EZEQUIEL 8:11 - Dios Rimashcata Quillcashcami

¹¹ Chaicunapac ñaupapica israelcunapuramanta canchis chunga pushac yuyaccunami carca. Chai pushac yuyaccunapac chaupipica Safanpac churi Jazaniasmi shayacurca. Tucui paicunami quiquin maquipi inciensota rupachinata charicurca. Shinallatac incienso cushnica puyu shinami jahuata ricurca.

EZEQUIEL 8:11 ပူးပေါင်းရင်းမြစ်များ

2 REYES 22:12

Chai quipami jatun mandacca Hilcías curatapish, Safanpac churi Ahicamtapish, Micaiaspac churi Acbortapish, quillcac Safantapish, jatun mandacta servic Asaiastapish mandashpaca:

2 REYES 22:14

Shina nicpimi, Hilcías curapish, Ahicam, Acbor, Safán, Asaías runacunapish Dios ima nishcata huillac Huldapacman rishpa parlarcacuna. Paica curacunapac churanata cuidac Salumpac huarmimi carca. Salumca Ticvapac churimi carca. Ticvaca Harhaspac churimi carca. Hulda huarmica Jerusalenllapitacmi quipata ruhuashca uchilla pueblopi causarca.

2 REYES 22:3

Josías chunga pusac huatata mandacushpami, Azaliapac churi, Mesulampac nieto quillcac Safanta Mandac Diospac huasiman cacharca. Paitaca:

2 REYES 22:8

Shina nicpimi, curacunata mandac Hilcías curaca quillcac Safantaca: «Mandashcata quillcashca librotami Mandac Diospac huasipi tarircani» nirca. Shina nishpami chai librotaca Safanman curca. Pai japishpaca rezarcami.

2 REYES 25:22

Babilonia llactata jatun mandac Nabucodonosorca Judá llactapi saquirishcacunata mandachunca Ahicampac churi Gedaliastami churarca. Ahicamca Safanpac churimi carca.

2 CRÓNICAS 26:16

Uzías ña tucuita mandai callarishpaca, jatun tucushpami llaquipi urmarca. Paica Mandac Diosta mana cazushpami, inciensota rupachina altarpi inciensota rupachingapac Diospac huasi ucuman yaicurca.

2 CRÓNICAS 26:19

Ashtahuanpish paica curacunahuanmi piñarirca. Uziasca inciensota rupachingapacmi, inciensota rupachinata apashpa altar ñaupapi shayacurca. Chaipi shayacucpimi, paipac frentepica lepra ungüi llucshirca.

2 CRÓNICAS 34:20

Chai quipaca Hilcías curatapish, Safanpac churi Ahicamtapish, Micaiapac churi Abdontapish, quillcac Safantapish, jatun mandacta servic Asaiastapish mandashpaca:

ÉXODO 24:1

Mandac Diosca Moisestaca: —Ñuca maipi cashcaman Aaronhuan, Nadabhuan, Abiuhuan, canchis chunga israelcunata pushac yuyaccunahuan huichai shamushpa, carullapi cumuri.

ÉXODO 24:9

Quipaca Moisespish, Aaronpish, Nadabpish, Abiupish, canchis chunga israelcunata pushac yuyaccunapish huichaiman rishpami,

ISAÍAS 44:13

Carpinteroca caspipi shuc reglata churashpami lapiz-huan señalan. Chai quipaca cepillohuan llambushpami compas-huan runaman ricchata ruhuashpa, huasipi churan.

JEREMÍAS 19:1

Mandac Diosca: «Allpamanta puñuta ruhuac runapacman rishpa puñuta randishpa, Jerusalenpi causac pushac yuyaccunatapish, curacunata pushac yuyaccunatapish pushai.

JEREMÍAS 19:4

Paicunaca ñucamanta caruyashpami, cai llactatapish shuccunapac maquipi churarca. Chashnami paicunapish, paicunapac taitacunapish, Judá llactata jatun mandaccunapish mana ricsishca shuctac dioscunaman inciensota cushnichirca. Shinallatac mana faltayuc runata huañuchishpami, cai llactapi yahuarta jicharca.

JEREMÍAS 26:22

Chaimantami jatun mandac Joacimca Acborpac churi Elnatanta, shuctac runacunata Egiptoman cacharca.

JEREMÍAS 26:24

Ashtahuanpish Safanpac churi mandac Ahicamca Jeremiasta chaipi tandanacushcacunapac maquipi churachun, huañuchichun mana saquirca.

JEREMÍAS 29:3

Chai cartataca Safanpac churi Elasaman, Hilquiaspac churi Gemariasmanmi cushpa cacharca. Paicunataca Judá llactata jatun mandac Sedequiasmi Babilonia llactata jatun mandac Nabucodonosorpacman cacharca. Chai cartapica:

JEREMÍAS 36:10

Barucca Jeremías quillcachishcataca tucui gentecuna uyachunmi Mandac Diospac huasipi rezarca. Chai ucuca Safanpac churi quillcac Gemariaspacmi carca. Cai ucuca Mandac Diospac huasiman yaicuna mushuc pungumanta jahua lado pambapimi carca.

JEREMÍAS 44:21

«Cancunapac ñaupa taitacunapish, cancunata jatun mandaccunapish, shuctac mandaccunapish, Judá llacta llactacunapi, Jerusalén ñancunapi shuctac dioscunaman inciensota rupachishcataca, ¿mandac Diosca cungarishcangachu? Mana cashpaca chaicunata ruhuashcataca, ¿manachu ricushca canga?

JEREMÍAS 5:5

Cunanca yachaccunapacman rishpa, paicunahuan parlasha. Paicunaca Mandac Dios mandashcatapish, pai taripashpa llaquichinatapish yachancunami. Ashtahuanpish paicunapish yugota paquishpami, coyundatapish pitirca.

JEREMÍAS 52:27

Hamat llactapi tiyac Ribla llactaman chayachicpimi, Babilonia llactata jatun mandacca espadahuan huañuchichirca. Chashnami tucui Judá gentecunaca paicunapac llactamanta prezu rircacuna.

JEREMÍAS 7:9

Cancunaca huañuchishpa, shuhuashpa, huainayashpa, yanga ari nishpa, Baal dioscunaman inciensota cushnichishpa, mana ricsishca shuctac dioscunata catishpami causanguichic.

EZEQUIEL 20:1

Canchis huata, pichca quilla, chunga punzhapimi israelcunata pushac yuyaccuna Mandac Diosman tapungapac shamushpa, ñuca ñaupapi tiyarirca.

EZEQUIEL 8:10

Chaiman yaicushpaca, pirca quingrai muyundipi pambata llucashpa puric animalcunatapish, mapa animalcunatapish, israelcunapac dioscunatapish dibujashca tiyacuctami ricurcani.

EZEQUIEL 9:6

Ñucapaclla huasipi caccunamanta callarishpa yuyaccunatapish, mosocunatapish, huarmicunatapish, huahuacunatapish tucui huañuchichic. Ashtahuanpish señalta chariccunapacmanca ama cuchuyanguichicchu» nirca. Shina nicpimi, Diospac huasi ñaupapi cac yuyaccunamanta callarishpa huañuchirca.

DANIEL 9:8

Canta mana cazushpa juchallishcamantami ñucanchicpish, ñucanchic jatun mandaccunapish, caishuc mandaccunapish, ñaupa taitacunapish pingaichishca cashun.

NÚMEROS 11:16

Shina nicpimi, Mandac Diosca Moisestaca: —Israelcunata pushac yuyacpuramanta canchis chunga runacunata acllai. Paicunaca israelcunata pushac yuyaccunami cana can. Paicunata ñucahuan tupana huasi yaicunaman pushashpa, chaipi shuyangui.

NÚMEROS 11:25

Chaipimi Mandac Diosca puyupi urai shamushpa, Moises-huan parlanacushpa, paipi tiyac Espirituta canchis chunga pushac yuyaccunapi churarca. Shina churacpica, Diosmanta huillarcami. Shina cashpapish mana ashtahuan huillashpa catircachu.

NÚMEROS 16:17

Cada shuc inciensota rupachinata japishpa, chaipi inciensota churaichic. Tucui ishcai patsac pichca chunga runacuna inciensota churanata apashpa, Mandac Diospacman cuchuyanguichic. Aaronpish, paipaclla cac inciensota rupachinata japishpa, chaipi inciensota churashpami, Mandac Diospac ñaupaman cuchuyanga— nirca.

NÚMEROS 16:35

Chai quipaca Mandac Diospac ñaupamanta nina llucshishpami inciensota rupachic ishcai patsac pichca chunga gentecunata tucui rupachirca.

NÚMEROS 7:50

Shinallatac chunga siclosta pezac curi cucharapi inciensota jundachishcatapish apamurcami.

SAN LUCAS 10:1

Chai quipami Apunchic Jesusca canchis chungacunata acllashpa, pai chayana pueblocunaman, llactacunaman ishcai ishcaita ñaupachishpa cacharca.