GÉNESIS 27:28 - Dios Rimashcata Quillcashcami

²⁸ Dios jahua pachamanta allpapi tamyachishpa pucuchichun. Achca trigotapish, achca vinotapish canman cuchun.

GÉNESIS 27:28 ပူးပေါင်းရင်းမြစ်များ

GÉNESIS 27:37

Shina nicpimi, Isaacca Esautaca: —Paitaca cambac amo cachunmi churarcani. Cambac tucui huauquicunatapish, paita servichunmi churarcani. Shinallatac achca trigotapish, achca vinotapish curcanimi. Ñuca huahualla, cunanca, ¿imatatac cushayari?— nirca.

GÉNESIS 27:39

Shina nicpimi, taita Isaacca: «Canca tamya llactamantapish, alli allpamantapish carupimi causangui.

GÉNESIS 45:18

Cancunapac taitatapish, familiatapish ñucapacman pushamugrichic. Ñucaca cai Egiptopi tiyac alli allpata acllashpami cusha. Cai allpapi sumac grano pucushcatami micunguichic” nigri.

GÉNESIS 49:20

Aser, canca jatun mandacpac micuna shina sumac micunatami charingui.

GÉNESIS 49:25

Cambac taitapac Diosca ayudangami. Imatapish ruhuaclla Diosmi jahua pachamanta tamyachishpa, mama cuchamanta yacu cachashpa, achca huahuacunayucta ruhuashpa bendicianga.

2 SAMUEL 1:21

Gilboa urcucunalla, cancunapac jahuapica, tamyapish, garuapish ama urmachun. Diosman cuna ofrendapish ama pucuchun. Chai urcupimi sinchi runacunapac, escudoca sarushca carca. Saulpac escudopish aceitehuan mana cahuishca shinami tucurca.

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

1 REYES 5:11

Shinallatac Salomonpish, Hirammanca ishcai chunga huaranga coro trigota, ishcai chunga huaranga bato ashtahuan alli aceitetami huatanta curca.

2 CRÓNICAS 2:10

Riqui, caspita pitishpa canta serviccunamanca ishcai chunga huaranga coro trigota, ishcai chunga huaranga coro cebadata, ishcai chunga huaranga litro vinota shinallatac ishcai chunga huaranga litro aceitetami cugrini» nichun cacharca.

SALMOS 104:15

Gentecunata cushichic vinopish, ñahuita sumacyachic aceitepish, micuna granopish canmantami tiyan.

SALMOS 133:3

Hermón urcuta tutamanta garua shamushpa, Sión urcuman chayamuc shinami can. Chaipimi Mandac Diosca bendiciashpa huiñai causaita cun.

SALMOS 36:8

Cambac huasi ucupi tiyac micunatami huicsa pactata micungacuna. Cambac sumaccunataca yacuta ubiachic shinami cungui.

PROVERBIOS 19:12

Jatun mandac piñarishpaca león huacac shinami manchachin. Pai alli ruhuashcaca garua quihuapi urmashca shinami.

PROVERBIOS 3:20

Tucuita yachac cashpami, jatun mama cuchatapish raquirca. Jahua pacha puyumantami tamyapish urman.

ISAÍAS 45:8

Jahua pacha, jahuamanta tamyata cachac shina, cashcata ruhuana yuyaita cachaiyari. Puyupish tamyata cachac shina, cashcata ruhuana yuyaita cachaiyari. Allpapish quishpirina tiyachun, cashcata ruhuana yuyai tiyachun pascariyari. Mandac Dios ñucami chaicunataca ruhuarcani.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

JOEL 2:19

Mandac Diosca paicuna mañashcata uyashpaca: «Ñuca micunatapish, llullu vinotapish, aceitetapish cucpi, mana nicta micunguichicmi. Llactacunapi burlashpa pingaichichunpish mana saquishachu.

MIQUEAS 5:7

Maijan saquirishca Jacobopac huahuacunapuramanta saquirishcaca Mandac Dios cachashca páramo shina, quihuapi urmacuc tamya shinami canga. Paicunaca mana huañuclla runatachu shuyanga. Ashtahuanpish Mandac Diosmantami japinga.

ZACARÍAS 8:12

Ashtahuanpish paicunapacca cushi causaica muyuta tarpushca shinami canga. Uvaspish achcami pucunga, allpapipish achca granomi pucunga, jahua pachaca tamyatami cachanga. Chai tucui allicunataca maijan saquirishcacunamanmi cusha.

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

NÚMEROS 13:20

chai allpaca grano pucuc cashcata, mana cashpaca mana pucuc cashcata, yuracuna tiyashcata, mana tiyac cashcata ricunguichic. Chai llactapi pucushcata mana manchashpa apamunguichiclla» nirca. Chai punzhacunaca punta pucushca uvasta pallana punzhacunami carca.

NÚMEROS 18:12

Israelcuna ñucaman cushca punta pucushca granopish, ashtahuan mushuc alli aceitepish, mushuc alli vinopish, alli granopish canmanmi canga.

ROMANOS 11:17

Maijan israelcunaca alli olivos yuramanta pitishca rama shinami. Cutin can mana Israelca, sacha olivos ramata pitishpa, alli olivos yurapi llutashca shinami cangui. Chaimantami canca chai sapimanta huiñashca yura shina, causaita japishcangui.

DEUTERONOMIO 32:2

Yachachishcaca tamya shinami chayanga. Ñuca rimashcaca shulla tamya shina, quihuapi garua tamya shinami urmanga.

DEUTERONOMIO 33:13

Josemanta nishpaca: «Mandac Dios allpaman jahua pachamanta tamyata cachashpa, allpa ucumanta yacuta llucchishpa bendiciachun.

DEUTERONOMIO 33:28

Israelca mana manchashpami causanga. Jacobomanta mirashca israelcunaca paicunallami grano allpapi, uvas chagra allpapi causanga. Jahua pachamanta urmac sumac garua tamyapish mana illangachu.

DEUTERONOMIO 7:13

Paica cuyangami, bendiciangami, achcata mirachingami. Cancunapac taitacunaman cushami nishca llactapica huahuacunatapish, allpapi pucushcatapish, granotapish, punta vinotapish, aceitetapish, vacacuna mirashcatapish, ovejacunatapish bendiciangami.

HEBREOS 11:20

Crishcamantami Isaacpish Jacoboman, Esauman shamuc punzhacunapi Dios bendiciachun nishpa, paiman mañarca.

JOSUÉ 5:6

Israelcunaca chuscu chunga huatatami Egiptomanta llucshimushca macanacuc caricuna tucuringacaman shitashca pambata purirca. Chai caricunaca Mandac Dios rimashcata mana cazushcamantami chashna tucurirca. Mandac Diosmi lechepish, mishquipish yacu shina callpacuc llactata cungapac cancunapac ñaupa taitacunaman ari nishca carca.