GÉNESIS 29:14 - Dios Rimashcata Quillcashcami

¹⁴ Shina parlacpimi, Labanca: “¡Canca ñuca yahuarpurallatacmi cangui!” nirca. Jacoboca shuc quillatami Labanhuanca causarca.

GÉNESIS 29:14 ပူးပေါင်းရင်းမြစ်များ

GÉNESIS 13:8

Chashna cacpimi, shuc punzha Abramca Lotta cayashpaca: «Ñucanchicca huasi ucupurami canchic. Ñucanchicpura mana piñanacunachu canchic. Shinallatac ñuca michiccunapish cambac michiccunahuan mana piñanacunachu can.

GÉNESIS 2:23

Chaimantami Adanca: «Caica ñuca tullumanta, ñuca aichamanta ruhuashcami. Paica carimanta ruhuashca cashcamantami “Huarmi” canga» nirca.

GÉNESIS 29:12

“Ñucaca Rebecapac huahua, shinallatac Labanpac sobrinomi cani” nirca. Shina nicpimi, Raquelca callpashpa, paipac taitaman huillangapac rirca.

GÉNESIS 29:15

Chaimantami Labanca: —Canca ñuca familiapura cashpapish mana yangachu trabajana cangui. Can trabajashcamantaca, ¿mashnatatac pagachun ningui?— nirca.

GÉNESIS 37:27

Paica ñucanchic huauqui, quiquin yahuarllatacmi. Chaimanta ima millaita mana ruhuashpa, ismaelitacunaman catushpa cachashunchic— nirca. Shina nicpica, caishuc huauquicunaca allimi nishpami,

2 SAMUEL 5:1

Chai quipami tucui Israel aillucuna Hebrón pueblopi Davidpacman chayashpaca: «Ñucanchicca cambac aicha, cambac tullullatacmi canchic.

MIQUEAS 7:5

Ricsishca runa ima nishcata ama cringuichu. Ama chai runapi shunguta churanguichu. Canhuan sueñuc huarmimantapish cuidaringui.

ROMANOS 11:14

Chashna ruhuashpaca, ñuca llacta aillucuna envidiashpa, maijancunallapish quishpirina munaita charichunmi munani.

EFESIOS 5:30

Ñucanchicca Jesucristopac cuerpo, partecunami canchic.

JUECES 9:2

«Siquem pueblopi causaccunataca: “¿Jerobaalpac tucui canchis chunga churicuna mandashpachu alli canga? ¿Mana cashpaca shuclla jatun mandac tiyanachu alli canga?” nishpa paicunata cunaichic. Ñuca cancunapac aillupura cashcataca yachanguichicmi» nirca.