GÁLATAS 2:8 - Dios Rimashcata Quillcashcami

⁸ Pedrota israelcunapacman huillachun cachac Diosllatacmi, ñucatapish mana israelcunaman huillachun cacharca.

Nuevo Testamento en Quichua Cañar 1996

⁸ Pedrota israelcunapacman Jesusmanta huillachun cachac Taita Diosllatacmi, ñucatapish mana israelcunaman Jesusmanta huillachun cacharca.

GÁLATAS 2:8 ပူးပေါင်းရင်းမြစ်များ

HECHOS 1:25

Maijan can acllashcataca Judaspac randi ñucanchic-huan canmanta huillachunmi munanchic. Judasca millaita ruhuashcamantami canmanta huillanata saquishpa huañushpa, llaqui tucurca» nirca.

HECHOS 1:8

Diospac Espíritu cancunapacman shamucpimi, poderta chasquinguichic. Chaimantami Jerusalén pueblopipish, tucui Judea llactapipish, Samaria llactapipish, tucui llactacunapipish ñucamanta huillanguichic— nirca.

HECHOS 15:12

Shina nicta uyashpami, tucui gentecuna upalla tucushpa, Bernabepish, Pablopish Dios-huan cashpa, mana israelcunapac ñaupapi milagrocunata, mancharinacunata ruhuashcata parlashcata uyarcacuna.

HECHOS 19:26

Chai Pablo imata nishpa puricuctaca cancunallatac ricunguichicmi, uyanguichicmi. Paica: “Maquihuan ruhuashcaca mana dioschu” nishpami puricun. Mana cai Efeso pueblollapi, ashtahuanpish tucui Asia llactapimi achcacunata crichishca.

HECHOS 21:19

Pablo chaipi caccunata saludashca quipaca, mana israelcunaman Diosmanta huillacpi, Dios ima ruhuashcata callaimanta tucui parlarca.

HECHOS 22:21

Ashtahuanpish Apunchic Jesusca: “Rilla, ñucami cantaca caru llacta mana israelcunapacman cachagrini” nircami» nirca.

HECHOS 4:4

Chashna cacpipish, paicuna huillashcata uyashpa criccunaca, pichca huaranga shina runacunami carca.

HECHOS 8:17

Chaimantami Pedropish, Juanpish chai criccunapac uma jahuapi maquita churacpica, Diospac Espirituta chasquircacuna.

HECHOS 9:15

Chashna nicpipish, Apunchic Jesusca: —Rilla, paitaca mana israelcunamanpish, jatun mandaccunamanpish, israelcunamanpish ñucamanta huillachunmi acllarcani.

1 CORINTIOS 15:10

Shina cacpipish Dios cuyashcallamantami cashna cani. Pai ñucata cuyashcaca mana yangachu cashca. Chaica tucui paicunata atishpami, ñucaca Diospacta ruhuacuni. Shina cashpapish mana ñucachu ruhuashcani, ashtahuanpish ñucapi tiyac Diospac cuyaimi ayudashpa ruhuachishca.

1 CORINTIOS 9:2

Shuccunaman mana apóstol cashpapish, cancuna Apunchic Jesusta crishpa, paihuan shuc shinalla tucushcamantaca, apostolmi cani.

GÁLATAS 3:5

Cancunaca mana Moisés mandashcacunata pactachishcamantachu, ashtahuanpish ñucanchic huillashcata uyashpa crishcamantami Dios paipac Espirituta cushpa, cancunapurapica pi mana ruhuaipaccunata ruhuachicun. ¿Chaitaca manachu yachanguichic?

COLOSENSES 1:29

Chashna ruhuangapacmi, llaquicunata apana cacpipish, Cristo imatapish ruhuaclla cashcahuan tucui yuyaihuan ruhuacunilla.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.