GÁLATAS 4:24 - Dios Rimashcata Quillcashcami

²⁴ Caica shuc alli yuyarinatami yuyachin: Ishcai huarmicunaca ishcai ari nishcatami ricuchin. Agar huarmica Sinaí urcupi cushca ari nishcatami ricuchin. Maijanpish chaipac caccunaca huatashca shina cangapacmi huacharin.

Nuevo Testamento en Quichua Cañar 1996

²⁴ Caica shuc alli yuyarinatami yuyachin: Ishcai huarmicunaca ishcai ari ninacushcatami ricuchin. Agar huarmica Sinaí urcupi cushca ari ninacushcatami ricuchin. Maijanpish chaipac caccunaca servingapacmi huacharin.

GÁLATAS 4:24 ပူးပေါင်းရင်းမြစ်များ

GÉNESIS 16:8

—Saraita servic Agar, ¿maimantatac shamucungui? ¿Maimantac ricungui?— nirca. Shina nicpimi paica: —Ñuca ama Saraipac ñaupamantami miticushpa ricuni— nirca.

GÉNESIS 25:12

Abrahampac churi Ismaelpac huahua huahuacunaca caicunami. Ismaeltaca Sarata servic Egiptomanta Agarmi charirca.

EZEQUIEL 20:49

Shina nicpimi ñucaca: «¡Mandac Dioslla! Paicunaca ñucataca: “Cai runaca chimbapurashca parlocunallatami parlashpa purin” nincunami» nircani.

OSEAS 11:10

Paicunaca Mandac Dios ñucata catishpami puringa. Ñuca león huacac shina, rimashcata uyashpami, paicunapac huahuacunaca inti tigrana ladomanta chucchushpa shamunga.

SAN MATEO 13:35

Dios ima nishcata huillac nishca pactachunmi, tucuita yachachirca. Chai huillacca: «Chimpapurashca parlohuanmi parlasha. Cai pachata ruhuashca punzhamanta pacha, pi mana yachachishcatami huillasha» nishcami.

ROMANOS 8:15

Cancunaca mana cutinllatac manchaita cuc, huatashca shinata charic espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: «Ñuca Taitalla» nishpa mañanchic.

1 CORINTIOS 10:11

Ñaupa taitacuna chashna tucushcaca ñucanchicta yuyachingapacmi tucushca. Shinallatac tucuri punzhacunapi causacucpi, ñucanchicta yachachingapacmi, Dios quillcachishcapi quillcachishca cashca.

1 CORINTIOS 10:4

Dios cushca ubianatami ubiarcacuna. Paicunahuan ricuc Rumimanta llucshicuc yacutami ubiarcacuna. Chai Rumica Cristomi carca.

GÁLATAS 4:25

Agarca Arabia llactapi tiyac Sinaí urcutami nisha nin. Chai urcuca Jerusalenpi causaccunatapish, huatashca shina causacuc tucui paipac huahuacunatapish nisha ninmi.

GÁLATAS 4:3

Chai shinami ñucanchicpish huahuacuna shina cashpaca, cai pachapi imapish ruhuanacunallata cazushpa, huatashca shina causacurcanchic.

GÁLATAS 5:1

Ama huatashca shina causachunmi, Cristoca ñucanchicta cacharichirca. Shina cashcamanta ama cutinllatac huatashca shina tucunata yuyaichicchu.

DEUTERONOMIO 33:2

bendiciashpaca: «Mandac Dios Sinaí urcumantami shamurca. Seir urcumantami achicyachirca. Parán urcumantami achicyachirca. Paipac alli maquipi achicta apashpami pai acllashca huaranga huarangacunahuan shamurca.

HEBREOS 11:19

Chaica Abrahamca Diosca huañushcacunatapish causachingapac poderta charic cashcata crishpami huañuchigrircalla. Shina crishcamantami, cutin causarishcata shina paipac churitaca chasquirca.

HEBREOS 12:24

Mushuc ari ninacuita pactachic Jesuspacman, pai ñucanchicmanta jichashca yahuarmanmi chayarcanguichic. Chai yahuarmi Abelpac yahuarta atishpa, Dios ruhuasha nishcata ashtahuan allita ricuchin.

HEBREOS 13:20

Cushi causaita cuc Diosmi, ñucanchic Apunchic Jesustaca huañushcacunapuramanta causachirca. Paimi yahuarta jichashpa, Dios-huan huiñaipac ari nishcata pactachishpa, ñucanchic Jatun Michic tucurca.

HEBREOS 7:22

Chaimantami Jesusca tucuimanta yalli alli mushuc ari ninacuita ruhuan.