EZEQUIEL 8:3 - Dios Rimashcata Quillcashcami

³ Chai runaca maquita chutashpami, ñuca uma accha jahuapi churarca. Chaipimi Diospac Espirituca muscuipi shina, cai pachamanta jahuaman alzashpa, ñucataca Jerusalenman aparca. Chashna pushashpaca, jahua ladoman cac ucu yaicunallapimi shayachirca. Chaipimi Mandac Dios mana ricunayachishca ruhuashcalla dios tiyacushca carca.

EZEQUIEL 8:3 ပူးပေါင်းရင်းမြစ်များ

1 REYES 18:12

Ñuca canmanta anchurishca quipaca, Mandac Diospac Espiritumi cantaca ñuca mana yachai pudishcaman apanga. Can caipi cashcata Acabman ñuca huillacpi, canta mana tarishpaca, ñucatami huañuchinga. Canta servic ñucaca huambramanta pachami Mandac Diosta manchashpa causani.

2 REYES 16:14

Chai quipami Mandac Diospac ñaupapi cac bronce altartaca, Diospac huasi ñaupamanta anchuchishpa mushuc altar jahua ladomanmi churarca.

2 REYES 2:16

Chashna cumurishpaca: —Riqui, caipimi canta servic pichca chunga alli sinchi runacunaca shayacun. Paicunata canta mandac Eliasta mashcachun cachai. Eliastaca, Mandac Diospac Espirituca mai urcucunapi, mana cashpaca mai pambacunapimi shitashca canga— nircacuna. Shina nicpimi Eliseoca: —Ama pita cachaichicchu— nirca.

2 REYES 21:7

Asera huarmi diosman ricchatapish Mandac Diospac huasipi churarcami. Mandac Dios chai huasimanta Davidtapish, paipac churi Salomontapish rimashpaca: «Ñuca huasi tiyacuc Jerusalén pueblotaca tucui Israel aillupuramantami acllarcani. Cai huasipimi ñuca shutitaca huiñaita causachun churasha.

SALMOS 78:58

Paicunapac lomacunapi altarcunata ruhuashpa, yangalla dioscunahuanmi yallita piñachircacuna.

ÉXODO 20:4

Jahua pachapi, cai pachapi, yacu ucupi, allpa ucupi tiyaccunaman ricchacunatapish ama ruhuanguichu.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

ÉXODO 34:14

Ama shuctac dioscunata adoranguichu. Mandac Dios ñucaca ñucapaclla cachunmi munani. Ñucaca, ñucapaclla cachun munac Diosmi cani.

JEREMÍAS 32:34

Chaipac randica, ñucata mañana huasipimi paicuna ruhuashca millana dioscunata churashpa mapayachirca.

JEREMÍAS 7:30

Mandac Diosca: «Judá llactapi causaccunaca ñucapac ñaupapimi mana allita ruhuancuna. Ñuca shutita mañana huasipi millana dioscunata churashpami mapayachirca.

EZEQUIEL 1:1

Quimsa chunga huata, chuscu quilla, pichca punzha cacpimi ñucaca prezu rishcacunahuan Quebar yacu patapi carcani. Chaipi cashpami, jahua pacha pascaricpi, Dios ricuchishcata muscuipi shina ricurcani.

EZEQUIEL 10:3

Chai runa yaicucpica, querubincunaca Diospac huasi ura ladopimi carca. Shinallatac ucupi tiyac canzha pambapica puyumi jundarca.

EZEQUIEL 11:1

Diospac Espiritumi Diospac huasi inti llucshina ladoman cac punguman aparca. Chai pungu yaicunapica ishcai chunga pichca runacuna shayacuctami ricurcani. Chai runacunapurapica Azurpac churi Jaazaniasta, Benaiaspac churi Pelatiastami ricurcani. Paicunaca pueblopi causaccunata mandacmi carca.

EZEQUIEL 11:24

Chai quipa, Mandac Diospac Espiritumi ñucataca muscuipi shina cutinllatac prezu apashca gentecuna causacuc caldeocunapac llactaman pusharca. Chai quipaca ña mana muscuipi shinataca ricurcanichu.

EZEQUIEL 2:9

Shinallatac pillushca quillcata maquipi japishpa ñucaman ricuchicuctami ricurcani.

EZEQUIEL 3:12

Diospac Espíritu ñucata sinchiyachishpa, ñuca huashapi rimashpaca: «Mandac Dios tiyana sumaimana achic nicuc pushtupi alli nichic» nirca.

EZEQUIEL 3:14

Quipaca Diospac Espiritumi ñucata sinchiyachishpa pusharca. Ñucaca shungupi yallita llaquirishpami rircani. Ashtahuanpish Mandac Diospac maquica sinchita charirashpami ñucataca pusharca.

EZEQUIEL 37:1

Mandac Dios ñucata sinchiyachicpimi, paipac Espirituca tullucuna siricuc pambaman pusharca.

EZEQUIEL 40:2

Mandac Diosmi ñucataca muscuipi shina, Israel llactaman pushashpa, chai llacta jatun urcu jahuapi churarca. Chai urcu ura ladopica jatun llacta shina huasicunami tiyarca.

EZEQUIEL 43:5

Chaimantaca Diospac Espiritumi chai huasi ucuman pusharca. Chaipimi Mandac Diospac sumaimana achic nicuc paipac huasi ucupi jundashcata ricurcani.

EZEQUIEL 43:8

Israelcunaca paicunapac umbralcunatapish, pilarcunatapish ñuca huasi pungu umbral ladopi churashpami, ñuca jucha illac shutita yangapi churarca. Chaitaca, chai ladollapi shuc pircallata shayachishpami ruhuarca. Chaimantami ñucaca yallita piñarishpa tucuchircani.

EZEQUIEL 5:11

Mandac Dios ñuca shutipimi nini: Cancuna yalli millaita ruhuashcamanta, ruhuashcalla dioscunata adorashpa ñucapaclla huasita yangapi churashcamantaca ñucapish llaquichishami. Manatac llaquishachu, manatac cuyashachu.

EZEQUIEL 7:20

Sumac churanacunata churarishpami, jatun tucurca. Chaicunallahuantacmi millana dioscunatapish ruhuarca. Chaimantami chaicunataca imapac mana valic millanata ruhuarcani.

EZEQUIEL 8:5

Chaimantami ñucataca: «Huañunalla runa, jahua ladota ricui» nirca. Shina nicpimi, jahua ladota ricurcani. Chaipica altarman yaicuna pungu cuchullapimi Mandac Dios mana ricunayachishca ruhuashcalla diosmi tiyacushca carca.

EZEQUIEL 9:2

Jahua lado pungutami sucta runa macanacunata apashca shamucuctami ricurcani. Paicunapac chaupipica lino churanata churashca quillcana tintata cinturapi apashcami shamucurca. Paicuna yaicushpaca, broncemanta ruhuashca altar cuchupimi shayarirca.

DANIEL 10:10

Shina sueñucucpimi, maquihuan ñucapi tuparishpa, cungurichishpa maquihuan taunallichirca.

DANIEL 10:18

Shina nicpimi, chai runaman ricchaca cutinllatac sinchiyachirca.

DANIEL 5:5

Chai horasllatacmi mandana huasipi tiyacuc candelero ñaupapi cac, calhuan yuracyachishca pircapi shuc maqui dedohuan quillcacuc ricurirca. Chai maqui quillcacuctami jatun mandac ricurca.

HECHOS 8:39

Yacumanta llucshicpica, Diospac Espiritumi Felipeta aparca. Chaimantami eunuco runaca Felipetaca mana ricurca. Chashna cacpipish, cushicushpami rirca.

DEUTERONOMIO 32:16

Shuctac dioscunata adorashpami, millaita ruhuashpa yallita piñachirca.

DEUTERONOMIO 32:21

Paicuna manapish dioscunata, yanga dioscunata adorashpami yallita piñachirca. Ñucapish shuctac gentecunahuanmi piñachisha. Mana cazuc gentecunahuanmi paicunataca yallita piñachisha.

DEUTERONOMIO 4:24

Mandac Diosca paipaclla cachunmi munan. Paica rupachishpa tucuchic nina shinami.

DEUTERONOMIO 5:9

Chai dioscunapac ñaupapi ama cumuringuichu, ama adoranguichu. Ñucaca, ñucapaclla causachun munac Mandac Diosmi cani. Taitacuna juchallishcamantaca paicunapac huahuacunatami quimsaniqui, chuscuniqui huahua huahuacaman llaquichicmi cani.

DEUTERONOMIO 6:15

Ashtahuanpish cancunapac chaupipi causacuc Mandac Diosca paipaclla causachunmi munan. Pacta pai nina japiric shina piñarishpa, cai pachamanta chingachinman.

JOSUÉ 24:19

Shina nicpimi, Josueca israelcunataca: —Cancunaca Mandac Diosta mana servi pudinguichicchu. Paica jucha illac Diosmi, paipaclla causachun munac Diosmi. Cancuna paita mana cazushpa causacucta, cancuna juchata ruhuashpa causacuctaca mana ricucungallachu.