GÉNESIS 15:15 - Dios Rimashcata Quillcashcami

¹⁵ Shina cacpipish, canca sumacta causashpami cushilla yuyacyashpa huañungui. Chashna huañucpimi, cantaca enterranga. Chashnami cambac ñaupa taitacunahuan tandarigringui.

GÉNESIS 15:15 ပူးပေါင်းရင်းမြစ်များ

GÉNESIS 23:19

Chai quipaca, Abrahamca Macpela pambapi tiyac jutcupimi Sarataca enterrarca. Chai allpaca Canaanpi tiyac Hebrón nishca Mamremanta chimba ladomanmi carca.

GÉNESIS 23:4

—Ñucaca cancunapurapica caru llactamanta shamushcallami causacuni. Shina cacpipish, ñuca huarmi huañushcata enterrangapac asha allpata cui— nirca.

GÉNESIS 35:29

Isaacca achca huatacunata causashpa, ña yuyac cashcamanta paipac samai tucuricpi, huañushpaca, paipac ñaupa aillucunahuanmi tandanacugrirca. Paitaca paipac churi Esaú, Jacobomi enterrarca.

GÉNESIS 47:30

Ñuca huañucpica, ñuca taitacuna maipi enterrashcapi enterrangapac ñuca cuerpotaca cai Egiptomanta llucchishpa apanguichic. Chashna apashpaca paicunata enterrashca allpallapitac enterrangui— nirca. Shina nicpimi Joseca: —Ari, can nishca shinallatacmi ruhuasha— nirca.

GÉNESIS 49:29

Chaimantami Jacoboca paipac churicunataca: «Ñucaca huañunallami cani. Ña huañucpica, ñuca ñaupa taitacuna enterrashca jutcullapitac enterranguichic. Paicunataca heteocunapura Efronpac allpapimi enterrarca.

GÉNESIS 49:31

Chaipimi Abrahamtapish, paipac huarmi Saratapish, Isaactapish, paipac huarmi Rebecatapish enterrarca. Chaillapitacmi Leatapish enterrarcani.

GÉNESIS 50:13

Canaán llactaman apashpami, Macpela pambapi tiyac jutcupi enterrarca. Chai allpataca Abrahammi paicuna enterraringapac heteocunapuramanta Efronman randishca carca. Chai allpaca Mamremanta inti llucshina ladomanmi saquirin.

1 CRÓNICAS 23:1

Davidca achca huatayuc ña yuyac cashpami, paipac churi Salomonta israelcunata mandac cachun churarca.

1 CRÓNICAS 29:28

Paica achca huatacunata causashpa, yuyac cashpami huañurca. Paica tucui alli nishca achca charicmi carca. Pai huañucpica, paipac churi Salomonmi paipac randi mandarca.

2 CRÓNICAS 34:28

Riquichic, ñucami cantaca cambac ñaupa taitacunahuan tandachisha. Canca ima llaquitapish mana apashpami samaringui. Canca cai llactata, cai llactapi causaccunata ñuca llaquichictaca mana ricunguichu’ ninmi” nigrichic— nirca. Chai runacunaca tucuimi jatun mandacman huillarcacuna.

JOB 41:32

Jatun mama cuchata purishpapish, puscuta shitashpami yuranlla pambata saquin.

JOB 42:17

Paica unai huatacunata causashpami, yallita yuyacyashpa huañurca.

JOB 5:26

Cosechanalla trigota sinchirac cacpi tandashca shinami, sinchirac cacpi enterrana jutcuman apashca cangui.

SALMOS 37:37

Ima mana allita ruhuac runataca yuyariyari. Cashcata ruhuac runataca ricuiyari. Sumacta cushilla causac runaca quipatami cushicunga.

SALMOS 49:19

huañushpaca paipac ñaupa taitacunahuanmi tandanacugringa. Chashna tucushpaca achic punzhataca jaicapi mana ricungachu.

ECLESIASTÉS 12:7

Cashna tucucpica allpamanta ruhuashca cuerpoca allpallamantacmi cutinga. Cutin almaca paita ruhuac Diospacmanmi cutinga.

ECLESIASTÉS 6:3

Shuc runa patsac churicunata charishca cashpapish, tauca huatacunata, achca punzhacunata causashca cashpapish, pai charishcahuanca mana cushicushcachu. Shinallatac pai huañucpipish, enterrangapac sepulturaca mana tiyashcachu. Chaimantami ñucaca, shullushca huahuami chai runata yalli alli nini.

DANIEL 12:13

Shina cacpipish, canca caticuilla. Tucuri punzhacunapi can japina cashcata japingapac samarilla” nirca.

NÚMEROS 20:24

«Aaronca huañushpa ñaupa aillucunahuan tandarigrinmi. Paica israelcunaman ñuca cushca llactamanca mana yaicungachu. Meriba yacupi ñuca mandashcata mana cazushcamantami chai llactamanca mana yaicunga.

NÚMEROS 27:13

Chaita ricushca quipaca cambac huauqui Aarón shinallatacmi huañushpa, cambac ñaupa taitacunahuan tandarigringui.

SAN MATEO 22:32

“Ñucaca Abrahampac, Isaacpac, Jacobopac Diosmi cani” ninmi. Diosca mana huañushcacunapac Dioschu, ashtahuanpish causaccunapac Diosmi— nirca.

HECHOS 13:36

Davidca pai causai punzhacunapica Dios munashca shinami servishpa causarca. Chashna cashpapish paica huañushpa, paipac ñaupa taitacunahuanmi enterrashca carca. Paipac cuerpopish ismurcami.

DEUTERONOMIO 31:16

Mandac Diosca Moisestaca: «Canca huañushpa, ñaupa taitacunahuan tandanacugringuimi. Israelcunaca paicuna ricushca llactaman chayashpaca, chaipi tiyac dioscunata catishpami huainayanga. Shinami ñucamanta caruyashpa, ñuca paicunahuan ari nishcatapish yangapi churanga.

JUECES 2:10

Tucui chai quipa mirai israelcunapish huañushpaca paicunapac taitacunahuanmi tandarigrirca. Chai quipaca Mandac Diostapish, israelcunaman imata Mandac Dios ruhuashcata mana ricsic gentecunami mirarirca.