FILIPENSES 3:2 - Dios Rimashcata Quillcashcami

² Circuncisionta ruhuanami canguichic niccunamanta, allcu shina gentecunamanta, mana allita yachachiccunamanta huacaichiringuichic.

Nuevo Testamento en Quichua Cañar 1996

² “Circuncisionta*f** ruhuanami canguichic” nishpa mana allita yachachic, allcu shina gentecunamantaca huacaichiringuichic.

FILIPENSES 3:2 ပူးပေါင်းရင်းမြစ်များ

SALMOS 119:115

Millai runacuna, ñucamanta anchurichic. Ñucaca, ñuca Dios mandashcacunatami pactachisha nini.

SALMOS 22:16

Allcucuna shinami muyunacushpa charicuncuna. Millai gentecunami ñuca muyundipi shayacuncuna. Ñuca maquicunatapish, chaquicunatapish llaquinayaitami chugrichincuna.

SALMOS 22:20

Espadahuan huañuchinamanta quishpichiyari. Ñucapac causaitaca chai allcucunapac quirumanta quishpichiyari.

PROVERBIOS 26:11

Allcu arcadashcata cutin micuc shinami, yuyai illac runaca paipac shungupi yuyarishcata cutinllatac ruhuan.

SAN MATEO 24:10

Chai punzhacunapica, taucacunami crinata saquishpa, caishuc chaishuc piñanacushpa prezuchinga.

SAN MATEO 7:15

Cancunapacman shamuc llulla huillaccunamanta cuidaringuichic. Paicunaca oveja carata churarishca, cutin ucu shungupica, atuc shina millaicunami.

SAN MATEO 7:6

Dios cushcataca ama allcucunaman cunguichicchu. Achca valishca perlastapish ama cuchicunaman cunguichicchu. Chashna cucpica, yangamanta sarungacunami. Chai allcucunaca cancunataca mana ricunayachishpa llaquichingami.

ROMANOS 2:28

Shungupitac Israel runa cashpami, Israel runa can. Aichallapi circuncisionta ruhuashcaca mana circuncisionta ruhuashca shinami can.

2 CORINTIOS 11:13

Chaicunaca llullashpa huillashpa pandachiccunami, shinallatac “Cristopac apostolcunami canchic” nic tucuccunami.

GÁLATAS 5:13

Cuyashca criccuna, cancunataca ña ama huatashca shina causachunmi cayarca. Cunanca “ña mana huatashca shinachu canchic” nishpaca, imapish mana alli munaicunataca ama ruhuanguichicchu. Chaipac randica caishuc chaishuc-huan cuyanacushpa, ayudanacushpa causaichic.

GÁLATAS 5:15

Cancunaca piñanacushpa, caishuc chaishuc llaquichinacushpaca chingaringuichicmi.

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

FILIPENSES 3:19

Chashna causaccunaca llaquipimi chingaringacuna. Diosta cuyanapac randica huicsatami yallita cuyancuna. Paicunapac sumac cashcaca pingaimi can. Shinallatac cai pacha causaipacllami ashtahuan munancuna.

FILIPENSES 3:3

Ashtahuanpish ñucanchicmi, Diospac Espíritu yuyaita cucpi Diosta shungumanta alli niccuna cashpa, Jesucristomanta cushicushpa, circuncisión ruhuashcatatac ricuchicunchic. Shina cashpami ñucanchicca aichapi imalla ruhuashcacunallapica mana shunguta churanchic.

1 TIMOTEO 1:19

Cambac yuyai ama juchanchishca cachunca, crishcata alli huacaichingui. Maijancunaca quiquin yuyaipi mana jarcarishpami, yacupi aguaric shina crishcata saquishpa, llaqui tucurcacuna.

TITO 1:16

Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca millana, mana cazuccuna cashpami, ima allitapish mana ruhuai pudincuna.

2 PEDRO 2:22

Ashtahuanpish paicuna chashna tucucpica: «Allcupish pai ungushcallatatacmi cutin tigrachishpa micun. Cuchipish armarishca quipaca, cutinmi turupi singun» nishcaca pactashca.

SAN JUDAS 1:4

Chaica cancunapurapimi, pacalla maijan llullac huillaccuna yaicushca. Chaicunataca ñaupa punzhacunamanta pachami Diosca jatun llaquiman rina cashcata huillashca. Chaicunaca millai runacunami. “Ñucanchic Diosca cuyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.

APOCALIPSIS 2:9

Can ima shina llaquicunata apacushcatapish, can huaccha cashcatapish yachanimi. Shina cashpapish canca chayucmi cangui. Maijan: ‘Israelcunami canchic’ niccuna, canta mana alli nishpa, rimac cashcatapish yachanimi. Chaicunaca mana israelcunatacchu, ashtahuanpish Satanaspacta ruhuangapac tandanacuccunami.

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.