EZEQUIEL 5:10 - Dios Rimashcata Quillcashcami

¹⁰ Chaimantami cancunapac chaupillapica taitacunaca huahuacunata, huahuacunaca taitacunata micunga. Cancunata llaquichishpa, maijanlla saquiriccunataca caita, chaita catishpami cachasha.

EZEQUIEL 5:10 ပူးပေါင်းရင်းမြစ်များ

2 REYES 6:29

Shina nicpimi, ñuca huahuataca yanushpa micurcanchic. Cayandi punzha ñucaca: “Cambac huahuata micungapac apamui” nircani. Ashtahuanpish paipac huahuataca pacashpami rishca— carca.

NEHEMÍAS 1:8

Cunanca, canta servic Moisesta imata nishcata yuyariyari. Canca: “Cancuna juchata ruhuacpica, tucui llactacunamanmi caita chaita catishpa cachasha.

SALMOS 44:11

Ovejata shinami huañuchicpac maquipi churangui. Shuctac llactacunamanmi caita chaita cachangui.

ISAÍAS 49:26

Saruc shina canta llaquichiccunataca paicunapuratami micunacuchisha. Quiquin yahuarllahuantacmi vinohuan machac shina machanga. Chashna ruhuacpimi, cai pachapi causaccunaca ñucaca Mandac, llaquimanta quishpichic, Jacobota sinchiyachic Mandac Dios cashcata yachanga» nini

ISAÍAS 9:20

Tucuimi paipac alli lado rigrata micunga. Shina micushpapish yarcachingami. Cutin shucca paipac lluqui lado rigratami micunga. Shina micushpapish yarcachingami. Tucuimi paicunapac rigrallatatac micunga.

JEREMÍAS 13:14

Paicunataca paicunapura macanacuchishpami llaquichigrini. Taitacunatapish, churicunatapish llaquichigrinimi. Paicunataca mana cuyashachu. Ashtahuanpish mana llaquishpami, tucui tucuchisha” ninmi ningui» nirca.

JEREMÍAS 19:9

Chaipi causaccunamanca paicunapac churicunapac, ushicunapac aichallatatacmi carasha. Paicunata piñashpa huañuchinata munac runacuna shamushpa, chai llacta muyundita shayaricpimi, imata mana ruhuai pudishpa, paicunahuan apanacuccunallatatac micunga” nirca.

JEREMÍAS 44:12

Egipto llactaman rishpa, chaipi causac puchushca Judá gentecunaca tucuimi tucuchishca canga. Tucui paicunami jatun macanacuipi yarcaihuan huañushpa tucuringa. Cashnami uchillamanta callarishpa yuyaccunacaman tucuringa. Tucuipac mana alli nishca, tucuipac mancharina, burlanami tucunga.

JEREMÍAS 49:32

Paicunapac camellocunatapish, achca huagracunatapish tucuita quichushpami apanguichic. Jatun tucushca runacunataca tucui llactacunamanmi caita chaita cachasha. Llaquichiccunataca tucui ladocunamantami apamusha.

JEREMÍAS 49:36

Cai pacha chuscu ladomantami jatun huairata apamushpa, Elam llactapi causaccunataca caita, chaita cachagrini. Chashna cachacpica, tucui llactapimi miticushpa causagringacuna.

JEREMÍAS 50:17

Israelcunaca chingarishca ovejacuna shinami. Leoncunami catishpa shic-huarca. Puntaca Asiria llactata jatun mandacmi micurca. Tullucunataca Babilonia llactata jatun mandac Nabucodonosormi paquirca.

JEREMÍAS 9:16

Paicunatapish, paicunapac taitacunatapish mana ricsishca llactacunatami caita chaita cachasha. Paicunata catishpa, espadahuan huañuchishpa tucuchichunmi saquisha nini» ninmi.

LAMENTACIONES 2:20

Mandac Dioslla, ricuiyari. ¿Pitatac cashna ruhuashcangui? Huarmicunaca, ¿paicunapac huicsapi huiñashca huahuacunata micungachu? ¿Curapish, can ima nishcata huillacpish, can Mandac Diospac huasillapitacchu huañunga?

LAMENTACIONES 4:10

Llactata tucuchicpica, llaquic huarmicunapish quiquin huahuatami yanushpa micurca.

LAMENTACIONES 4:16

Mandac Diosllatacmi caita, chaita shic-huashpa cacharca. Paicunataca mana ashtahuan tigra ricungachu. Curacunatapish mana mancharcachu. Yuyaccunatapish mana llaquircachu.

LAMENTACIONES 4:3

Chacal animalcunapish, huahuacunata chuchuchinmi. Ashtahuanpish ñuca llactapi causac huarmicunaca shitashca pambapi causac avestruz shinami, huahuata mana llaquic tucushca.

EZEQUIEL 12:14

Paipac muyundipi causac paita ayudaccunatapish, paipac soldadocunatapish espadahuan llaquichishpami caita, chaita cachasha.

EZEQUIEL 12:15

Chashna caita, chaita cachacpimi, ñucataca Mandac Dios cashcata yachanga.

EZEQUIEL 17:21

Shinallatac cambac mai sinchi soldadocunapish tucuimi jatun macanacuipi huañunga. Cutin saquiriccunaca caita, chaitami ringa. Chashna ruhuacta ricushpami, Mandac Dios ñuca rimashcata yachanguichic.

EZEQUIEL 20:23

Shitashca pamballapitacmi paicunata caita, chaita tucui cai pacha llactacunaman cachangapac maquita alzashpa ari nircani.

EZEQUIEL 22:15

Shuctac llactacunaman, shuctac llactacunaman shic-huashpa cachashpami, cambac mapata anchuchisha.

EZEQUIEL 36:19

Shuctac llactacunaman shic-huashpa cachacpimi, caipi chaipi saquirircacuna. Paicuna ima shina causashca, imata ruhuashca shinami, taripashpa llaquichircani.

EZEQUIEL 5:12

Cancunamanta quimsapi chaupishca gentecunaca ungüihuan, yarcaihuanmi chaillapitac huañunga. Cutin shuc quimsapi chaupishca gentecunaca cancunapac muyundillapitacmi jatun macanacuipi huañunga. Cutin shuctac quimsapi chaupishca gentecunataca espadata llucchishpami caita chaita catishpa cachasha.

EZEQUIEL 5:2

Macangapac muyunacuna punzhacunapi, quimsapi chaupishca asha acchataca pueblo chaupiman apashpa, ninapi rupachingui. Asha parte acchataca pueblo muyundipi espadahuan pitinacungui. Caishuc asha parte acchataca huairapi chaspingui. Chaipimi paicunata espadahuan catishpa llaquichisha.

EZEQUIEL 6:8

Jatun macanacuipi mana huañushpa, saquiriccunaca caita chaita rishpami, tucui llactacunapi causanga.

DANIEL 9:7

Mandac Dioslla, canca cashcata ruhuacmi cangui. Ñucanchicca cunan punzhapi shina pingaichishca cangapacllami canchic. Judá llactapi, Jerusalenpi, cuchullapi causac, carupi causac tucui israelcunapish, canta mana cazushcamanta tucui cai pachata catishpa cachashcacunapish chashnami tucushun.

LEVÍTICO 26:29

Shina ruhuacpica, cancunapac churicunata, ushicunatami micunguichic.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

AMÓS 9:9

Israelcunataca tucui llactacunapi, harneropi shushuc shina ruhuachunmi mandasha. Chashna ruhuacpica, shuc granollapish mana allpaman urmangachu.

ZACARÍAS 2:6

Mandac Diosca: «¡Uyaichic, jahua lado llactamanta llucshishpa callpaichicyari! Ñucami cancunataca cai pacha chuscu ladocunaman shic-huashpa cacharcani. Chaitaca Mandac Dios ñucami nini.

ZACARÍAS 7:14

Ashtahuanpish paicunataca jatun acapana huairahuanmi paicuna mana ricsishca llactacunaman shic-huashpa cacharcani. Paicuna rishca quipaca, paicunapac llactaca shitashca pambami saquirirca. Chai llactaman yaicunataca pipish mana munangachu. Paicuna munashca llactataca shitashca pambatami saquirirca» nirca.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

DEUTERONOMIO 28:64

Mandac Diosmi cancunataca cai pacha callari llactamanta tucuri llactacaman tucui llactacunata shic-huashpa cachanga. Chaipica caspimanta, rumimanta ruhuashca, cancunapac taitacunapish mana ricsishca dioscunatami adoranguichic.

DEUTERONOMIO 32:26

Ñucaca tucui israelcunataca shic-huashpa cachashami. Ñucaca ‘paicunataca pipish cai pachapica ama yuyaringachun’ yuyarcanimi.

DEUTERONOMIO 4:27

Mandac Diosmi tucui cancunataca shuctac llactacunaman shic-huashpa cachanga. Shina ruhuacpica, ashallami saquiringuichic.