GÉNESIS 24:50 - Dios Rimashcata Quillcashcami

⁵⁰ Shina nicpi, Labanpish, Betuelpish rimashpaca: —¡Tucui caicunaca Mandac Diospac munaimantami! Chaimanta ñucanchicca aritapish, manatapish mana ni pudinchicchu.

GÉNESIS 24:50 ပူးပေါင်းရင်းမြစ်များ

GÉNESIS 24:15

Chai servic mañacucpiracmi, Betuelpac ushi Rebeca solteraca rigra jahuapi puñuta apashca ricurircalla. Betuelca Abrahampac huauqui Nacorpac shinallatac Milcapac huahuami carca.

GÉNESIS 24:28

Rebecaca callpa rishpami, paipac mamapac huasipi tucui ima tucushcata huillarca.

GÉNESIS 24:51

Riqui, Rebecaca cambac ñaupapimi, Mandac Dios nishca shina cambac amopac churipac huarmi cachun apailla— nirca.

GÉNESIS 24:53

Chai quipaca cullquimanta, curimanta ruhuashca sumaccunata, sumac churanacunata llucchishpami Rebecamanpish, paipac turimanpish, mamamanpish curca.

GÉNESIS 24:55

Shina nicpi, Rebecapac turipish, mamapish rimashpaca: —Rebecaca cai chunga punzhacunallatac ñucanchic-huan saquirichun, chai quipaca canhuan ringallami— nirca.

GÉNESIS 24:60

Rebecata bendiciashpaca: «Pani Rebecalla, huaranga huarangapac mamami tucungui. Cambac huahua huahuacunaca piñaccunataca mishashpa, llactacunata japinga» nishpa cacharca.

GÉNESIS 31:24

Chai tutami Mandac Diosca arameopuramanta Labanman muscuipi ricurishpaca: «Jacobotaca maipish cachun rimarinamantaca cuidaringui» nirca.

GÉNESIS 31:29

Ñucaca cancunata llaquichisha nishpapish llaquichimanllami, ashtahuanpish cambac taita Isaacpac Dios muscuipi tuta ricurishpa: “Jacobotaca maipish cachun rimarinamantaca cuidaringui” nirca.

2 SAMUEL 13:22

Cutin Absalonca ima allitapish, mana allitapish imata mana nircachu. Shina cashpapish paipac panita chaita ruhuashcamantaca piñacmi carca.

1 REYES 12:15

Jatun mandacca israelcuna mañashcataca mana uyarcachu. Mandac Diosca Nabatpac churi Jeroboamman Silo pueblopi causacuc Ahiasta huillashca pactachunmi chashna ruhuarca.

1 REYES 12:24

Mandac Diosca: “Cancunapac huauqui israelcunahuanca ama macanacungapac richicchu. Cancunapac huasicunaman cutichiclla. Caitaca ñucallatacmi chashna tucuchun munarcani” nigri» nirca. Paicunaca Mandac Dios mandashcata uyashpami, pai mandashca shinallatac cutircacuna.

SALMOS 118:23

Chaitaca Mandac Diosmi ruhuashca. Chaica ñucanchicmanca sumaimanami ricurin.

SAN MATEO 21:42

Shina nicpimi Jesusca: —¿Manachu cancunaca Dios quillcachishcataca ricushcanguichic? Chaipica: “Huasita ruhuaccuna mana nishca rumillatacmi, huasita ruhuangapac callaripi churana, tucuimanta yalli alli rumi tucushca. Mandac Diosmi chashnaca ruhuashca. Chaita ricushpami, yallita cushicunchic” nicunmi.

MARCOS 12:11

Mandac Diosmi chashna ruhuashca. Chaita ricushpami yallita cushicunchic” ninmi» nirca.

HECHOS 11:17

Ñucanchic Apunchic Jesucristota cricpi, Dios paipac Espirituta cushca shinami, paicunamanpish curca. Dios chashna ruhuacucta jarcangapacca ñucaca, ¿imatac caniyari?— nirca.