GÁLATAS 4:28 - Dios Rimashcata Quillcashcami

²⁸ Cuyashca criccuna, ñucanchicca Isaac shinami, Dios cusha nishca huahuacuna canchic.

Nuevo Testamento en Quichua Cañar 1996

²⁸ C'uyashca criccuna, ima shinami Dios cusha nishcamanta taita Abrahamman Isacta curca, cancunapish chai shinallatacmi Diospac huahuacuna canguichic.

GÁLATAS 4:28 ပူးပေါင်းရင်းမြစ်များ

GÉNESIS 15:4

Mandac Dios cutinllatac rimashpaca: —Cambac charishcacunataca mana paichu japinga, ashtahuanpish cambac quiquin churimari japinga— nirca.

HECHOS 3:25

Cancunaca Dios ima nishcata huillaccunata huillachishcatapish, ñaupa taitacunahuan Dios ari nishcatapish chasquiccunami canguichic. Dios Abrahamhuan ari nishpaca: “Cambac huahua huahuacunamantami tucui cai pachapi causaccunaca bendiciashca canga” nishcami.

ROMANOS 9:7

Abrahampac huahua huahuacunapish mana tucui paipac huahuacunatac cashcamantami chashna nini. Ashtahuanpish Diosca Abrahamtaca: «Cambac churi Isaacpac huahua huahuacunallami cambac huahuacuna canga» nishcami.

GÁLATAS 3:29

Ña Cristopac cashpaca, Taita Abrahampac huahua huahuacunami tucushcanguichic. Shinallatac Dios ñaupaman cusha nishcata japiccunapish canguichicmi.

GÁLATAS 4:23

Chai servic huarmihuan charishca huahuaca shuctac huahuacuna shinallatacmi tiyarca, ashtahuanpish paipac quiquin huarmihuan charishca huahuaca, Dios cusha nishcamantami tiyarca.

GÁLATAS 6:18

Cuyashca criccuna, ñucanchic Apunchic Jesucristoca paipac sumaimana cuyaita tucui cancunaman cushca cachun ninchicmi. Chashna cachun.