EZEQUIEL 8:6 - Dios Rimashcata Quillcashcami

⁶ Chai quipami ñucataca: «Huañunalla runa, ñucapaclla huasimanta ñucata anchuchingapacmi, israelcunaca yalli millaita ruhuacun. Chaitaca, ¿manachu ricungui? Cai ricushcamanta ashtahuan yalli millaita ruhuashcacunatami ricungui» nirca.

EZEQUIEL 8:6 ပူးပေါင်းရင်းမြစ်များ

2 CRÓNICAS 29:5

Chaipimi paica: «Levitacuna uyaichic: Cancuna Diospaclla tucuichic. Cancunapac ñaupa taitacunata Mandac Diospac huasitapish paipaclla cachun allichichic. Diospac huasi ucumanta mapacunata llucchichic.

SALMOS 78:60

Chaimantami Silo pueblo gentecunapac chaupipi cac paipac carpa huasitaca saquirca.

PROVERBIOS 5:14

Ñuca llactapi causaccunapac chaupipipish, tandanacushcacunapac chaupipipish tucuilaya llaquicunahuanmi cashcani” nicunguiman.

JEREMÍAS 11:18

Ñucata piñaccuna ñucata huañuchinata pacalla yuyarishcataca Mandac Diosmi huillarca.

JEREMÍAS 23:11

Mandac Diosca: «Ñucamanta huillac runapish, curacunapish ñucataca mana manchancunachu. Ñuca huasipipish mana allita ruhuashcatami ricuni.

JEREMÍAS 26:6

ima shinami Silo llactata tucuchircani, chashnallatacmi ruhuasha. Shinallatac tucui cai pachapi causaccuna, mana alli nishpa rimachunmi churasha” ninmi ningui» nirca.

JEREMÍAS 3:6

Jatun mandac Josías mandacui punzhacunapi Mandac Dios rimashpaca: «Mana cazuc israelcuna, ¿imata ruhuashcataca ricushcanguichu? Paicunaca lomacunapi, jatun yura ucucunapimi cullquimanta huainayac huarmi shina juchallirca.

JEREMÍAS 32:34

Chaipac randica, ñucata mañana huasipimi paicuna ruhuashca millana dioscunata churashpa mapayachirca.

JEREMÍAS 7:17

¿Manachu Judá llactacunapi, Jerusalén ñancunapi mana allita ruhuacuctaca ricungui?

JEREMÍAS 7:30

Mandac Diosca: «Judá llactapi causaccunaca ñucapac ñaupapimi mana allita ruhuancuna. Ñuca shutita mañana huasipi millana dioscunata churashpami mapayachirca.

EZEQUIEL 10:18

Chai quipami huasi umbral jahuapi tiyacuc Mandac Diospac sumaimana achic nicucca querubincunapac jahuapi tiyarirca.

EZEQUIEL 10:19

Ñuca ricucucpimi, chai querubincunaca alascunata alzashpa allpamanta rirca. Paicuna jatarishpa ricpica, ruedacunapish jatarishpa rircami. Chaimantaca Mandac Diospac huasiman rishpa, inti llucshina ladoman cac pungupimi shayarirca. Israelcunapac Diospac sumaimana achic nicucca paicunapac jahuapimi carca.

EZEQUIEL 11:22

Chai quipaca, querubincuna alasta alzashpa jahuata ricpica, ruedacunapish paicunahuanmi rirca. Israelcunapac Mandac Diospac sumaimana achic nicucpish paicunapac jahuapimi carca.

EZEQUIEL 11:23

Mandac Diospac sumaimana achic nicucca pueblo chaupimanta huichai rishpami, inti llucshina ladoman cac urcu jahuapi tiyarirca.

EZEQUIEL 14:6

Chaimanta canca: “Israelcunata Mandac Diosca: Cancunapac ruhuashcalla dioscunata saquishpa, ñucapacman cutimuichic. Cai tucui millanacunata ruhuashcataca ama ashtahuan ricuichicchu.

EZEQUIEL 18:12

huacchacunatapish, imata mana chariccunatapish llaquichic, shuhuac, debimanta prendashcatapish mana cutichic, ruhuashcalla dioscunata adorac,

EZEQUIEL 43:8

Israelcunaca paicunapac umbralcunatapish, pilarcunatapish ñuca huasi pungu umbral ladopi churashpami, ñuca jucha illac shutita yangapi churarca. Chaitaca, chai ladollapi shuc pircallata shayachishpami ruhuarca. Chaimantami ñucaca yallita piñarishpa tucuchircani.

EZEQUIEL 47:6

Chaipimi ñucataca: «Huañunalla runa, ¿caicunataca allichu ricurcangui?» nirca. Chaimantaca cutichimushpami, jatun yacu pataman pusharca.

EZEQUIEL 5:11

Mandac Dios ñuca shutipimi nini: Cancuna yalli millaita ruhuashcamanta, ruhuashcalla dioscunata adorashpa ñucapaclla huasita yangapi churashcamantaca ñucapish llaquichishami. Manatac llaquishachu, manatac cuyashachu.

EZEQUIEL 8:13

Chai quipaca: «Cai ricushcamanta ashtahuan yalli millaita ruhuashcacunatami ricungui» nirca.

EZEQUIEL 8:14

Chai quipaca Mandac Diospac huasiman yaicuna jahua lado pungumanmi pusharca. Chaipica huarmicuna Tamuz diosmanta huacacuctami ricurcani.

EZEQUIEL 8:7

Chaimantaca canzha pambaman yaicunamanmi pusharca. Chaipica pirca quingraipimi shuc jutcuta ricurcani.

EZEQUIEL 8:9

Chai quipaca: «Chaiman yaicushpa, chaipi caccuna yalli millaita ruhuacucta ricui» nirca.

OSEAS 5:6

Ovejacunata, vacacunata apashpami, Mandac Diosta mashcanga. Shina mashcashpapish mana taringachu. Paicunamantaca anchurircanimi.