shina cuticushpami, Sucot pueblomanta shuc mosota japishpa, tucuita tapurca. Paimi chai pueblopi mandaccunapac pushac yuyaccunapac shuticunata quillcashpa curca. Chai quillcashcapica canchis chunga canchis caricunami carca.

JUECES 8:16

Shina nishpami, chai pueblota pushac yuyaccunatapish, Sucot pueblopi causaccunatapish shitashca pambapi tiyac cashahuan, cardos-huan macashpa chugrichirca.

JUECES 8:5

Shina chayashpami, Sucot pueblopi causaccunataca: —Ñucahuan cac gentecunaca shaicushcami. Chaimanta asha tandata caraichic. Ñucanchicca madianitacunata mandac Zeba, Zalmunatami caticunchic— nirca.

JUECES 8:8

Chaimantaca Peniel pueblomanmi huichai rirca. Chaiman chayashpapish, Sucot pueblopi nishca shinallatacmi nirca. Shina nicpica, Penielpi causaccunaca Sucot pueblopi causaccuna nishca shinallatacmi nirca.