FILIPENSES 2:14 - Dios Rimashcata Quillcashcami

¹⁴ Ama huashalla rimanacushpa, ama piñanacushpa imatapish ruhuaichicchu.

Nuevo Testamento en Quichua Cañar 1996

¹⁴ Ama huashalla rimanacushpa, ama p'iñanacushpa imatapish ruhuaichicchu.

FILIPENSES 2:14 ပူးပေါင်းရင်းမြစ်များ

SALMOS 106:25

Chaipac randica paicunapac carpa huasipimi huashalla rimashpa, Mandac Dios rimashcata mana uyarcacuna.

PROVERBIOS 13:10

Cariyashpa jatun tucuccunaca piñanacuipimi churan. Ashtahuanpish cunashcata uyaccunami allita yachaccuna can.

NÚMEROS 14:27

—¿Maicamantac cai millai israelcuna rimashcata uyacushalla? Ñucata israelcuna rimashcataca ñami uyarcani.

SAN MATEO 20:11

Chashna shuc punzhallamanta japishpami chagrayuc amotaca:

MARCOS 14:5

Chaitaca quimsa patsac yalli denario cullquipi catushpa, huacchacunaman cushpachari, alli canman carca— nishpami, huarmitaca rimaricurca.

MARCOS 9:14

Jesusca caishuc yachacuccunapacman cutimushpaca, paicunata achca gentecuna muyushpa shayacuctami ricurca. Mandashcacunata yachachiccunaca yachacuccunahuanmi sinchita rimaricurca.

SAN LUCAS 5:30

Fariseocunapish, mandashcacunata yachachiccunapish chaita ricushpa, Jesuspac yachacuccunataca: —¿Ima nishpatac impuestota japiccunahuanpish, caishuc juchayuccunahuanpish micucunguichic, ubiacunguichic?— nircacuna.

HECHOS 15:2

Chaimantami Pablopish, Bernabepish chai yachachic runacunahuan sinchita rimanacurca. Chaimantami criccunaca Pablotapish, Bernabetapish, maijan criccunatapish Jerusalenman rishpa, apostolcunahuan, criccunata pushaccunahuan parlashpa, allichichun cacharca.

HECHOS 15:39

Chashna rimanacushpami, chicanyarinacushpa, Bernabeca Marcosta pushashpa, barcopi Chipre llactaman rirca.

HECHOS 15:7

Chashna unaita rimanacushca quipa, Pedro shayarishpaca: —Huauquicunalla, alli huillaita ñuca huillacpi, mana israelcunapish crishpa quishpirichunmi, Diosca ña utcaman ñucata acllarca. Chaitaca cancunallatac yachanguichicmi.

HECHOS 6:1

Chai punzhacunapica, achca gentecunami Jesusta crishpa mirarirca. Chaimantami griego rimaita rimaccunaca hebreo rimaita rimaccunata “ñucanchic viuda huarmicunaman punzhanta imalla illashcataca mana alli chaupicunguichicchu” nishpa, rimai callarirca.

ROMANOS 12:18

Tucuihuan cushilla causanata munaichic.

ROMANOS 14:1

Manarac sinchi criccunata chasquishpaca, ama caita chaita ninguichicchu.

ROMANOS 16:17

Cuyashca criccuna, cancuna yachacushcamanta shuctaclayata yachachishpa chicanyachiccunamanta cuidaringuichic ninimi. Chashna yachachishpa pandachiccunamanta cuidaringuichic.

1 CORINTIOS 10:10

Paicunapuramanta maijancuna shina, ama Diosta rimashpa piñachichicchu. Chashna piñachishcamantami, chai huañuchic ángel shamushpa huañuchirca.

2 CORINTIOS 12:20

Ñuca ricungapac rishpaca, cancuna mana ñuca munashca shina tupana cashcata, shinallatac ñucapish mana cancuna munashca shina chayana cashcatami manchani. Cancuna chicanyarinacushpa, envidianacushpa, piñanacushpa, maldicianacushpa, huashalla parlanacushpa, caminacushpa, jatun tucushpa shinallatac maipish cachun causashpa puricuctami manchani.

GÁLATAS 5:15

Cancunaca piñanacushpa, caishuc chaishuc llaquichinacushpaca chingaringuichicmi.

GÁLATAS 5:26

Ñucanchicpurapica ama jatun tucushun, ama shuccunahuan piñanacushun, shinallatac shuccuna charishcata ama munashunchic.

FILIPENSES 2:3

Shuccunata llaquichingaraiculla ama yachac tucuichicchu, ashtahuanpish quiquinca mana yachac cashca shinalla, shuccunata ashtahuan allipi churaichic.

1 TESALONICENSES 5:13

Paicuna allita ruhuacushcamantaca, cuyashpa alli ninami canguichic. Shinallatac caishuc, chaishuc-huanmi cushilla causanguichic.

1 TESALONICENSES 5:15

Shuccuna cancunata ima mana allita ruhuacpica, cancunapish ama chashnallatac ruhuaichicchu. Chaipac randica punzhanta cancunapurapipish, tucui gentecunahuanpish allita ruhuaichic.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.

SANTIAGO 1:20

Pipish piñaricca, Dios munashcataca mana ruhuanchu.

SANTIAGO 3:14

Shina cashpapish shuccuna shina casha nishpa shungupi canirishpa, quiquinlla imata ruhuashpaca ama ñucaca yachacmi cani nichicchu, shinallatac, cashcata nic huillashcatapish mana cazucunguichicchu.

SANTIAGO 5:9

Cuyashca criccuna, mana juchanchishca cangapacca, ama caishuc chaishuc imatapish juchanchinacuichicchu. Taripacca ña pungullapimi.

1 PEDRO 3:11

Millaimanta anchurishpa, allita ruhuanami can. Shuccunahuan sumacta causanata munashpa, chashnalla catinami alli can.

1 PEDRO 4:9

Shinallatac mana huashalla rimashpa, caishuc chaishuc huasipi chasquinacuichic.

SAN JUDAS 1:16

Chaicunaca huashalla rimaccuna, ima charishcacunahuanpish mana cushilla caccuna, shinallatac quiquinman imapish alli cachunllami munancuna. Paicunaca jatun tucushpami, imatapish japingaraiculla pitapish “canca allimi cangui” nic tucuncuna.