FILIPENSES 2:4 - Dios Rimashcata Quillcashcami

⁴ Maijanpish quiquinlla alli canataca ama yuyaichicchu, ashtahuanpish shuccuna alli cachun munaichic.

Nuevo Testamento en Quichua Cañar 1996

⁴ Maijanpish quiquinlla alli canataca ama yuyaichicchu, ashtahuanpish shuccunapish alli cachun munaichic.

FILIPENSES 2:4 ပူးပေါင်းရင်းမြစ်များ

ESTER 2:22

Chaita Mardoqueo uyashpami jatun mandac Esterman huillarca. Cutin Esterca Mardoqueomi huillan nishpami jatun mandac Asueroman huillarca.

NÚMEROS 32:6

Shina nicpimi, paicunataca: —¿Cancunapac huauqui israelcuna macanacuiman ricpipish, cancunaca caillapichu saquirishun ninguichic?

SAN MATEO 18:6

Maijanpish cai huahuacuna shina ñucata caticcunata juchapi urmachictaca, cutana rumita cungapi huatashpa, jatun cuchapi shitanami ashtahuan alli canman.

ROMANOS 12:15

Cushilla caccunahuanca cushicuichic. Huacaccunahuanca huacaichic.

ROMANOS 15:1

Ñucanchic sinchi criccunaca manarac sinchi criccuna pandaricpipish ayudanami canchic. Mana quiquinlla alli canata munanachu.

1 CORINTIOS 10:24

Pipish ama quiquinpac allita mashcachun, ashtahuanpish shuccunapac allita mashcachun.

2 CORINTIOS 11:29

Maijan ungucpica, ñucapish ungunimi. Maijanta pandachishpa urmachicpica, piñarishpami llaquirini.

2 CORINTIOS 6:3

Ñucanchic ima ruhuashcacuna pipacpish mana allichu nishca ama cachunca, pimanpish ima mana allita ruhuashpa mana ricuchicunchicchu.

FILIPENSES 2:21

Caishuccunaca paicunapac alli canallatami mashcancuna. Cristo Jesusmanta allita ruhuanataca mana munancunachu.

SANTIAGO 2:8

Tucuimanta yalli mandashcata pactachishpaca, allitami ruhuanguichic. Dios quillcachishcapica: “Can quiquinllatac ima shinami cuyaringui, chai shinallatac shuccunatapish cuyangui” ninmi.