EZEQUIEL 8:2 - Dios Rimashcata Quillcashcami

² Chaimantaca shuc runa shinatami ricurcani. Chaica cinturamanta uraimanca nina shinami carca. Cutin cinturamanta jahuamanca jagan nicuc bronce shinami carca.

EZEQUIEL 8:2 ပူးပေါင်းရင်းမြစ်များ

EZEQUIEL 1:4

Ñucaca jahua ladomanta acapana huaira shamucucta, achca puyu jahuata nina pillurishca shamucuctami ricurcani. Cutin chai chaupipica sumaimana achiclla bronceman riccha jagan nicuctami ricurcani.

EZEQUIEL 40:3

Chaiman ñucata pushacpimi, bronce shina jagan nicuc runata ricurcani. Chai runaca linomanta ruhuashca cordeltapish, medina caspitapish maquipi apashcami pungupi shayacurca.

EZEQUIEL 8:1

Sucta huata, sucta quilla, pichca punzhapimi ñucaca huasipi tiyacurcani. Judá llactamanta pushac yuyaccunapish ñuca ñaupapimi tiyacurca. Chaipi tiyacucpimi, Mandac Diosca cungailla rimarca.

DANIEL 10:6

Paipac cuerpoca topacio rumi shina, ñahuica punzha shina achicllami carca. Paipac ishcai ñahuicunaca luz japiricuc shinami carca. Cutin rigrapish, changapish llambuclla bronce shinami carca. Pai rimashcaca, achca gentecuna rimanacushca shinami uyarirca.