GÉNESIS 25:18 - Dios Rimashcata Quillcashcami

¹⁸ Ismaelpac huahua huahuacunaca Asiria llactamanta rina Egipto chimba ladopi cac Havila llactamanta Shur llactacamanmi causarca. Ismaelca tucui paipac huauquicunapac ñaupapimi huañurca.

GÉNESIS 25:18 ပူးပေါင်းရင်းမြစ်များ

GÉNESIS 10:29

Ofir, Havila, Jobab churicunatami charirca. Tucui paicunami Joctanpac churicuna carca.

GÉNESIS 10:7

Cuspac churicunaca: Seba, Havila, Sabta, Raama, Sabtecami carca. Raamapac churicunaca: Seba, Dedanmi carca.

GÉNESIS 13:10

Shina nicpimi, Lotca huichailla ricushpaca, Jordán tucui pambata ricurca. Chai pambaca Edén huerta shina, parcuc yacuyuc, shinallatac Mandac Dios manarac Sodomata, Gomorrata tucuchicpi, Zoar llacta chimba ladopi cac Egipto llacta shinami carca.

GÉNESIS 14:10

Sidim pambapica asfalto llucchishca achca jutcumi tiyarca. Chai jutcucunapimi Gomorrata jatun mandacpish, Sodomata jatun mandacpish chai macanacuimanta miticushpa callpacushpaca urmarca. Shuctac mandaccunaca urcucunapimi miticurca.

GÉNESIS 16:12

Paica yalli piñami canga. Paica tucuihuanmi piñanacunga. Shinallatac tucuimi paita piñanga. Tucui paipac huauquicunahuanmi piñanacushpa causanga— nirca.

GÉNESIS 16:7

Chashna rishpa, Shur shitashca pambaman rina ñan ladopi tiyac yacu jundu ladota ricucpimi, Mandac Dios cachashca ángel tupashpaca:

GÉNESIS 2:11

Chai chaupirishca shucniqui yacuca Pisonmi. Chai yacumi curi tiyac tucui Havila llactata muyun.

GÉNESIS 20:1

Abrahamca pai causacushca llactamanta rishpaca, Neguev llactamanmi chayarca. Chaipimi Cades-huan, Shur shitashca pambahuan tupanacuipi tiyac Gerarpi asha punzhacunata causarca.

GÉNESIS 21:14

Shina nicpimi, Abrahamca tutamanta utca jatarishpa micunatapish, shuc puru yacutapish Agarman curca. Shinallatac huahuatapish cushpami, caya minchacaman nishpa cacharca. Agarca Beerseba shitashca pambatami maiman chayanatapish mana yachashpa ricurcalla.

GÉNESIS 21:21

Paica shitashca pamba Paranpimi causacurca. Paipac mamaca Egiptomanta huarmihuanmi cazarachirca.

2 REYES 23:29

Jatun mandac Josías mandacui punzhacunami Egipto llactata jatun mandac Necaoca Asiria llactata jatun mandac-huan Eufrates jatun yacu ladoman rirca. Shina ricpimi, jatun mandac Josiasca paihuan tupangapac rirca. Ashtahuanpish Necaoca paita ricushcahuanmi Meguido pambapi huañuchirca.

1 CRÓNICAS 1:23

Ofir, Havila, Jobab churicunatami charirca. Tucui paicunami Joctanpac churicuna carca.

SALMOS 78:64

Paicunapac curacunatapish espadahuanmi huañuchirca. Viuda huarmicunaca mana llaquirishcata ricuchi pudircachu.

ÉXODO 15:22

Moisés israelcunata Puca Cuchamanta pushacpica, shitashca Shur pambamanmi rirca. Chaipi quimsa punzhata, maipi yacuta mana tarishpa puricushpami, Mara pambaman chayarca.

EZEQUIEL 23:23

Babilonia llacta gentecunata, caldeocunata, Pecod, Soa, Coa llacta gentecunata, Asiria llacta gentecunatami cachasha. Paicunaca alaja mosocuna, mandaccuna, soldadocunata mandaccunami. Shinallatac alli sinchi, caballocunapi alli montac, alaja mosocunami can.

1 SAMUEL 15:7

Saulca amalecitacunataca Havila llactamantaca Shur llactacamanmi huañuchirca. Shur llactaca Egiptomanta inti llucshic ladomanmi carca.