GÉNESIS 32:26 - Dios Rimashcata Quillcashcami

²⁶ Chaimantami chai runaca: —Ñami pacarimun, cachari— nirca. Shina nicpica Jacoboca: —Ñucata mana bendiciacpica, mana cacharishachu— nirca.

GÉNESIS 32:26 ပူးပေါင်းရင်းမြစ်များ

GÉNESIS 32:25

Chai runaca Jacobota mana mishai pudishpami, Jacobopac changa mucupi tuparirca. Shina macanacucucllapitacmi Jacobopac changapi tuparicpi, mucu quihuirirca.

GÉNESIS 32:27

Shina nicpimi, chai runaca Jacobotaca: —¿Ima shutitac cangui?— nirca. Shina nicpimi Jacoboca: —Jacobo shutimi cani— nirca.

1 CRÓNICAS 4:10

Jabesca israelcunapac Mandac Diosta mañashpaca: «¡Ñuca ima llaquita mana apangapac ñucata bendiciashpa, ñuca llactatapish achcata ruhuaiyari! ¡Cambac maquihuan ima llaquimantapish huacaichiyari!» nishpa mañacpimi, Mandac Diosca pai mañashcata uyarca.

SALMOS 67:1

Dioslla, ñucanchicta llaquishpa bendiciaiyari. Cambac cuyaita ricuchishpa cushilla ñahuihuan ricuiyari.

ÉXODO 32:10

Cunanca, paicunahuanca yallita piñarishpa, huañuchishpa tucuchichun saqui. Shina cacpipish, canmantaca shuc jatun llactatami ruhuasha— nirca.

CANTARES 3:4

Paicunamanta ashata caruyashpaca, ñuca shungu cuyashcahuan tuparcanimi. Paihuan tupashpaca japishpa mana cacharishpami, ñucata sajuaric mamapac huasiman pusharishpami yaicuchircani.

CANTARES 7:5

Cambac umaca Carmelo urcu shinami. Cambac acchaca yana puca churana shinami. Chashna accha cashpami, jatun mandacpac shunguta shuhuashca.

ISAÍAS 45:11

Israelcunata ruhuac jucha illac Mandac Diosca: «¿Quipa punzha ima tucunatachu tapunguichic? ¿Ñuca maquihuan ruhuashca huahuacunamantachu tapunguichic?

ISAÍAS 64:7

¡Cambac shutita mañacca pipish mana tiyanchu! ¡Pipish canhuan cangapac mana sinchiyanchu! Chaimantami cambac ñahuitaca ñucanchicmanta pacarcangui. Ñucanchic mana allicunata ruhuashcacunallatac mandac shina, charicucpimi, anguyac shina, llaquita apachun saquircangui.

OSEAS 12:4

Jacoboca angelhuan macanacushpa mishashpaca, yallita huacashpami mañarca. Jacoboca Bet-elpimi Dios-huan tuparca.

ROMANOS 8:37

Tucui chai llaquicunapica Cristo cuyacpimi, imatapish mishaccunalla canchic.

1 CORINTIOS 15:58

Chaimanta cuyashca criccuna, pi ama urmachichun, Apunchic Jesusta tucui shunguhuan crishpa catiraichic. Apunchic Jesuspac ruhuaitaca punzhanta ruhuacuichiclla. Apunchic Jesus-huan cancuna imata ruhuashcaca mana yangachu canga.

DEUTERONOMIO 9:14

Paicunata tucuchishpa, cai pachamanta paicunapac shutita chingachingapac saquilla. Ashtahuanpish canmantaca paicunamanta yalli achca gentecunatami ruhuasha” nirca.

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.