GÉNESIS 17:16 - Dios Rimashcata Quillcashcami

¹⁶ Paita bendiciashpami, paimanta cari huahuata canman cusha. Ari, paitaca bendiciashatacmi. Chashna bendiciashca cashpami, llactacunapac mama tucunga. Llactata jatun mandaccunapish paimantami llucshinga— nirca.

GÉNESIS 17:16 ပူးပေါင်းရင်းမြစ်များ

GÉNESIS 1:28

Dios paicunata bendiciashpaca: «Achcata mirarishpa, achca tucushpa, cai pachapi jundarichic, shinallatac cazuchichic. Mama cuchapi tiyac challuacunatapish, jahuata volac animalcunatapish, tucui cai pachapi tiyac animalcunatapish mandaichic» nirca.

GÉNESIS 12:2

Cambac huahua huahuacunataca shuc jatun llactatami ruhuasha. Canta bendiciashpami, cambac shutitapish tucuipac alli nishcata ruhuasha. Canmantami bendiciashca cangacuna.

GÉNESIS 15:4

Mandac Dios cutinllatac rimashpaca: —Cambac charishcacunataca mana paichu japinga, ashtahuanpish cambac quiquin churimari japinga— nirca.

GÉNESIS 17:15

Diosca Abrahamtaca: —Cambac huarmi Saraitaca ama ashtahuan Sarai nishpa cayanguichu, ashtahuanpish paica Sara shutimi canga.

GÉNESIS 17:19

Shina nicpimi Diosca: —Ñucaca cashna cana cashcatatacmi nini. Cambac huarmi Saraca shuc cari huahuatami charinga. Chai huahuataca Isaactami shutichingui. Paihuanpish, paipac huahua huahuacunahuanpish ñuca ari nishcataca huiñaita pactachicushallami.

GÉNESIS 17:6

Canmantaca achcatami mirachisha. Canmantami jatun llactacunatapish ruhuasha, jatun mandaccunapish canmantami llucshinga.

GÉNESIS 21:1

Mandac Diosca pai nishca shinami Sarataca ricuc shamurca. Pai imata ruhuasha nishca shinallatacmi Saramanca pactachirca.

GÉNESIS 24:60

Rebecata bendiciashpaca: «Pani Rebecalla, huaranga huarangapac mamami tucungui. Cambac huahua huahuacunaca piñaccunataca mishashpa, llactacunata japinga» nishpa cacharca.

GÉNESIS 25:23

Shina mañacpimi, Mandac Diosca: «Cambac huicsa ucupica, ishcai llactacunami tiyacun. Ishcai llactacunami huicsamanta pacha, chican tucunga. Shuc llactami shuc llactata atishpa, ashtahuan sinchi canga. Punta churimi quipa churita servishpa causanga» nirca.

GÉNESIS 35:11

Shinallatac Diosca: «Ñucaca imatapish ruhuaclla Diosmi cani. Canca achca huahuayucmi tucungui. Chai huahua huahuacunamantaca shuctac llactacunami tucunga, canmantami jatun mandaccunaca llucshinga.

GÉNESIS 36:31

Edom llactapi israelcuna manarac mandacta charicpica, cai jatun mandaccunami mandacurca:

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ROMANOS 9:9

Dios Abrahamman cusha nishpaca: «Cunan shina punzha ñuca cuticpica, cambac huarmi Saraca shuc cari huahuatami charinga» nishcami.

GÁLATAS 4:23

Chai servic huarmihuan charishca huahuaca shuctac huahuacuna shinallatacmi tiyarca, ashtahuanpish paipac quiquin huarmihuan charishca huahuaca, Dios cusha nishcamantami tiyarca.

1 PEDRO 3:6

Sarapish paipac cusa Abrahamta cazushcamantaca, “ñucata mandac” nicmi carca. Cancunapish tucui imatapish allita ruhuashpa, imata mana manchashpaca, Sara huarmipac huahuacunami tucunguichic.