EZEQUIEL 9:9 - Dios Rimashcata Quillcashcami

⁹ Shina mañacpimi paica: «Israelcunapish, Judá llactapi causaccunapish yallitami millaita ruhuashcacuna. Cai llactapica huañuchiccunami yalli tiyan, cai pueblopi causaccunaca millaita ruhuana yuyaillami. Paicunaca: “Mandac Diosca ñucanchicmanta anchurishcami, paica mana ricucunchu” nincunami.

EZEQUIEL 9:9 ပူးပေါင်းရင်းမြစ်များ

2 REYES 21:16

Judá gentecunata juchata ruhuachishca jahuami Manasesca mana faltayuc gentecunata huañuchishpa, Jerusalenpica caishuc ladomanta chaishuc ladocaman yahuarta yallita jicharca.

2 REYES 24:4

Shinallatac mana faltayuc gentecunata huañuchishcamantapishmi, chashnaca ruhuarca. Mana faltayuc gentecunapac yahuarca Jerusalenpimi jundarca. Chaimantami Mandac Diosca mana perdonasha nirca.

JOB 22:13

Shina cacpipish canca: “¿Diosca imatatac yachanyari? Yallita amsapica, ¿ima shinatac taripangayari?

SALMOS 10:11

Paipac shungupica: «Diosca cungarishcami. Paipac ñahuica tapashcami. Jaicapi manatac ricungachu» nishpami yuyan.

SALMOS 94:7

Chashna ruhuashpaca: «Mandac Diosca mana ricunchu. Jacobopac Diosca mana yachanchu» nincunami.

ISAÍAS 1:4

¡Aij, juchasapa gentecunalla, juchata aparishca gentecunalla, millaita ruhuaccunapac huahua huahuacunalla, juchayuc runapac churicunalla, Mandac Diosmanta caruyashpami, israelcunapac jucha illac Diostaca mana catisha nishpa, piñachircanguichic!

ISAÍAS 29:15

¡Aij, paicuna yuyarishcata ruhuangapac Mandac Diosmanta miticuccunalla! Paicunaca: «¿Ñucanchictaca pitac ricucun? ¿Pitac yachan?» nishpami, amsa tutapi imatapish ruhuancuna.

ISAÍAS 47:10

Canca: “Ñucataca pipish mana ricucunchu” yuyashpami, jatun mana allicunata ruhuana yuyailla causarcangui. Can yachacushcallatac, cambac alli yuyaicunallatacmi cantaca pandachirca. Cambac shungupica: “Ñucallami cani, ñucamanta ashtahuan shucca mana tiyanchu” yuyarcanguimi.

JEREMÍAS 2:34

Cambac churanaca huacchacunapac yahuarhuan, mana faltayuccunapac yahuarhuanmi cahuirishca. Paicuna mana allita ruhuashcataca mana tarircanguichu. Shina cashpapish,

JEREMÍAS 22:17

Shina cacpipish, cambac ñahuipish, cambac shungupish shuccunata llaquichishpa, yallita chayucyanallatami munan. Shinallatac mana faltayuc runata yahuarta jichanallata, llaquichinallata, millaita ruhuanallatami munan. Chaitaca Mandac Dios ñucami nini» ninmi.

LAMENTACIONES 1:5

Jerusalenpi causaccunaca Mandac Diosta mana cazurcachu. Chaimantami yallita llaquichirca. Paicunata piñaccunaca mandaccuna tucushca. Paita piñaccunaca cushillami causacun. Huahuacunatapish piñaccunami prezu apashca.

EZEQUIEL 7:23

Caipi causaccunaca llaquichina yuyai jundami, cai llactapi causaccunaca huañuchina yuyaillami. Chaimanta canca fierro cadenata ruhuangui.

EZEQUIEL 8:12

Chaipimi ñucataca: «Huañunalla runa, ¿israelcunata pushac yuyaccuna tuta imata ruhuacucta ricunguichu? Tucui paicunami huasi ucupi imamanpish riccha dioscunata pintashca. Paicunaca: “Mandac Diosca ñucanchicmanta anchurishcami, mana ricucunchu” nincunami» nirca.

EZEQUIEL 8:17

Chaimantami ñucataca: «Huañunalla runa, ¿manachu caitaca ricungui? ¿Judá llactapi causaccuna yalli millaita ruhuashcaca ashallachu? Paicunaca millaita ruhuashpami, cai llactapi yalli piñanacuita churashpa, ñucataca ashtahuan piñachin. Paicunapac singapipish ramacunatami churarin.

HABACUC 1:4

Mandashcacunataca pipish mana cazunchu. Allita ruhuanataca saruc shinami yangata ruhuan. Canta mana manchacca cashcata ruhuactami llaquichingapac caticun. Chaimantami cashcata ruhuana tiyanapac randica, mana alli ruhuashca ricurin.

SOFONÍAS 1:12

Jerusalenpi causaccuna imata ruhuashcataca luzta japichishpami alli ricusha. Mana cuyuric sanguyashca vino shina, cushilla causac runacunataca llaquichishami. Paicunapac shungupica: “Mandac Diosca ima allitapish, mana allitapish mana ruhuangachu” nincunami.

SAN LUCAS 11:50

Cai pacha callarishcamanta pacha paimanta huillaccunata huañuchishcamantaca, cunan punzha causaccunatami juchanchinga.

DEUTERONOMIO 31:29

Ñuca huañushca quipaca huacllirishpami, ñuca mandashcacunamantapish caruyanguichic. Mandac Diospac ñaupapi cancunapac maquihuan mana allita ruhuashpa, Diosta piñachishcamantami quipa punzhacunapica llaqui japinga» nirca.

DEUTERONOMIO 32:5

Cancunaca huaclliric, millaillata ruhuaccunami canguichic. Mana paipac huahua shinachu canguichic. Millaita ruhuac, mana cazucmi canguichic.