GÉNESIS 21:21 - Dios Rimashcata Quillcashcami

²¹ Paica shitashca pamba Paranpimi causacurca. Paipac mamaca Egiptomanta huarmihuanmi cazarachirca.

GÉNESIS 21:21 ပူးပေါင်းရင်းမြစ်များ

GÉNESIS 14:6

Seir urcupi causac horeocunatapish shitashca pamba ladopi cac Parán pambacaman macashpa catirca.

GÉNESIS 16:3

Chunga huatata Canaanpi causacushpami, Saraica Egiptomanta paita servic Agarta paipac cusa Abramman paipac huarmi cachun curca.

GÉNESIS 25:18

Ismaelpac huahua huahuacunaca Asiria llactamanta rina Egipto chimba ladopi cac Havila llactamanta Shur llactacamanmi causarca. Ismaelca tucui paipac huauquicunapac ñaupapimi huañurca.

GÉNESIS 27:46

Chai quipami Rebecaca Isaactaca: —Ñucaca heteocunapac ushicunahuanca mana allichu causani. Jacobo cai llactapi causac Hetpac ushicunahuan cazaracpica, ¿imapactac causacusha?— nirca.

1 REYES 11:18

Paicunaca Madián llactamanta llucshishpaca, Parán shitashca pambamanmi chayarca. Chai pambamantami tauca runacunata apashpa, Egiptoman rirca. Egipto llactata jatun mandac Faraonpacman chayacpimi, jatun mandacca huasicunatapish, micunatapish allpacunatapish paicunaman curca.

2 CRÓNICAS 24:3

Joiadaca Joastaca ishcai huarmihuanmi cazarachirca. Chai huarmicunahuanmi Joasca churicunata, ushicunata charirca.

JEREMÍAS 29:6

Cazarashpa churicunatapish, ushicunatapish charichic. Churicunapish, ushicunapish huahuacunata charichun cazarachichic. Ashtahuan mirarichic. Ama tucurichicchu.

HABACUC 3:3

Diosca Temán llactamantami shamun. Jucha illac Diosca Parán urcumantami shamun. Paipac sumaimana achicca jahua pachatami tapan. Cai pachapica paita alabashcami jundan.

NÚMEROS 10:12

Mandashca shinami, israelcunaca Sinaí shitashca pambamantaca shitashca pamba Paranman rirca. Chai puyuca chai pambapimi shayarirca.

NÚMEROS 12:16

María cutimucpimi, israelcunaca Hazerot llactamanta rishpa, Parán shitashca pambapi carpacunata shayachishpa tiyarirca.

NÚMEROS 13:26

Shina cutimushpaca, Paranpi cac Cades shitashca pambapi Moisespish, Aaronpish, tucui israelcunapish cacpimi chayamurca. Chaipimi paicunamanpish, tucui israelcunamanpish ima shina cashcata tucui huillarca. Shinallatac chai llactapi pucushcacunatapish ricuchishpami,

NÚMEROS 13:3

Moisesca Mandac Dios mandashca shinami Parán shitashca pambamanta cada Israelpac aillucunamanta shuc pushacta cacharca.

1 CORINTIOS 7:38

Shinashpaca maijanpish paipac ushita cazarachishpaca, allitami ruhuan. Mana cazarachishpapish, ashtahuanmi allita ruhuan.

JUECES 14:2

Huasiman cutishpa paipac taita mamaman parlashpaca: —Timnat pueblopimi filisteocunapac ushita ricurcani. Ñucata paihuan cazarachichic— nirca.

1 SAMUEL 25:1

Samuel huañucpica, tucui israelcunami tandanacushpa huacarca. Paitaca pai causana Ramá pueblollapitami enterrarca. Chai quipaca Davidca shitashca pamba Paranmanmi rirca.