EZEQUIEL 48:8 - Dios Rimashcata Quillcashcami

⁸ Judá aillupac allpa lindero ladopica, Diospac huasita ruhuangapac inti llucshina ladomantaca inti tigrana ladocaman chicanyachinguichic. Chai allpaca anchomanca chunga ishcai huaranga pichca patsac metro, largomanca caishuc allpacuna shinallatacmi canga. Chai chaupipimi Mandac Diospac huasica canga.

EZEQUIEL 48:8 ပူးပေါင်းရင်းမြစ်များ

ISAÍAS 12:6

Sionpi causaccunalla, yallita cushicushpa cantaichicyari. Cancunapac chaupipi causacuc israelcunapac jucha illac Diosca jatunmari» nichicyari.

EZEQUIEL 48:21

Mandacpac allpaca Diospaclla huasitapish, pueblotapish ruhuangapac chicanyachishca allpa ladopimi canga. Chai allpaca inti llucshina ladomanca chunga ishcai huaranga pichca patsac metro, inti tigrana ladomanca chunga ishcai huaranga pichca patsac metromi canga. Chai ishcai ladopi cac allpacunami mandacpac canga. Chai allpa chaupipica Mandac Diospaclla huasimi canga.

EZEQUIEL 48:35

Chai llacta muyundica iscun huaranga metromi canga. Chai punzhamanta pachami chai puebloca, ‘Mandac Diosmi cai llactapica’ nishpa shutichishca canga» nirca.

EZEQUIEL 48:9

Mandac Diosman chicanyachishca allpaca largomanca chunga ishcai huaranga pichca patsac metro, anchomanca chunga huaranga metromi canga.

2 CORINTIOS 6:16

Dios causana huasihuan ruhuashcalla dioscunahuanca, ¡maitatac shuc shinalla tucungayari! Ñucanchicmi causac Dios causana huasica canchic. Diosllatacmi: «Ñucaca paicunahuanmi causasha, paicunahuanmi purisha. Ñucaca paicunapac Diosmi casha. Paicunaca ñuca acllashcacunami canga» nishca.

COLOSENSES 2:9

Dios imalaya cashcaca, Cristopimi tucui ricurin.

APOCALIPSIS 21:22

Chai pueblopica tucui poderta charic Mandac Diospish, shinallatac Pactalla Ovejapish Diosta mañana huasi shina cashcamantami, chaipica Diosta mañana huasitaca mana ricurcani.

APOCALIPSIS 21:3

Mandashpa tiyarinamanta sinchita shuc rimashca uyarishpaca: «Cunanca Diospac carpa huasica gentecunapac chaupipimi causacun. Paicunahuanmi tucui causaipi causanga. Paicunaca Diospac huahuami canga. Diosllatacmi paicunahuanca causanga.

APOCALIPSIS 22:3

Chai pueblopica Dios mana alli nishcaca imapish mana tiyangachu. Diospacpish, Pactalla Ovejapacpish tiyana pueblomi can. Chaipica Diospacta ruhuaccunaca paita alli ningacunami.