GÉNESIS 10:32 - Dios Rimashcata Quillcashcami

³² Caicunami Noepac churicunapac aillucunaca carca. Paicunaca quiquin llactacunallapitac ima shina mirarishca shinallatacmi causarca. Paicunamantami cai pachapi yacu juizhu tucurishca quipaca caita chaita rishpa, llacta tucushpa causarca.

GÉNESIS 10:32 ပူးပေါင်းရင်းမြစ်များ

GÉNESIS 10:1

Noepac huahua huahuacunaca: Sem, Cam, Jafetmi carca. Paicunaca cai pachapi yacu juizhu tiyashca quipa charishca churicunami.

GÉNESIS 10:20

Caicunami Campac huahua huahuacunaca carca. Paicunaca aillupuralla quiquin rimaita rimashpa, quiquin allpapi, quiquin llactapimi causarca.

GÉNESIS 10:25

Heberca ishcai churitami charirca. Punta churitaca chai punzhacunapi cai pachapi chicanyarinacui tiyashcamantami Pelegta shutichirca. Paipac huauquica Joctanmi carca.

GÉNESIS 10:31

Paicunami Sempac huahua huahuacunaca carca. Paicunaca aillupuralla quiquin rimaita rimashpa, quiquin allpapi, quiquin llactapimi causarca.

GÉNESIS 10:5

Paicunaca mama cucha lado llactacunapimi causarca. Paicunaca quiquin rimaita rimashpami, paicunapac aillucunapuralla causarca.

GÉNESIS 11:1

Cai pachapi causaccunaca shuclla rimaitami rimac carca.

GÉNESIS 9:1

Diosca Noetapish, paipac churicunatapish bendiciashpaca: «Achca huahuacunayuc tucushpa, mirarishpa, tucui cai pachapi jundarichic.

GÉNESIS 9:19

Caicunami Noepac quimsa churicunaca. Paicunamantami cutinllatac cai pachapica jundarimurca.

GÉNESIS 9:7

Ashtahuanpish cancunaca achca mirashpa, achca tucushpa, cai pachapi jundaichiclla» nirca.

JOB 15:19

Paicunamanmi cai llactataca curca. Paicunapac llacta chaupitaca mana ricsishca runacunaca mana rircachu.

HECHOS 17:26

Tucui cai pachapi causachunmi, shuclla runamanta tucui runacunata mirarirca. Paillatacmi gentecuna mashna huatacaman causanatapish, maipi causanatapish churarca.