EZEQUIEL 7:27 - Dios Rimashcata Quillcashcami

²⁷ Jatun mandacpish duelo churanatami churaringa. Pai churashca mandacpish, llaqui churanatami churaringa. Cai llactapi causaccunapac maquicunaca chucchungami. Paicuna imata ruhuashcata taripashpami llaquichisha. Chashna ruhuacpimi, ñucataca Mandac Dios cashcata yachangacuna» nirca.

EZEQUIEL 7:27 ပူးပေါင်းရင်းမြစ်များ

1 REYES 20:28

Chai shina cacpimi, Dios ima nishcata huillac runa Israel llactata jatun mandacpacman shamushpaca: —Mandac Diosca: “Siriocunaca, ñucataca Mandac Diosca urcucunapi causaccunapac Diosmi, pugru pambacunapi causaccunapac Diosca mana canchu nishcacunami. Ñucaca cai tucui gentecunatami, cambac maquipi churagrini. Chashna ruhuacpimi ñucataca Mandac Dios cashcata yachangui” ninmi— nirca.

JOB 8:22

Canta piñaccunaca yallitami pingaichishca canga. Diosta mana manchaccunapac huasicunaca chingaringami» nirca.

SALMOS 109:18

Churanata churarishca shina maldicionca cachun. Paipac huicsamanca yacu shina, tullumanca aceite shina yaicuchun.

SALMOS 109:19

Shinallatac churanahuan pillurishca shina, chumbihuan chumbillishca shina cachun.

SALMOS 109:29

Ñucata yanga juchanchiccunaca churanata churaric shina pingaihuan cachun. Shinallatac jahuallata churarishca shina pandarishca cachun.

SALMOS 35:26

Ñuca llaquihuan cacpi, cushicuccunaca pingaichishca, muspachishca cachun. Ñucata piñashpa jatun tucuccunaca pinganayaipac churanata churarishca shina musparichun.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

ISAÍAS 3:11

¡Aij, Diosta mana manchac runalla! Yalli llaquimi tucunga. Paicunapac maquihuan mana allita ruhuashca shinallatacmi mana allita japinga.

EZEQUIEL 14:23

Paicuna ima shina causashcata, imata ruhuashcata ricushpami cushicunguichic. Chaimantami chai pueblopi causaccunataca mana yangamanta llaquichishcata yachanguichic. Chaitaca Mandac Dios ñucami nini” ninmi» nirca.

EZEQUIEL 18:30

Israelcunalla, tucui cancuna ruhuashcatami taripasha. Tucui millaita ruhuashcamanta llaquirishpa, ñucapacman cutimuichic. Chashna cutimucpica, cancunapac juchamantaca mana llaquichishachu.

EZEQUIEL 21:25

Israel llactata mandaclla, canca millai runami cangui. Canta llaquichishpa tucuchina punzhaca ñami pactashca.

EZEQUIEL 26:16

Jatun llaquita uyashpaca, mama cucha patapi causac jatun mandaccunapish mandashpa tiyanamanta anchurishpami, jahualla churanatapish, bordashca churanatapish llucchinga. Chaimantaca duelo churanata churarishpami, allpa jahuapi tiyarishpa chucchucunga. Chashnami can llaqui tucushcamantaca tucunga.

EZEQUIEL 7:3

Cancuna tucurina punzhami ña chayamun. Ñuca yallita piñarishpami cancunata llaquichigrini. Cancuna imata ruhuashcata taripashpami llaquichigrini. Chashnami cancuna imata ruhuashcacunata cancunaman ricuchisha.

EZEQUIEL 8:1

Sucta huata, sucta quilla, pichca punzhapimi ñucaca huasipi tiyacurcani. Judá llactamanta pushac yuyaccunapish ñuca ñaupapimi tiyacurca. Chaipi tiyacucpimi, Mandac Diosca cungailla rimarca.

JOEL 3:17

Mandac Diosca: «Ñucapaclla cac Sión urcupi causac cancunapac Mandac Diosca ñucami cani. Chaitaca yachaichicyari. Ñucapaclla Jerusalentaca shuctac gentecunaca mana ashtahuan pasangachu.

SAN MATEO 7:2

Cancuna ima shinami shuccunata juchanchinguichic, chashnallatacmi cancunatapish Diosca juchanchinga. Ima shinami shuccunata ruhuanguichic, chashnallatacmi cancunatapish ruhuanga.

SANTIAGO 2:13

Shuccunata mana llaquiccunataca, paicunatapish mana llaquishpami, Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.