EZEQUIEL 5:17 - Dios Rimashcata Quillcashcami

¹⁷ Chashnami yarcaitapish, piña animalcunatapish cachashpa, cancunapac huahuacunata tucuchisha. Chaipica ungüipish, yarcaipish, jatun macanacuipishmi tiyanga nini» nirca.

EZEQUIEL 5:17 ပူးပေါင်းရင်းမြစ်များ

2 REYES 17:25

Chaipi causai callarishpaca, Mandac Diosta mana mancharcacunachu. Chaimantami Mandac Diosca paicunata huañuchichun leoncunata cacharca.

ÉXODO 23:29

Allpa shitashca pamba saquiricpi, sacha animalcuna jundashpa, cancunata ama llaquichichunca paicunataca shuc huatallapica mana llucchishpa cachashachu.

JEREMÍAS 15:3

Mandac Dios ñucaca: “Paicunata llaquichingapacca chuscu jatun llaquicunatami churasha. Espadataca huañuchichun, allcucunataca caiman chaiman aisarichun, volac animalcunataca micuchun, sacha animalcunataca polvochunmi churasha.

EZEQUIEL 14:15

Cai llactaman piña animalcunata cachashpa, llaquinayaita tucuchicpica, chai llacta chaupitaca pipish mana pasai pudinmanchu, cai llactaca shitashcami saquirinman.

EZEQUIEL 14:19

Mana cashpaca, ñuca yallita piñarishpa, jatun ungüita cai llactaman cachashpaca, gentecunatapish, animalcunatapish huañuchimanmi.

EZEQUIEL 14:21

Mandac Dios ñucaca: “Jerusalenpi causacuc gentecunata, animalcunata tucuchingapacca, jatun macanacuitapish, yarcaitapish, piña animalcunatapish, ungüicunatapishmi cachasha. Chai chuscu llaquicunahuanmi tucuchisha.

EZEQUIEL 17:21

Shinallatac cambac mai sinchi soldadocunapish tucuimi jatun macanacuipi huañunga. Cutin saquiriccunaca caita, chaitami ringa. Chashna ruhuacta ricushpami, Mandac Dios ñuca rimashcata yachanguichic.

EZEQUIEL 17:24

Mandac Dios ñuca jatun yurata urmachishpa, uchilla yurata jatunyachic cashcatapish, verdinlla yuracunata chaquichishpa, chaquishca yurata verdiyachic cashcatapishmi shuctac yuracunaca yachanga. Chaitaca Mandac Dios ñucami nini. Chaitaca pactachishatacmi” ninmi ningui» nirca.

EZEQUIEL 21:3

huillashpa: “Mandac Diosca: Riquichic, cancunahuan yallita piñarishpami espadata llucchishpa, cashcata ruhuaccunatapish, ñucata mana manchaccunatapish huañuchigrini.

EZEQUIEL 21:32

Cancunaca nina japichina chaquishca cupa shinami tucunguichic. Cancunapac yahuarca allpa chaupipimi saquiringa. Cancunamantaca ima yuyarinapish mana tiyangachu. Chaitaca Mandac Dios ñucami nini” ninmi ningui» nirca.

EZEQUIEL 22:14

Ñuca llaquichi punzhapica, ¿cambac shungupish, maquipish fuerzata charinguichu? Mandac Dios ñucami nini. Chaitaca pactachishatacmi.

EZEQUIEL 23:47

Chai gentecunami rumicunahuan shitashpa, espadahuan chugrichishpa huañuchinga. Paicunapac cari huahuacunatapish, huarmi huahuacunatapish huañuchishpami, huasicunatapish rupachinga.

EZEQUIEL 26:14

Llambuclla rumita shinami saquisha, linchicunata tendina pambata shinami saquisha. Jaicapi mana llacta tucunguichu. Chaitaca Mandac Dios ñucami nini.

EZEQUIEL 28:23

Canta llaquichichunmi ungüita cachasha. Cutin ñancunapica yahuarmi siricunga. Tucui ladopimi espadahuan huañuchishca siricunga. Chaita ricushpami, ñucataca Mandac Dios cashcata yachangacuna.

EZEQUIEL 30:12

Nilo yacutapish chaquichishami. Chai llactataca mana allita ruhuac runacunapac maquipimi saquisha. Chaipi tiyashcacunataca caru llacta gentecunami tucuchinga. Chaitaca Mandac Dios ñucami nini.

EZEQUIEL 33:27

Shinallatac: “Mandac Diosca: Ñuca shutipimi nini: Llaquinayaita tucuchishca pueblopi causaccunaca jatun macanacuipimi huañunga. Pambapi causaccunataca millai animalcunami micunga. Jatun pircahuan jarcashca llactacunapi, jatun jutcucunapi causaccunaca manchana ungüihuanmi huañunga.

EZEQUIEL 37:14

Ñuca cancunapi causaita cuc samaita churashpa, causachishpami, cancunapac llactallapitac samachisha. Shina ruhuacpimi, Mandac Dios ñuca nishcata pactachic cashcata yachanguichic» nirca.

EZEQUIEL 38:22

Jatun mandac Gogtaca ungüihuan huañuchishpami, yallita llaquichisha. Paipac soldadocunatapish, paihuan cac gentecunatapish manchana tamya runduhuan, nina azufrehuanmi yallita llaquichisha.

EZEQUIEL 5:15

Ñuca yallita piñarishpa, canta llaquichicpica, muyundi llactacunapi causaccunapac burlashpa asina, camishpa rimana, yuyarina, shinallatac yalli mancharinami tucungui. Caitaca Mandac Dios ñucami nini.

EZEQUIEL 5:16

Ñucaca huañuchic flecha shina yarcaitami cancunapacman cachasha. Yarcai punzhacunata ashtahuan mirachishpami cancunata tucuchisha. Cancunapac micuipish tucuimi tucuringa.

EZEQUIEL 6:1

Mandac Dios rimashpaca:

EZEQUIEL 6:12

Carupi caccunaca ungüicunahuan, ladollapi caccunaca jatun macanacuipimi huañunga. Cutin mana huañushpa saquiriccunaca yarcaihuanmi huañunga” niyari. Chashnami ñuca piñarishcataca paicunata llaquichishpa pasachisha.

LEVÍTICO 26:22

Piña sacha animalcunata cachashpami, cancunapac huahuacunatapish, animalcunatapish tucuchisha. Shina tucuchicpimi, cancuna purina ñancunapish shitashca saquiringa.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

DEUTERONOMIO 32:24

Yarcaihuan, millai fiebre ungüihuanmi tucui huañunga. Millai animalcunatapish, culebracunatapish cachashami.

APOCALIPSIS 6:8

Chaimantaca shuc quillu caballotami ricurcani. Chai caballo jahuapi tiyacucpac shutica Huañui nishcami carca. Cutin paita catishpa llucshicca Ucu Pacha nishcami carca. Paicunaca cai pachata chuscupi chaupishca shuc parte gentecunata macanacuihuan, ungüicunahuan, yarcaihuan, shinallatac cai pachapi cac animalcuna canishcahuan huañuchic cana podertami chasquirca.