EZEQUIEL 7:4 - Dios Rimashcata Quillcashcami

⁴ Ñucaca manatac perdonashachu, manatac llaquishachu. Ashtahuanpish cancuna ima shina millaita ruhuashpa causashcata cancunaman ricuchishpami llaquichisha. Shina ruhuacpimi, ñucataca Mandac Dios cashcata yachanguichic nini” ninmi ningui» nirca.

EZEQUIEL 7:4 ပူးပေါင်းရင်းမြစ်များ

JEREMÍAS 13:14

Paicunataca paicunapura macanacuchishpami llaquichigrini. Taitacunatapish, churicunatapish llaquichigrinimi. Paicunataca mana cuyashachu. Ashtahuanpish mana llaquishpami, tucui tucuchisha” ninmi ningui» nirca.

JEREMÍAS 16:18

Paicuna mana allita ruhuashcamantaca ashtahuan yallitami llaquichisha. Paicunapac huañushca dioscunahuanmi ñuca allpataca mapayachirca. Ñuca cushca llactapimi chai millanacunata jundachirca» ninmi.

JEREMÍAS 25:14

Babilonia llactapi causaccunatapish shuctac llactacuna, jatun mandaccuna servichishpa llaquichingami. Paicuna mana allita ruhuashca shinallatac, paicunatapish llaquichisha» ninmi.

EZEQUIEL 11:21

Ashtahuanpish ruhuashcalla dioscunata adorana yuyaihuan, millaita ruhuana munaihuan puriccunataca, taripashpami llaquichisha nini” ninmi ningui» nirca.

EZEQUIEL 12:20

Gentecuna causacuc llactacunapish tucuimi tucuchishca canga. Pambacunaca llaquinayaitami shitashca saquiringa. Chashna ruhuacpimi, ñucataca Mandac Dios cashcata yachangacuna nini” ninmi ningui» nirca.

EZEQUIEL 16:43

Can huambrarac cashpa, ima shina causacushcata mana yuyarishpami, cai tucui millaicunata ruhuashpa, ñucata llaquichircangui. Chashna millaita ruhuashcamantami ñucapish cantaca yallita llaquichisha. Canca yallita millaicunata ruhuashpami, yallita ñucata piñachircangui.

EZEQUIEL 22:31

Chaimantami ñucaca nina japiric shina yallita piñarishpa, paicunataca tucuchisha. Chashnami paicuna mana allita ruhuashca shinallatac llaquichisha. Chaitaca Mandac Dios ñucami nini” ninmi ningui» nirca.

EZEQUIEL 23:31

Cambac ñaña shinallatacmi mana allita ruhuashpa causarcangui. Chaimantami cambac ñañaman cushca ubiana shina llaquillatatac canmanca cusha.

EZEQUIEL 23:49

Paicunallatac yalli mana allita ruhuashcamanta, ruhuashcalla dioscunata adorashpa mapayashcamantami chashna llaquita apangacuna. Chashna llaquita apashpami, ñucataca Mandac Dios cashcata yachangacuna” ninmi» nirca.

EZEQUIEL 24:14

Ñuca huillashcataca pactachishatacmi. Llaquichishatacmi. Mana llaquishachu, mana tigrarishpa ricushachu. Can imata ruhuashpa, causashca shinallatacmi taripashpa llaquichisha. Chaitaca Mandac Dios ñucami nini” ninmi ningui» nirca.

EZEQUIEL 33:29

Pingaipac juchacunata ruhuashcamantami chai llactaca llaquinayaita shitashca saquiringa. Shina ruhuacpimi, ñucataca Mandac Dios cashcata yachanga” ninmi ningui.

EZEQUIEL 5:11

Mandac Dios ñuca shutipimi nini: Cancuna yalli millaita ruhuashcamanta, ruhuashcalla dioscunata adorashpa ñucapaclla huasita yangapi churashcamantaca ñucapish llaquichishami. Manatac llaquishachu, manatac cuyashachu.

EZEQUIEL 6:14

Ñucaca llaquichishpami paicuna causana llactatapish, ura ladopi cac shitashca pambamanta jahua Diblat llactacaman tucuchisha. Chashna ruhuacta ricushpami, ñucataca Mandac Dios cashcata yachangacuna» nirca.

EZEQUIEL 6:7

Huañushcacunapish cancunapac chaupillapitacmi urmanga. Chaita ricushpami, ñucataca Mandac Dios cashcata yachanguichic.

EZEQUIEL 7:27

Jatun mandacpish duelo churanatami churaringa. Pai churashca mandacpish, llaqui churanatami churaringa. Cai llactapi causaccunapac maquicunaca chucchungami. Paicuna imata ruhuashcata taripashpami llaquichisha. Chashna ruhuacpimi, ñucataca Mandac Dios cashcata yachangacuna» nirca.

EZEQUIEL 7:3

Cancuna tucurina punzhami ña chayamun. Ñuca yallita piñarishpami cancunata llaquichigrini. Cancuna imata ruhuashcata taripashpami llaquichigrini. Chashnami cancuna imata ruhuashcacunata cancunaman ricuchisha.

EZEQUIEL 7:9

Ñucaca manatac perdonashachu, manatac llaquishachu. Ashtahuanpish cancuna millaita ruhuashcata taripashpami cancunaman ricuchisha. Shina ruhuacpimi, ñucataca Mandac Dios cashcata yachanguichic.

EZEQUIEL 8:18

Ñucaca yallita piñarishpami, paicunataca llaquichisha. Manatac perdonashachu, manatac llaquishachu. Ñucata caparishpa mañacucpipish manatac uyashachu» nirca.

EZEQUIEL 9:10

Chaimantami paicuna millaita ruhuashca shinallatac paicunatapish llaquichisha. Manatac perdonashachu, manatac llaquishachu» nirca.

OSEAS 12:2

Mandac Diosca Judá llactapi causaccunahuanmi piñarishca. Jacobopac huahuacunataca paicuna mana alli ruhuashca shinallatacmi llaquichinga.

OSEAS 9:7

¡Llaquichina punzhacunami chayamun! ¡Paicuna japina punzhacunami pactamun! ¡Chaitaca israelcunami yachanga! Chaica, cancunallatac yalli juchata ruhuashcamanta, yalli millai yuyaihuan cashcamantami Dios ima nishcata huillactaca: “Yuyai illacmi” ninguichic. Cutin Diospac Espirituta charic runataca: “Locomi” ninguichic.

AMÓS 7:8

Mandac Dios chaita ricuchishpaca: —Amós, ¿imatatac ricucungui?— nirca. Shina tapucpimi ñucaca: —Albañilpac plomadatami ricucuni— nircani. Shina nicpimi, Mandac Diosca: —Cai albañilpac plomadahuanmi ñuca acllashca israelcunataca ricugrini. ¡Paicunataca mana ashtahuan llaquishachu!

ZACARÍAS 11:6

Ñucapish cai llactapi causaccunataca mana ashtahuan llaquishachu. Ñucallatacmi shuctac gentecunapac maquipi, jatun mandacpac maquipi churasha. Paicunata tucuchishpa, llactata chushaclla saquicucpipish, paicunapac maquimantaca mana cacharichishachu» nirca.

HEBREOS 10:30

Mandac Diosca: «Ñucami llaquichiccunataca llaquichisha. Ñucami paicuna japina cashcata cusha» ninmi. Shinallatacmi: «Ñuca huahuacunataca ñucami taripasha» ninmi. Chaitaca yachanguichicmi.