GÉNESIS 19:14 - Dios Rimashcata Quillcashcami

¹⁴ Chaimanta Lot llucshishpa, paipac ushicunahuan cazaragricuc yernocunataca: —¡Mandac Diosca cai llactata llaquichigrinmi! Chaimanta jatarichic, llucshichic— nirca. Shina nishcaca paipac yernocunamanca burla shinallami carca.

GÉNESIS 19:14 ပူးပေါင်းရင်းမြစ်များ

GÉNESIS 19:15

Ña achicyamucucpimi, angelcunaca Lottaca: —¡Cai llactata llaquichicpi, mana huañungapacca jatarishpa, cambac huarmitapish, caipi cac ishcai ushicunatapish apashpa, utca llucshi!— nirca.

GÉNESIS 19:17

Chashna llucchishpaca: —Cancuna quishpirisha nishpaca, ama huashata chapanguichicchu. Shinallatac chai pambacunapipish ama shayaringuichicchu, ashtahuanpish urcupi miticugrichic, mana cashpaca huañunguichicmi— nirca.

GÉNESIS 19:22

Chaipi utca miticungapac callpai. Can chaiman chayangacamanca, imata mana ruhuashachu— nirca. Chai llacta uchilla cashcamantami Zoar shuti saquirirca.

2 CRÓNICAS 30:10

Huillangapac riccunaca Efraín, Manasés llactacunamantaca Zabulón llactacamanmi pueblo pueblo huillashpa rircacuna. Ashtahuanpish paicuna huillacpica, burlashpami asircacuna.

2 CRÓNICAS 36:16

Ashtahuanpish paicunaca Mandac Dios cachashca huillaccuna huillashcata mana cazushpami asircacuna. Dios huillachishca shimita yangapi churashpami, Dios ima nishcata huillaccunata burlarcacuna. Pai acllashcacuna chashna yallita llaquichicpimi, Mandac Diosca yallita piñarishpa, ima shina mana jarcari pudishpa llaquichirca.

ÉXODO 12:31

Chai tutami Faraón Moisestapish, Aarontapish cayachishpaca: —¡Cancunapish, israelcunapish ñuca llacta chaupimanta llucshi richic! Cancuna nishca shina, Mandac Diosta servingapac richiclla.

ÉXODO 9:21

Cutin maijancunaca Mandac Dios nishcata mana crishpami, paicunapac serviccunatapish, animalcunatapish mana yaicuchircachu.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

ISAÍAS 28:22

Cunanca, cancunata huatashca huascahuan ama ashtahuan sipichunca mana burlanachu canguichic. Chaica, tucuita Mandac Dios cai llactata tucuchinata yuyarishcatami uyarcani.

JEREMÍAS 20:7

Mandac Dioslla, ñucataca umashcanguimi. Ñucaca can umashcami causacuni. Ñucata yalli sinchi cashpami, ñucata mishangui. Tucuimi punzhanta burlashpa asincuna.

JEREMÍAS 43:1

Jeremías Mandac Dios huillashcata gentecunaman tucui huillacpimi,

JEREMÍAS 43:2

Asaiaspac churi Azariaspish, Careapac churi Johananpish, jatun tucushca runacunapish, Jeremiastaca: «¡Canca llullacunguimi! Mana Mandac Dioschu: “Ama Egiptopi causagrichu” nichun cachashca canga.

JEREMÍAS 51:6

¡Babilonia llactapi causaccunapac juchamanta mana huañungapac chaimanta llucshichicyari! Paicuna llaquichishca shinallatac paicunatapish Mandac Dios llaquichina punzhami chayamushca. Paicunaman cuna cashcatami cugrin.

EZEQUIEL 20:49

Shina nicpimi ñucaca: «¡Mandac Dioslla! Paicunaca ñucataca: “Cai runaca chimbapurashca parlocunallatami parlashpa purin” nincunami» nircani.

NÚMEROS 16:21

—Cai gentecunamanta anchurichic. Paicunataca cai ratomi tucui tucuchigrini— nirca.

NÚMEROS 16:26

Moisés chayashpa, chaipi cac tucui israelcunataca: —¡Diosta mana manchac gentecunapac chaupimanta anchurichic! Paicunapac ima tiyashcata ama japinguichicchu. Pacta paicunapac juchamanta cancunapish llaquichishca canguichicman— nirca.

NÚMEROS 16:45

«¡Cai gentecunapac chaupimanta anchuri! ¡Paicunataca cai ratomi tucuchigrini!» nirca. Shina nicpimi, pambacaman cumurirca.

SAN MATEO 1:18

Jesucristo huacharinaca cashnami carca: Paipac mama Mariaca Josehuan cazarangapacmi ari nishca carca. Josehuan manarac chayarinacushpami, Mariaca Diospac Espíritu llanducpi, huicsayuc taririrca.

SAN MATEO 9:24

ricushpaca: —Caimanta llucshichic. Huambraca mana huañushcachu, sueñucunllami— nirca. Gentecuna chaita uyashpaca Jesusta burlarcami.

SAN LUCAS 24:11

Ashtahuanpish huarmicuna huillashcaca, apostolcunamanca yanga shinallami carca. Chaimantami mana crirca.

SAN LUCAS 9:42

Jesuspacman chai huambra cuchuyacucpica, cutinllatacmi supaica chucchuchishpa, pambaman urmachirca. Jesusca chai supaita sinchita rimashpami, llucchishpa cacharca. Chashnami alliyashca huambrata taitaman curca.

HECHOS 17:32

Huañushcacunapuramanta causarinamanta Pablo huillacpica, maijanca burlashpa asircami. Cutin maijanca: «Shuc punzhami can huillashcataca ashtahuan uyashun» nircami.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.