EZEQUIEL 5:15 - Dios Rimashcata Quillcashcami

¹⁵ Ñuca yallita piñarishpa, canta llaquichicpica, muyundi llactacunapi causaccunapac burlashpa asina, camishpa rimana, yuyarina, shinallatac yalli mancharinami tucungui. Caitaca Mandac Dios ñucami nini.

EZEQUIEL 5:15 ပူးပေါင်းရင်းမြစ်များ

1 REYES 9:7

ñucami israelcunataca paicuna causachun ñuca cushca llactamanta llucchishpa cachasha. Shinallatac ñuca shutipi mañana ñucapac cachun chicanyachishca cai huasitapish ñuca ñaupamanta anchuchishami. Chashna ruhuacpimi, israelcunataca shuc llactacunapi causaccunaca parlanacushpa asingacuna.

2 CRÓNICAS 29:8

Chaimantami Mandac Dios yallita piñarishpa, Judá llactapi, Jerusalenpi causaccunaman llaquita cacharca. Chai llaqui shamucpimi, jatun mancharina tucushpa, burlashpa pingaichishca carcacuna. Chaitaca cancunapac ñahuihuantacmi ricucunguichic.

SALMOS 39:11

Runataca llaquichishpami juchamantaca jarcangui. Pai sumac cashcataca polilla shinami tucuchingui. Tucui runacunapac causaica samai chingaric shinami tucurinlla.

SALMOS 79:4

Ñucanchic vecinocunapac camishcami canchic. Ñucanchic muyundi llactapi causaccunapac burlashpa asishcami canchic.

ISAÍAS 26:9

Tucui shunguhuanmi tutapish canta yuyaricuni. Ñuca causai tiyashcacamanca tutamanta jatarishpami cantaca mañasha. Can llaquicpimi, cai pachapi causaccunaca cashcata ruhuashpa causanata yachacun.

ISAÍAS 43:28

Chaimantami ñucapaclla huasipi mandaccunataca cumurichircani. Jacobopac huahua huahuatapish llaquipi churashpa, israelcunataca yangallata ruhuarcani.

JEREMÍAS 23:40

Shina ruhuashpami, cancunataca punzhanta pingaipi causachun saquisha. Chashnami jaicapi mana cungarishpa yalli pingaichishca huiñaita causanguichic” ninmi» ningui.

JEREMÍAS 29:18

Jatun macanacuipi yarcaihuan, jatun ungüihuanmi catipi llaquichisha. Tucui cai pachapi tiyac llactacunapi causaccunami paicunata burlashpa, ima llaqui tucushpachari alli canman ningacuna. Shinallatac paicunata shuctac llactaman ñuca llucchishpa cachacpica, paicunata ricushpaca mancharishpa pingaichingacunami.

LAMENTACIONES 2:15

Ñanta pasaccuna ricushpaca maquita huactashpami burlarca. Jerusalenta ricushpaca, silbashpa umata cuyuchishpami: «¿Cai llactatachu sumacta niccuna carca? ¿Cai llactatachu cai pachapi causaccuna cushicuna llacta niccuna carca?» nirca.

LAMENTACIONES 2:16

Tucui piñaccunami canta mana alli nishpa rimarca. Silbashpa, quirucuna canirishpaca: «¡Paitaca millpuc shinami tucuchircanchic! Ñucanchic munashca punzhaca chayamushcatacmi. Caitaca ricushcanchictacmi» ninacurca.

EZEQUIEL 11:9

Cancunataca cai pueblomanta llucchishpami, caru llacta runacunapac maquipi churasha. Chashnami cancunataca llaquichisha.

EZEQUIEL 14:8

Chai runata chashna llaquichishpami tucuipac yuyarina cachun, shuc señalta ruhuasha. Chashnami ñuca acllashcapuramanta anchuchisha. Shina ruhuacpimi, ñucataca Mandac Dios cashcata yachanguichic.

EZEQUIEL 16:41

Cambac huasicunatapish rupachingami. Achca huarmicunapac ñaupapimi cantaca llaquichinga. Shina llaquichicpimi, huainayanatapish, cuyashcacunaman paganatapish saquingui.

EZEQUIEL 16:57

Can millaita ruhuashcata manarac ricuchicpimi, chashna carcangui. Cunanca Siria llactapi, Filistea llactapi causaccunamari canta burlancuna. Maipi cashpapish cantaca millancunami.

EZEQUIEL 22:4

Huañuchishcamanta, ruhuashcalla dioscunata adorashpa mapayashcamantami juchanchishca cangui. Chashnami can tucurina punzhacunata quichquiyachishpa, tucurina huatacunapi cangui. Chaimantami cantaca mana alli nishpa rimachun, burlashpa asichun shuctac llactapi causaccunaman curcani.

EZEQUIEL 23:32

Chaimantami Mandac Diosca: Cambac ñañaman cushca ubiana shina llaquillahuantacmi llaquichisha. Chai ubiana vasoca ancho, shinallatac jatunmi can. Shuctac llactapi causaccunaca burlashpami cantaca asinga.

EZEQUIEL 25:17

Paicunatami yallita piñarishpa, llaquichisha. Chashna yallita llaquichicpimi, ñucataca Mandac Dios cashcata yachangacuna” ninmi ningui» nirca.

EZEQUIEL 30:19

Egipto llactataca cashcata ruhuashpami llaquichisha. Shina ruhuacpimi, ñucataca Mandac Dios cashcata yachangacuna» nirca.

EZEQUIEL 5:16

Ñucaca huañuchic flecha shina yarcaitami cancunapacman cachasha. Yarcai punzhacunata ashtahuan mirachishpami cancunata tucuchisha. Cancunapac micuipish tucuimi tucuringa.

EZEQUIEL 5:8

Chaimantami Mandac Dios ñucaca cancunahuan piñarircani. Ñucallatacmi cancunataca tucui llactacunapi causaccunapac ñaupapi llaquichisha.

LEVÍTICO 26:32

Llactatapish chushacllatami saquisha. Cancunata piñaccuna causangapac shamushpaca, mancharishpami saquiringa.

NAHÚM 1:2

¡Mandac Diosca, paipaclla cachun munacmi! Ima shina paita llaquichishca shinallatac llaquichicmi. Paita mana ricunayachiccunata llaquichicmi, paita piñaccunata piñacmi.

1 CORINTIOS 10:11

Ñaupa taitacuna chashna tucushcaca ñucanchicta yuyachingapacmi tucushca. Shinallatac tucuri punzhacunapi causacucpi, ñucanchicta yachachingapacmi, Dios quillcachishcapi quillcachishca cashca.

DEUTERONOMIO 28:37

Mandac Dios mai llactacunaman apacpipish, chai llactapi causaccunapac burlashcalla, asishcallami canguichic.

DEUTERONOMIO 28:46

Shina llaquichicpimi cancunapish, cancunapac huahua huahuacunapish tucui causaipi mancharina, yuyarina canguichic.