GÉNESIS 14:20 - Dios Rimashcata Quillcashcami

²⁰ Canta piñaccunata cambac maquipi churac, jahua pachapi causac Diosca alli nishca cachun» nirca. Chaimantami Abramca tucui quichushcacunamanta chungamanta shucta Melquisedecman curca.

GÉNESIS 14:20 ပူးပေါင်းရင်းမြစ်များ

GÉNESIS 14:21

Chai quipami, Sodoma pueblota jatun mandacca Abramtaca: —Gentecunata ñucaman cui, imata quichushcacunataca can apailla— nirca.

GÉNESIS 24:27

«¡Ñuca amo Abrahampac Mandac Dioslla, cantaca alli nichun! ¡Canca llaquic cashpa, shinallatac imatapish cashcata nic cashpami, ñuca amopac familiapacmantac ñucataca pushamushcangui!» nirca.

GÉNESIS 28:22

Ricunalla cachunmi, pilarta shina, cai ñuca shayachishca rumica Diospac huasi canga. Shinallatac tucui can imalla cushcacunamantaca chungamanta shucta chicanyachishpami canmanca cusha» nirca.

GÉNESIS 47:24

Chai pucushca granomantaca chungamanta ishcai tuluta Faraonman cunguichic. Shinallatac cancuna tarpungapacpish, cancunapac huahuacunamanpish, huasi ucupi causaccunamanpish carangapac pusac tulucunata huacaichinguichic— nirca.

GÉNESIS 47:26

Chashnami Joseca tucui Egipto llactapi pucushca granotaca chunga tulumanta ishcaita Faraonman cuchun mandashpa saquirca. Chai mandashcacunaca cunan punzhacamanmi tiyan. Shina cacpipish, curacunapac allpaca mana Faraonpac tucurcachu.

GÉNESIS 9:26

Cutinllatac rimashpaca: «Ñucata Mandac Dioslla, ñuca churi Semca alli nishca cachun. Canaanca paita servic cachun.

2 SAMUEL 18:28

Ahimaas jatun mandacta cayashpaca: —¡Cushi causaita charingui!— nirca. Chashna nishpami, jatun mandacpac ñaupapi pambacaman cumurishpaca: —¡Canta Mandac Diosca alli nishca cachun! Paimi can jatun mandac-huan cariyaccunata ñucanchic maquipi churashca— nirca.

2 CRÓNICAS 31:12

Chai ucupimi mana cungarishpa punta pucushcamanta cushca granotapish, chungamanta shucta cushcacunatapish, Diosman chicanyachishpa cushcacunatapish alli huacaichirca. Chaipi tucuita ricuchunca, Conanías levitatami churarca. Paipac quipa ricuchunca, paipac huauqui Simei levitatami churarca.

NEHEMÍAS 10:37

Punta masashca tandata, tucui yuracunapi punta pucushca granota, punta ruhuashca vinota, aceiteta curacunaman, ñucanchic Diospac huasiman apamungapac. Ñucanchic allpapi pucushcacunataca chungamanta shucta levitacunaman apamungapacmi ari nircanchic. Ñucanchic allpapi pucushca granocunataca levitacunamanmi chungamanta shucta cungapac tucui pueblocunapi tandac carcanchic.

NEHEMÍAS 13:12

Chai quipami Judá llactapi causaccunaca trigota, vinota, aceiteta, chungamanta shucta huacaichina ucuman apamurcacuna.

SALMOS 144:1

Ñuca miticuna jatun rumi shina Mandac Diosca alli nishca cachun. Paimi ñuca maquitapish, dedotapish jatun macanacuipi macanacuchun yachachin.

SALMOS 44:3

Chai llactataca mana paicunapac espadahuan, mana paicunapac rigrahuan macanacushpachu japirca. Ashtahuanpish can cuyashcamantami paicunapac ñaupaman achiclla shamushpa, cambac poderhuanmi mishachircangui.

SALMOS 68:19

Ñucanchicta Mandac Diosca alli nishca cachun. Paica punzhantami ashtahuan allicunata cun. Paica ñucanchicta quishpichic Diosmi.

ÉXODO 18:10

Chaimantami Jetroca: —¡Mandac Diosca alli nishca cachun! Paimi cancunataca Egipto runacunapac maquimantapish, Faraonpac maquimantapish llucchirca. Paimi Egipto runacunapac maquimanta cacharichishca.

AMÓS 4:4

Mandac Diosca: «¡Bet-elman rishpa juchallichiclla! ¡Gilgalpi Dios ñucata mana cazugrichiclla! ¡Tutamanta animalta cushpa huañuchichiclla! ¡Cada quimsa punzhapi, chungamanta shucta cunguichiclla!

MALAQUÍAS 3:10

Ñuca huasipica micuna ama illachun, chungamanta shucta apamushpa, maipi huacaichinapi churashpa ricuichic. Cancuna shina ruhuacpica, ñucapish jahua pacha ventanacunata pascashpami, yallita bendiciasha.

MALAQUÍAS 3:8

¿Runaca, Diospacta shuhuanchu? ¡Cancunaca ñucapac cashcata shuhuashcanguichicmari! Shina shuhuashpapish: “¿Imatatac shuhuarcanchic?” ninguichicmi. ¡Cancunaca chungamanta shucta cunata mana cushpami shuhuanguichic!

NÚMEROS 28:26

Pentecostés punzhapi, punta pucushca granota ñucaman cuna punzhapica, Diospaclla tandanacuita ruhuanguichic. Chai punzhapica ama imata ruhuanguichicchu.

SAN LUCAS 18:12

Ñucaca semanapi ishcai cutinmi ayunani. Tucui ñuca charishcacunamanta patsacmanta chungata cucmi cani” nishpa mañarca.

ROMANOS 15:16

mana israelcunapac allipac Jesucristota servichun acllarca. Chaimantami cashna quillcani. Chaica, mana israelcunata Diospac Espíritu Diospacllata ruhuachun, paicuna mishquilla ashnacuc ofrenda shina cachunmi quishpirinamanta alli huillaita huillashpa Diosta servicuni.

EFESIOS 1:3

Cristohuan shuclla tucushcamantami, ñucanchicmanca paipac Espirituta cushpa, jahua pachapi tiyac tucuilaya allicunata Diosca curca. ¡Chaimantami ñucanchic Apunchic Jesucristopac Diostaca alli nicunalla canchic!

DEUTERONOMIO 12:17

Cancuna causana llactapica chungamanta shucta cushcatapish, mushuc vinotapish, aceitetapish, punta huachashca huagratapish, ovejatapish, cushami nishca ofrendatapish, quiquin munaimanta cushca ofrendatapish, alzashpa cushca ofrendatapish mana micui pudinguichicchu.

DEUTERONOMIO 14:23

Mandac Dios paipac shutita causachun acllashca pushtupi, Mandac Diospac ñaupapi chungamanta shucta cushca huagrata, mushuc vinota, aceiteta, punta huacharishca huagrata, ovejata micunguichic. Chashnami Mandac Diostaca tucui punzhacuna manchana canguichic.

DEUTERONOMIO 14:28

Quimsa huatapica, huatapi cosechashcata tucui chungamanta shucta cushcata llactacunapi huacaichinguichic.

JOSUÉ 10:42

Mandac Dios israelcunamanta macanacucpimi, tucui jatun mandaccunatapish atishpa, paicunapac jatun llactacunatapish japirca.