GÉNESIS 32:31 - Dios Rimashcata Quillcashcami

³¹ Jacoboca ña inti llucshimucucpimi, Peniel pambamantaca pasarca. Paica changa mucu nanaihuan cashpami, suchu suchulla ricurca.

GÉNESIS 32:31 ပူးပေါင်းရင်းမြစ်များ

GÉNESIS 16:13

Agarca paihuan rimacuc Mandac Diostaca: «Ñucata ricuc Diosmi cangui» nishpami shutichirca. Shinallatac: «Chaica, ¿manachu ñucata ricuc Diosta ricuni?» nirca.

GÉNESIS 19:15

Ña achicyamucucpimi, angelcunaca Lottaca: —¡Cai llactata llaquichicpi, mana huañungapacca jatarishpa, cambac huarmitapish, caipi cac ishcai ushicunatapish apashpa, utca llucshi!— nirca.

GÉNESIS 19:23

Ña inti llucshicucpimi, Lotca chai Zoarman chayarca.

GÉNESIS 32:25

Chai runaca Jacobota mana mishai pudishpami, Jacobopac changa mucupi tuparirca. Shina macanacucucllapitacmi Jacobopac changapi tuparicpi, mucu quihuirirca.

GÉNESIS 32:32

Jacobota changa mucupi tuparishcamantami israelcunaca cunan punzhacaman ima animalpac changa mucutaca mana micuncuna.

1 REYES 12:25

Jeroboamca Efraín urcupi cac Siquem pueblota cutin allichishpami chaipi causai callarirca. Chaimanta llucshishpaca, Penuel pueblotami allichirca.

1 REYES 18:26

Shina nicpimi, Baalmanta huillaccunaca paicunaman cushca huagrata huañuchishpa, altar jahuapi churarcacuna. Chaimantaca tutamantamanta chaupi punzhacamanmi: «¡Baal, ñucanchic mañashcata uyaiyari!» nishpa Baal diospac ñaupapi danzashpa cainarcacuna. Ashtahuanpish Baalca ima mañashcata mana uyarcachu. Paicunallatac ruhuashca altar ladopimi saltashpa muyurcacuna.

SALMOS 38:17

Ashtahuanpish ña huañunallami cani. Ñuca cuerpoca nanacunllami.

ÉXODO 24:10

israelcunata Mandac Diosta ricurca. Paipac chaqui ucupica jahua pacha achic nicuc shina, zafiro rumihuan allichishcami carca.

ÉXODO 24:11

Shina israelcunata pushac yuyaccuna Diosta ricucpipish, Diosca mana llaquichircachu. Chaimantami paicunaca micushpapish, ubiashpapish carcacuna.

ISAÍAS 6:5

Chaita ricushpa ñucaca: «¡Aij, ñucaca huañugrinimi! Ñucaca mapa shimicunata rimacmi cani. Mapa shimicunata rimac runacunapac chaupipimi causani. Chashna cashpapish tucuita Mandac Diostami ñuca ñahuihuantac ricucuni» nircani.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

2 CORINTIOS 12:7

Chai muscuipi shina ricushcamanta ñuca mana yalli jatun tucuchunca, ñuca cuerpopi shuc casha tucsic shinami Diosca nanaita churarca. Chai shinami ama yalli jatun tucuchunca, Satanaspish chai nanaillahuantac llaquichicunlla.

2 CORINTIOS 12:9

Shina mañacpipish Apunchic Jesusca: «Chashna llaquicunata apacushpapish, ñuca cuyashcamantaca cushicuilla. Ñuca imatapish ruhuaclla cashcaca, can imatapish mana ruhuaipac cacpimi alli ricurin» nircami. Chaimanta Cristo imatapish ruhuaclla cashca ñucapi ricurichunmi, ñucaca imatapish mana ruhuaipaclaya canata munani.

DEUTERONOMIO 5:24

Chashna cuchuyashpaca: “Riqui, caipimi ñucanchicta Mandac Diosca paipac podertapish, jatun cashcatapish ricuchin. Nina chaupipimi pai rimashcata uyanchic. Cunan punzhami Dios runacunaman rimacpi, runacuna mana huañuc cashcatapish ricunchic.

DEUTERONOMIO 5:26

Chaica, ¿pi shuctac runacunata causac Dios nina chaupimanta rimashcata uyashpaca causacungayari?

JUECES 6:22

Gedeón Mandac Diospac ángel cashcata yachac chayashpaca: —¡Taita amitolla! ¡Mandac Diospac angeltami ñahui ñahui ricushcani! ¿Cunanca huañushami?— nirca.

JUECES 6:23

Shina nicpimi, Mandac Diosca: —Mana huañunguichu, ama manchaichu, cushilla cailla— nirca.

JUECES 8:8

Chaimantaca Peniel pueblomanmi huichai rirca. Chaiman chayashpapish, Sucot pueblopi nishca shinallatacmi nirca. Shina nicpica, Penielpi causaccunaca Sucot pueblopi causaccuna nishca shinallatacmi nirca.