GÉNESIS 17:14 - Dios Rimashcata Quillcashcami

¹⁴ Cancunapurapi maijan cari pai charishca asha carata pitishpa, circuncisionta mana ruhuashca cacpica, ñucahuan ari nishcata mana cazushcamantami cancunapuramanta anchuchishca canga— nirca.

GÉNESIS 17:14 ပူးပေါင်းရင်းမြစ်များ

GÉNESIS 17:15

Diosca Abrahamtaca: —Cambac huarmi Saraitaca ama ashtahuan Sarai nishpa cayanguichu, ashtahuanpish paica Sara shutimi canga.

GÉNESIS 34:14

—Mana circuncisionta ruhuashca runamanca ñucanchic panitaca mana cui pudinchicchu. Chashna cucpica, ñucanchicmanca pingaimi canga.

SALMOS 55:20

Millai runaca paihuan apanacucllatatac llaquichishpami, sumacta causangapac ari nishcatapish paquin.

ÉXODO 12:15

Canchis punzhatami levadura illac tandata micuna canguichic. Chai callari punzhapica huasipica ima levadurata mana charinachu canguichic. Maijanpish chai callari punzhamanta tucuri punzhacaman levadurahuan micucca israelpuramanta anchuchishcami canga.

ÉXODO 12:19

Canchis punzhacamanmi cancunapac huasipica levaduraca mana tiyana can. Maijanpish micunata levadurahuan micucpica, cancunapura cacpipish, shuctac llactamanta shamushca cacpipish, israelpuramanta anchuchishcami canga.

ÉXODO 30:33

Maijanpish cai aceite shinata ruhuacpish, cai aceiteta yanga runapi cahuicpish israelpuramanta anchuchishcami canga” ningui» nirca.

ÉXODO 30:38

Maijanpish shuctac cai shina inciensota ruhuashpa, mutquicca israelcunapuramanta anchuchishcami canga» nirca.

ISAÍAS 24:5

Cai pachapi causaccunaca Dios mandashcacunata mana cazushpami, pandata ruhuashpa, huiñaita Dios-huan ari ninacushcatapish mana pactachirca. Chai juchacunamantami cai pachaca mapayarca.

ISAÍAS 33:8

Ñancunapish shitashcami. Pipish ña mana purincunachu. Huillaccunataca mana cazushpami, ari nishcatapish mana pactachin. Pitapish mana manchancunachu.

JEREMÍAS 11:10

Paicunapac ñaupa taitacuna shinallatacmi mana allita ruhuashpa, ñuca rimashcata mana cazushpa, shuctac dioscunata servirca. Israelcunapish, Judá llactapi causaccunapish paicunapac ñaupa taitacunahuan ari nishcatami yangapi churarca.

JEREMÍAS 31:32

Cai ari nishcaca mana paicunapac taitacunata Egiptomanta maquimanta aisashpa, llucchicui punzhapi shinachu canga. Chai ari nishcataca ñuca paicunapac cusa cacpipish, yangapi churashpami mana cazurca.

EZEQUIEL 44:7

Cancunaca shungupipish, aichapipish circuncisionta mana ruhuashca caru llacta gentecunatami ñuca huasiman yaicuchishpa mapayachircanguichic. Shinallatac huiratapish, yahuartapish, tandatapish cushpa rupachishpami, ñucahuan ari nishcata yangapi churarcanguichic.

LEVÍTICO 18:29

Cancunapuramanta maijan cai tucui millaicunata ruhuacpica, israelcunapuramanta anchuchishcami canga.

LEVÍTICO 19:8

Maijanpish chaita micushpa, ñucapaclla chicanyachishcata yangata ruhuac runaca mana alli nishcami canga. Israelcunapuramantapish anchuchishcami canga.

LEVÍTICO 23:29

Maijanpish chai punzhapi mana ayunacca israelpuramanta anchuchishcami canga.

LEVÍTICO 7:25

Maijanpish Mandac Diosman cushca animalpac huirata micucca israelcunapuramanta anchuchishcami canga.

LEVÍTICO 7:27

Maijanpish animal yahuarta micucca israelcunapuramanta anchuchishcami canga” ninmi ningui» nirca.

NÚMEROS 9:13

Maijan manapish mapa cashpa, manapish caru llactapi cashpa Pascua micuita mana ruhuacca israelpuramanta anchuchishcami canga. Mandac Dios ñuca mandashca punzhapi ofrendata mana cushcamantami llaquichishca canga.

1 CORINTIOS 11:27

Maijanpish Apunchic Jesús huañushcata yuyarishpa, (jahua shungullahuan) micucca Jesuspac aichatapish, yahuartapish yangapi churashpami juchallin.

1 CORINTIOS 11:29

Maijanpish Apunchic Jesuspac aicha cashcata, paipac yahuar cashcata mana yachashpa micucca, paillatac llaqui tucungapacmi micun, ubian.