GÁLATAS 3:8 - Dios Rimashcata Quillcashcami

⁸ Diosca mana israelcuna cacpipish cricpica, paihuan alli tucuchun chasquishami nishcamantami, Dios quillcachishcapi Abrahamman cai alli huillaita huillashpaca: «Canmantami tucui cai pachapi causaccunaman allicunata cusha» nishca.

Nuevo Testamento en Quichua Cañar 1996

⁸ Taita Diosca mana israelcuna*f** cacpipish cricpica, paihuan alli tucuchun chasquishami nishcamantami, Dios quillcachishcapica Abrahamman cai alli huillaita huillashpaca: “Canmantami tucui cai pachapi causaccunaman allicunata cusha” nishca.

GÁLATAS 3:8 ပူးပေါင်းရင်းမြစ်များ

GÉNESIS 12:3

Canta alli niccunataca alli nishami, mana alli niccunataca mana alli nishachu. Canmantami tucui cai pachapi causaccunaca bendiciashca canga» nirca.

GÉNESIS 18:18

¿Paimanta alli sinchi, jatun llacta tucugricucpi, shinallatac tucui cai pachapi causaccuna paimanta bendiciashca cagricucpichu mana huillana cani?

GÉNESIS 22:18

Ñuca nishcata pactachishcamantaca canmantami tucui cai pachapi causaccuna bendiciashca canga” ninmi— nirca.

GÉNESIS 26:4

Cambac huahua huahuacunataca jahua pacha lucerocunata shinami mirachishpa, tucui cai allpacunata cusha. Cambac huahua huahuacunamantami tucui cai pachapi causaccunataca bendiciasha.

GÉNESIS 28:14

Cambac huahua huahuacunaca ñuto allpa shinami, achcata miraringa. Jahuamanpish, uramanpish, inti llucshina ladomanpish inti tigrana ladomanpish rishpami, mirarishpa causangacuna. Canmantapish, cambac huahua huahuacunamantapishmi tucui cai pachapi causaccunata bendiciasha.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

SALMOS 72:7

Pai mandacuc punzhacunapi cashcata ruhuanaca sisa shinami canga. Quilla tucuringacamanmi cushilla causaica tiyanga.

ISAÍAS 6:13

Patsacmanta chunga saquirishca gentecunacamanmi tucuchishca canga. Roble yurata, encina yurata urmachicpica, sapica puchunmi. Chai sapi shinami paicunapuramanta saquirishcacunaca ñucapaclla canga— nirca.

ISAÍAS 65:9

Jacobomantaca huahua huahuacunata mirachishami. Ñuca urcucunataca Judapac huahua huahuacunami japinga. Ñuca acllashcacunami llactataca paicuna causangapac japinga. Chaipica ñucata serviccunami causanga.

JEREMÍAS 4:2

Mandac Dios ñucapac shutipi ari nishpaca, mana llullashpa cashcata nichic. Shina ruhuacpica, shuctac llactacunapi causaccunapish, ñucamantami bendiciashca canga. Ñucahuanmi cushicunga.

SAN JUAN 19:37

Shuctac quillcachishcapica: “Lanzahuan chugrichishcatami ricungacuna” ninmi.

SAN JUAN 7:38

Dios quillcachishcapi nishca shina, maijanpish ñucata cricpac shungumantaca, causaita cuc yacumi llucshinga— nirca.

SAN JUAN 7:42

¿Manachu Dios quillcachishcapica: “Cristoca mandac Davidpac aillupuramanta, pai huacharishca Belén pueblomanta shamunga” nin?» ninacurca.

HECHOS 2:35

Canta piñaccunata cambac chaqui sarunapi churangacaman, canca ñuca alli maquiman tiyacuilla’ ninmi” nirca.

ROMANOS 9:17

Dios quillcachishcapica Egipto llactata jatun mandactaca: «Canpi ñuca poderta ricuchingapac, tucui llactacunapi ñuca shutita ricsichingapacmi, jatun mandac cachun churarcani» nishcami.

ROMANOS 9:30

Shina cacpica, ¿imatatac nishun? Diosca mana israelcunataca paita crishcamantami chasquirca. Mana paicuna cashcata ruhuac cashcamantachu chasquirca.

GÁLATAS 3:16

Diosca pai cusha nishcataca taita Abrahamman shinallatac paipac huahua huahuamanmi cusha nishca. Dios quillcachishcapica mana huahua huahuacunamanchu cusha nishca, ashtahuanpish Abrahamtaca: «Cambac huahua huahuacunapuramanta shucllamanmi cusha» nishcami. Chaica Cristomi can.

GÁLATAS 3:22

Ashtahuanpish Dios quillcachishcapi nishca shinaca, maijanpish Jesucristota crishcallamanta Dios cusha nishcata japichunmi, juchaca tucui gentecunata huatashca shina charicun.

GÁLATAS 4:30

Ashtahuanpish Dios quillcachishcapica, ¿imatatac nin? Chaipica: «Huatashca shina cac huarmitaca paipac huahuandi llucchishpa cachai. Chai huarmipac huahuaca quiquin huarmipac huahuahuan japina cashcataca mana pacta pacta japingachu» ninmi.

HEBREOS 4:2

Ñucanchicmanpish paicunaman shinallatacmi alli huillaita huillarca. Shina cashpapish, paicunaca mana crircachu, criccunhuan mana tandanacurcachu. Chaimantami paicuna uyashcaca yangalla carca.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.