FILIPENSES 1:19 - Dios Rimashcata Quillcashcami

¹⁹ Cancuna ñucamanta Diosta mañacushcamantapish, Jesucristopac Espíritu ñucata ayudashcamantapish, caimanta llucshina cashcata alli yachashpami, cashnaca cushicuni.

Nuevo Testamento en Quichua Cañar 1996

¹⁹ Cancuna ñucamanta Taita Diosman mañacushcamantapish, Jesucristopac Espíritu ñucata ayudashcamantapish, caimanta llucshina cashcata alli yachashpami, cashnaca cushicuni.

FILIPENSES 1:19 ပူးပေါင်းရင်းမြစ်များ

HECHOS 16:7

Misia llactaman chayashpaca, Bitinia llactamanmi yaicunata munarca. Chaiman yaicuchunpish, Diospac Espirituca mana saquircachu.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

ROMANOS 8:9

Cancunapica Diospac Espiritumi causacun. Chaimantami jucha munashca shina, mana causacunguichic, ashtahuanpish Diospac Espíritu yuyaita cushca shina causacunguichic. Cristopac Espirituta mana charicca, mana Cristopacchu.

1 CORINTIOS 4:17

Chaimantami Apunchic Jesusta alli cric, ñuca cuyashca huahua shina Timoteota cachagrini. Paimi ñuca Apunchic Jesucristota crishpa, ima shina causanata yachachingui. Ñucapish chashnallatacmi tandanacushca criccunamanca maipipish yachachicuni.

2 CORINTIOS 1:11

Cancuna Diosta mañashpa ayudacpimi, ñucanchictaca huacaichishpa catinga. Achcacuna ñucanchicmanta mañacpica, achcacunami Dios allicunata ñucanchicman cushcamantaca paita alli ningacuna.

GÁLATAS 3:5

Cancunaca mana Moisés mandashcacunata pactachishcamantachu, ashtahuanpish ñucanchic huillashcata uyashpa crishcamantami Dios paipac Espirituta cushpa, cancunapurapica pi mana ruhuaipaccunata ruhuachicun. ¿Chaitaca manachu yachanguichic?

GÁLATAS 4:6

Ñucanchic ña paipac huahuacuna cacpica, Diosca paipac Churipac Espiritutami ñucanchic shunguman cacharca. Chai Espiritumi: “Ñuca Taitalla” nishpa mañachun ñucanchictaca yuyachicun.

FILIPENSES 1:18

Alli shunguhuan cashpa mana alli shunguhuan cashpapish, Cristomantami huillacuncuna. Chaimantami maijancuna llaquichina yuyaihuan huillacucpipish, ñucaca cushicuni. Shinallatac ashtahuanmi cushicusha.

1 PEDRO 1:11

Cristopac Espiritumi Diosmanta ñaupa huillaccunamanca Cristo llaquita apashpapish, quipaman sumacyachishca canataca utcashpa ña huillarca. Paicunahuan cac Cristopac Espíritu chashna yuyaita cucpimi, paicunaca ima punzha ima shina tucuna cashcata yachac chayanata munarcacuna.