FILIPENSES 2:21 - Dios Rimashcata Quillcashcami

²¹ Caishuccunaca paicunapac alli canallatami mashcancuna. Cristo Jesusmanta allita ruhuanataca mana munancunachu.

Nuevo Testamento en Quichua Cañar 1996

²¹ Caishuccunaca paicuna alli canallatami mashcancuna. Jesucristomanta allita ruhuanataca mana munancunachu.

FILIPENSES 2:21 ပူးပေါင်းရင်းမြစ်များ

2 REYES 12:6

Jatun mandac Joás ishcai chunga quimsa huatata mandangacamanpish curacunaca Diospac huasi pirca chictataca manarac allichircacunachu.

ISAÍAS 56:11

Paicunaca micushpapish mana sacsac allcucuna shinami can. Michiccuna cashpapish imata mana entendinchu. Quiquin munashcata ruhuashpa, quiquinpacllata mashcashpa, munashcallata ruhuancuna.

MALAQUÍAS 1:10

Ñuca altar jahuapi ama yanga rupachic shamuchunca, cancunapuramanta, ¿pitac ñuca huasi punguta huichcac shamunguichic? Ñucaca cancunahuanca mana cushillachu cani. Cancunapac ofrendatapish mana chashquishachu. Chaitaca Mandac Dios ñucami nini.

SAN MATEO 16:24

Chaimanta Jesús paipac yachacuccunataca: —Maijanpish ñucata catisha nishpaca, quiquin causaita mana llaquishpa, cruzta apac shina llaquita apana cashpapish, ñucata catichun.

SAN LUCAS 14:26

«Maijanpish ñucata catingapac shamushpa, taita mamata, huarmita, huahuacunata, huauquicunata, panicunata, quiquin causaita llaquicca mana ñuca yachacuc cai pudinchu.

HECHOS 13:13

Pafos pueblomanta Pablo paihuan puriccunahuan barcopi rishpaca, Panfilia llacta Perge pueblomanmi chayarca. Marcos nishca Juanca paicunamanta raquirishpami, Jerusalenman cutirca.

HECHOS 15:38

Chashna nicpimi Pabloca: —Sarun ñucanchic huillanata manarac tucuchicpimi, Panfilia llactacaman rishpa, ñucanchicta shitashpa cutimurca. Chaimantami mana pushasha nini— nirca.

1 CORINTIOS 10:24

Pipish ama quiquinpac allita mashcachun, ashtahuanpish shuccunapac allita mashcachun.

1 CORINTIOS 10:33

Ñucaca mana quiquinpac allita mashcashpami, imata ruhuashpapish tucuipac allipac, paicuna quishpirichun ruhuacuni.

1 CORINTIOS 13:5

Shinallatac imapish pingaipacta mana ruhuacchu, jahualla mana piñaricchu, quiquinlla charinata mana munacchu, unaicaman mana piñaricchu,

2 CORINTIOS 1:5

Cristo llaquita apashca shina ñucanchicpish llaquita apashpaca Cristollamantatacmi yallita cushicuita japinchic.

FILIPENSES 2:4

Maijanpish quiquinlla alli canataca ama yuyaichicchu, ashtahuanpish shuccuna alli cachun munaichic.

2 TIMOTEO 1:15

Asia llactamanta caccuna tucui mashna ñucataca shitashpa rishcataca, canllatac yachanguimi. Paicunapurapica Figelopish, Hermogenespish carcami.

2 TIMOTEO 3:2

Chaipica quiquinlla alli canata, cullquita yallimana charinata munaccuna, jatun tucushcacuna, Diosta mana alli nishpa rimaccuna, taita mamata mana cazuccuna, mana pagui niccuna, rumi shungucuna,

2 TIMOTEO 4:10

Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescenteca Galacia llactaman, cutin Titoca Dalmacia llactamanmi rirca.

2 TIMOTEO 4:16

Juezcunapac ñaupapi punta ñuca rimaricucpica, pi ñucahuanca mana carcachu, tucuimi shitashpa rircacuna. Chashna ruhuashcataca ama yuyarishca canman ninimi.