GÁLATAS 4:27 - Dios Rimashcata Quillcashcami

²⁷ Dios quillcachishcapica: «¡Mana huicsayuc tucuc, mana huahuata charic huarmi cushicui! ¡Sajuarina nanaita mana charic huarmi cushicushpa asiyari! Cusayuc huarmita atishpami, shitashca cac huarmica ashtahuan huahuacunata charinga» ninmi.

Nuevo Testamento en Quichua Cañar 1996

²⁷ Chaimantami Dios quillcachishcapica: “¡Mana huicsayuc tucuc, mana huahuata charic huarmi cushicui! ¡Sajuarina nanaita mana charic huarmi cushicushpa asiyari! Cusayuc huarmita atishpami, shitashca cac huarmica ashtahuan huahuacunata charinga” ninmi.

GÁLATAS 4:27 ပူးပေါင်းရင်းမြစ်များ

2 SAMUEL 13:20

Shina ricucpimi, paipac turi Absalonca: —¿Cambac turi Amnonchu chaita ruhuan? Shina cacpica, ñuca panilla, ama huacaichu. Upalla cai, paica turillatacmi. Chaimantaca ama yallimana llaquiricuichu— nirca. Tamarca paipac turi Absalonpac huasipimi llaquilla saquirirca.

SALMOS 113:9

Paimi mana huahuata chari pudic huarmitapish achca huahuayucta ruhuan. Huahuacunapac mama cashcamantaca yallitami cushicun. ¡Mandac Diosta alabaichicyari!

ISAÍAS 49:21

Chashna nicpi, cambac shungupica: “¿Pitac cai huahuacunataca ñucaman sajuarirca? Ñucaca huahuacunata mana chari pudic sapallami carcani. Llactacunamanta llucchishpa cachashca ñucallami carcani. ¿Maimantatac cai huahuacunaca ricurirca? ¿Pitac cai huahuacunataca huiñachirca?” ninguimi» ninmi.

GÁLATAS 4:19

Cuyashca huahuacuna, cutinllatacmi shuc huarmi sajuarina nanaihuan llaquita apacuc shina, cancunamanta llaquita apacuni. Cancuna Cristo causashca shina causangacamanmi llaquita apacushalla.

1 TIMOTEO 5:5

Imata mana charic viudaca Diospi shunguta churashpami, “paica cungallami” nishpa punzhapish, tutapish mañacunlla.

1 SAMUEL 2:5

Mana nicta micushpa causaccunaca micunata japingapacmi trabajashpa causancuna. Ashtahuanpish yarcaihuan causaccunaca ña mana yarcachincunachu. Huahuata mana charic huarmipish canchis huahuatami charin. Achca huahuata charic huarmica llaquirishpami causacun.