EZEQUIEL 9:4 - Dios Rimashcata Quillcashcami

⁴ Mandac Diosca chai runataca: «Jerusalén chaupita rishpa, millaita ruhuashcamanta llaquirishpa, caparishpa huacacuccunapac frentepi shuc señalta churai» nirca.

EZEQUIEL 9:4 ပူးပေါင်းရင်းမြစ်များ

GÉNESIS 4:15

Shina nicpimi, Mandac Diosca: —Maijanpish canta huañuchicpica, chai huañuchicca canchis cutinmi llaquichishca canga— nirca. Mandac Diosca pipish tupashpa ama huañuchichunmi, Caintaca shuc señalta shina churarca.

2 REYES 22:13

«Ñucamantapish, cai pueblopi causaccunamantapish, Judá llactapi tucui causaccunamantapish cai tarishca libropi quillcashca shimicuna ima nisha nicushcata Mandac Diosman tapugrichic. Ñucanchic ñaupa taitacuna ñucanchicmanta cai libropi quillcashca shinallatac mana cazushpa causashcamantami Mandac Dios ñucanchic-huan nina japiric shina piñarishca» nirca.

SALMOS 119:136

Shuctac gentecuna can mandashcacunata mana cazucpica, huiqui yacu shina callpactami huacani.

SALMOS 119:53

Can mandashcacunata saquishpa millaita ruhuacta ricushpami yallita piñarircani.

ÉXODO 12:13

Cancuna causacuc huasicunaca yahuarhuan cahuishpa señalashcami canga. Chaita ricushpaca, cancunapac huasita pasashallami. Egipto llactapi causaccunata huañuchishpapish cancunataca mana llaquichishachu.

ÉXODO 12:23

Mandac Diosca Egipto runacunata huañuchishpa pasacushpaca, cancunapac huasi pungu ishcai caspicunapi, pungu umbralpi yahuar cahuishcata ricushpaca pasangallami. Shinallatac cancunapac huasicunapi huañuchic yaicushpa, llaquichichunpish mana saquingachu.

ÉXODO 12:7

Chai animalpac asha yahuarta japishpa, mai huasicunallapi chai aichata micugrin, chai huasi pungu ishcai caspicunapi, pungu umbralpi cahuichic.

ISAÍAS 57:15

Huiñaita jahua pachapi causac, tucuita yalli, jucha illac Diosca: «Ñucaca jucha illac jahua pachapimi causani. Shina cashpapish, cushichishpa causaita cungapacmi llaquilla causaccunahuan, shungupi llaquilla caccunahuan cani. Llaquichishca causaccunapac shungutapish cushichinimi.

JEREMÍAS 13:17

Ashtahuanpish cancuna caita mana uyashpa, jatun tucucpica, ñuca shungullapimi pacalla huacasha. Mandac Diospac ovejacunata prezu apashcamantami yallita llaquirishpa, ñuca ñahuimanta huiquita jichasha.

EZEQUIEL 21:6

Huañunalla runa, shungupi llaquirishpa, paicunapac ñaupapi llaquillata huacai.

EZEQUIEL 6:11

Mandac Diosca: «Maquicunahuan huactarishpa, chaquihuanca tacarishpa: “Cai tucui millaita ruhuac israelcunaca, ¡Aij, imachari tucunga! ¡Paicunaca jatun macanacuipi yarcaihuan, ungüicunahuanmi huañunga!

EZEQUIEL 9:5

Caishuc runacunata sinchita caparishpaca: «Cancunapish chai runata catishpa, pueblo chaupita rishpa huañuchigrichic. Paicunataca ama llaquinguichicchu, ama perdonanguichicchu.

EZEQUIEL 9:6

Ñucapaclla huasipi caccunamanta callarishpa yuyaccunatapish, mosocunatapish, huarmicunatapish, huahuacunatapish tucui huañuchichic. Ashtahuanpish señalta chariccunapacmanca ama cuchuyanguichicchu» nirca. Shina nicpimi, Diospac huasi ñaupapi cac yuyaccunamanta callarishpa huañuchirca.

AMÓS 6:6

Vinotapish jatun vasocunapimi ubianguichic. Valishca mishquilla ashnacuc-huanmi cahuiringuichic. Josepac huahua huahuacuna llaquita tucushcataca mana llaquinguichicchu.

SOFONÍAS 1:12

Jerusalenpi causaccuna imata ruhuashcataca luzta japichishpami alli ricusha. Mana cuyuric sanguyashca vino shina, cushilla causac runacunataca llaquichishami. Paicunapac shungupica: “Mandac Diosca ima allitapish, mana allitapish mana ruhuangachu” nincunami.

SOFONÍAS 3:18

Mandac Diosca: «Cancunapuramanta unai huatata llaquirishpa causaccunataca tandachishami. Paicunata pingaichiccunaca mana tiyanchu.

MALAQUÍAS 3:16

Chaimantami Mandac Diosta manchaccunaca cada quiquin ricsishcacunaman parlarca. Chai parlashcataca Mandac Diosca tucuita uyashpami, paipac yuyarina libropi quillcarca. Mandac Diosta manchashpa causaccunapac, paipac shutita alli nishpa causaccunapac allipacmi chashna quillcarca.

2 CORINTIOS 1:22

Paipaclla cachunmi sellohuan churashca shinata ruhuashca. Ñucanchic shungupi paipac Espirituta churashpami, quipa punzhapi ñucanchic japina cashcata ricuchishca.

2 CORINTIOS 12:21

Ñuca quipata ricugricpica, cancuna ima mana allita ruhuashcata ñuca Dios ricuchishpa, pingaipi churana cashcatami manchani. Cancunapuramanta achcacuna utcamanta pacha mana allita ruhuashpa, huacllirishpa, imapish shuctac mana alli munaicunata ruhuashpa, Diosman mana cutirishcamanta yallita huacana cashcatami manchani.

GÁLATAS 6:17

Ñuca Apunchic Jesusta caticushcamanta chugririshpa alli tucushca señalmi, paipacta ruhuac cashcataca ricuchin. Caimanta ñaupamanca pi ama ñucataca piñachun.

EFESIOS 4:30

Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan señalashpa chicanyachirca. Chaimanta millaita rimashpa ama Diospac Espirituta nanachichicchu.

2 TIMOTEO 2:19

Shina cacpipish Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: «Pai acllashcacunataca Diosca ricsinmi. Diosta adoraccunaca tucui millaimantami anchurina can» nishcami.

APOCALIPSIS 14:1

Chai quipaca Sión urcu jahuapi Pactalla Oveja shayacuctami ricurcani. Paihuanca pasac chuscu chunga chuscu huaranga quishpirishcacunami frentepi Pactalla Ovejapac shutita, shinallatac Diospac shutita quillcashca carcacuna.

APOCALIPSIS 20:4

Chai quipaca mandashpa tiyarinacunapi taripanata chasquiccuna tiyacuctami ricurcani. Shinallatac Diosmantapish, Jesucristomantapish huillashpa mana cungarishpa catishcamanta, cungata pitishpa huañuchishca almacunatapish ricurcanimi. Paicunaca chai manchana animaltapish, paiman ricchata ruhuashcatapish mana alli nircacunachu. Shinallatac chai manchana animalpac shutita frentepi cashpa, maquipi cashpa churachunca, paicunaca mana saquircacunachu. Paicunaca cutin causarishpami, huaranga huatata Cristohuan mandarcacuna.

APOCALIPSIS 9:4

Chashna cushpaca, allpapi tiyac quihuatapish, yuracunatapish, tucui imapish verdicllacunataca ama imata ruhuachunmi mandarca. Ashtahuanpish Diospac sellota frentepi mana charic gentecunatami llaquichichun cacharca.