GÉNESIS 29:13 - Dios Rimashcata Quillcashcami

¹³ Labanca paipac panipac cari huahua shamushcata uyashpaca, callpashpami tupangapac rirca. Jacobohuan tupashpa, ucllarishpa muchashpami, huasiman pusharirca. Chaipimi Jacoboca tucui ima tucushcata parlarca.

GÉNESIS 29:13 ပူးပေါင်းရင်းမြစ်များ

GÉNESIS 24:29

Paica shuc turitami charirca. Chai turica Labanmi carca. Paimi yacu junduman callpashpa, servic runahuan tupangapac rirca.

GÉNESIS 24:31

Labán chaiman chayashpaca: —Mandac Dios bendiciashca runa, allimi shamushcangui. ¿Imamantatac cai canzhapi saquiringuiyari? Ñami huasipica can samarinatapish, camellocuna maipi huatanatapish allichircani— nirca.

GÉNESIS 24:32

Chashna nicta uyashpami, chai servicca Labanpac huasiman rirca. Ña chayacpica, camellocuna aparishcata uricuchishpaca, camellocunaman quihuatapish, tamotapish churarcami. Chai servicmanpish, paihuan caccunamanpish chaquita jahuachun yacuta curcami.

GÉNESIS 33:4

Ashtahuanpish Esauca callpa rishpami, cungapi ucllarishpa muchashpa, ishcaitac huacarca.

GÉNESIS 45:15

Joseca tucui huauquicunahuan ucllarishpami huacarca. Chai quipami, Josepac huauquicunaca paihuan parlarca.

2 SAMUEL 19:39

Shinami tucui gentecunapish, jatun mandacpish Jordán yacuta pasarca. Quipataca jatun mandac Barzilaitapish muchashpa bendiciashpami, paipac huasiman cacharca.

ÉXODO 18:7

Shina nicpimi, Moisesca paipac suegrota tupangapac llucshishpa, cumurishpa mucharca. Shinallatac caishuc chaishuc “Allillachu canguichic” ninacushpami, carpa huasiman yaicurca.

ÉXODO 4:27

Mandac Diosca Aarontaca: —Shitashca pambapi Moisesta tupagri— nirca. Aarón tupangapac rishpa, Mandac Diospac urcupi Moises-huan tupashpa mucharca.

SAN LUCAS 7:45

Canca mana mucharcangui, ashtahuanpish cai huarmica yaicumushcahuanmi, ñuca chaquita muchanata mana saquishca.

HECHOS 20:37

Chai quipaca, tucui chaipi caccunami Pablota ucllarishpa, muchashpa huacanacurca.

ROMANOS 16:16

Chuya shunguhuan muchashpa, caishuc chaishuc saludanacuichic. Cristota cric tucui tandanacushca criccunapish saludachun nishpami cachan.

COLOSENSES 4:5

Cristohuan manarac caccunahuan tandarishpaca, yachaccuna shina caichic. Shinallatac tiempo tiyashcapica allitac ruhuaichic.