EZEQUIEL 7:20 - Dios Rimashcata Quillcashcami

²⁰ Sumac churanacunata churarishpami, jatun tucurca. Chaicunallahuantacmi millana dioscunatapish ruhuarca. Chaimantami chaicunataca imapac mana valic millanata ruhuarcani.

EZEQUIEL 7:20 ပူးပေါင်းရင်းမြစ်များ

2 REYES 21:4

Mandac Diospac huasipipish altarcunatami shayachirca. Chai huasitami Mandac Diosca: «Jerusalenpimi ñuca shutita churasha» nishca carca.

2 REYES 21:7

Asera huarmi diosman ricchatapish Mandac Diospac huasipi churarcami. Mandac Dios chai huasimanta Davidtapish, paipac churi Salomontapish rimashpaca: «Ñuca huasi tiyacuc Jerusalén pueblotaca tucui Israel aillupuramantami acllarcani. Cai huasipimi ñuca shutitaca huiñaita causachun churasha.

2 CRÓNICAS 2:9

Paicunami achca caspicunata allichinga. Diospac huasita ñuca shayachinata yuyarishcaca jatun sumaimanami canga.

2 CRÓNICAS 36:14

Shinallatac curacunata tucui mandaccunapish, tucui gentecunapish ashtahuanmi mana allita ruhuashpa catircacuna. Shuctac llactapi causaccuna shinallatacmi mana allita ruhuashpa Mandac Diospac huasita mapayachirca. Chai huasitaca Mandac Diosllatacmi paipaclla cachun Jerusalenpi chicanyachishca carca.

ESDRAS 3:12

Utcapi Diospac huasi shayacucta ricuc curacuna, levitacuna, taitacunapac huasi ucupurata mandaccuna, israelcunata pushac yuyaccunaca Diospac huasi callari rumicunata churai callaricpimi caparishpa huacarcacuna. Cutin shuccunaca yallita cushicushpami caparircacuna.

SALMOS 48:2

¡Chai urcuca mai sumacmi! Jatun mandacpac pueblo jahua ladopi cac Sión urcuca cai pachapi causaccunapac mai cushicunami.

SALMOS 50:2

Tucuita yalli sumac Sión urcumantami Diosca achicyachishca.

ISAÍAS 30:22

Cullquimanta ruhuashca cancuna ruhuashcalla dioscunata, jahuata curihuan llutashpa ruhuashca dioscunatapish millaichic. Chaicunataca millana mapa llachapata shina: «¡Caimanta llucshi!» nishpa, caruta shitaichic.

ISAÍAS 64:11

Ñucanchic taitacuna can Diosta alli nina cambaclla huasipish rupashcami siricun. ¡Ñucanchic charishca sumaccunapish tucuimi tucurishca!

JEREMÍAS 7:14

Chaimantami cancuna shunguta churashpa, ñuca shutita mañana huasitaca Silo llactata shinallatac ruhuagrini. Cai huasitaca cancunamanpish, cancunapac ñaupa taitacunamanpishmi curcani.

JEREMÍAS 7:30

Mandac Diosca: «Judá llactapi causaccunaca ñucapac ñaupapimi mana allita ruhuancuna. Ñuca shutita mañana huasipi millana dioscunata churashpami mapayachirca.

LAMENTACIONES 1:10

Sumac charishcacunataca paita piñaccunami quichu rirca. Shuctac llacta gentecuna Diospac huasiman yaicuctapish ricurcami. Diosca chai tandanacuna huasiman ama yaicuchunmi mandarca.

LAMENTACIONES 2:1

¡Mandac Dios yallita piñarishpami Siontaca amsayachirca! Sumac israelcunataca jahua pachamantami cai pachaman urmachirca. Pai piñarishca punzhapica paipac chaqui saruna Siontaca mana yuyarircachu.

LAMENTACIONES 2:7

Mandac Diosca paipac altarta shitashpami paipaclla huasitapish millanayachirca. Mandashpa tiyana huasitapish, jatun pircacunatapish urmachichunmi piñaccunapac maquipi churarca. Mandac Diospac huasipica fiesta punzhacunapi shinami, caparinacushca uyarirca.

EZEQUIEL 11:18

Cai Israel llactaman cutishpami ruhuashcalla dioscunatapish, millaita ruhuanatapish saquinga.

EZEQUIEL 16:16

Cambac sumac churanacunallahuantacmi lomacunapi altarta ruhuashpa huainayarcangui. ¡Chai shinaca jaicapi mana tucushcachu, manatac tucungachu!

EZEQUIEL 16:19

Canman ñuca cushca tandatapish, alli trigo harinatapish, aceitetapish, abeja mishquitapish paicunaman mishquilla ashnachunmi, paicunapac ñaupapi rupachircangui. Chaitaca Mandac Dios ñucami nini.

EZEQUIEL 23:38

Ashtahuan millaicunatami ruhuarcacuna. Ñucapaclla huasitapish mapayachircami, samana punzhatapish yangatami ruhuarca.

EZEQUIEL 24:21

“Mandac Diosca israelcunataca: Riquichic, cancunapac sumaimana ricucunalla, fuerzata japina, shungupi cushicuna ñuca huasitaca yangapimi churasha. Shinallatac saquirishca cancunapac churicunatapish, ushicunatapish espadahuanmi huañuchinga.

EZEQUIEL 5:11

Mandac Dios ñuca shutipimi nini: Cancuna yalli millaita ruhuashcamanta, ruhuashcalla dioscunata adorashpa ñucapaclla huasita yangapi churashcamantaca ñucapish llaquichishami. Manatac llaquishachu, manatac cuyashachu.

EZEQUIEL 7:22

Ñucaca paicunamanta anchurishami. Ñucapaclla huasitaca millaita ruhuaccuna yaicushpami yangata ruhuanga.

EZEQUIEL 9:7

Cutinllatac runacunata rimashpaca: «Ñuca huasita mapayachichic. Huañushcacunata canzha pambapi montonashpa llucshichic» nirca. Shina nicpimi, paicuna chaimanta rishpaca, pueblopi causaccunata huañuchi callarirca.

HAGEO 2:3

Ñuca huasi utcapi sumaimana cashcata ricuccunaca, ¿maijan causacunguichicchu? ¿Cunanca ima shinatac ricurin? ¿Manachu cai huasica utcapi ima shina cashcahuan ricucpica yangalla?

JUECES 8:24

Cutin Gedeón rimashpaca: —Cancunamanca caillatami mañagrini: Tucui mashna macanacuipi japishca zarcillocunata ñucaman cuichic— nirca. (Paicunaca ismaelitacuna cashpami curi zarcillocunahuan carca).

JUECES 8:27

Chai tandashcahuanca Gedeonca shuc efodta ruhuashpami paipac causana Ofra pueblopi churarca. Chai puebloman rishpa, chai Ofra diosta mañashpami israelcunaca huainayarcacuna. Shinami Gedeontapish, paipac familiatapish tucllapi urmachic shina pandachirca.