EZEQUIEL 48:21 - Dios Rimashcata Quillcashcami

²¹ Mandacpac allpaca Diospaclla huasitapish, pueblotapish ruhuangapac chicanyachishca allpa ladopimi canga. Chai allpaca inti llucshina ladomanca chunga ishcai huaranga pichca patsac metro, inti tigrana ladomanca chunga ishcai huaranga pichca patsac metromi canga. Chai ishcai ladopi cac allpacunami mandacpac canga. Chai allpa chaupipica Mandac Diospaclla huasimi canga.

EZEQUIEL 48:21 ပူးပေါင်းရင်းမြစ်များ

EZEQUIEL 37:24

Ñucata servic Davidmi paicunapac jatun mandac canga. Shuclla michicmi tiyanga. Paicunaca ñuca yachachishcacunatapish, mandashcacunatapish, rimashcacunatapish pactachishpami causanga.

EZEQUIEL 48:10

Chai chicanyachishca allpa ucupica curacunapac allpami canga. Chai allpaca jahua lado linderoca chunga ishcai huaranga pichca patsac metro, inti tigrana lado linderoca pichca huaranga metro anchomi canga. Cutin inti llucshina ladomanca pichca huaranga metro, ura ladomanca chunga ishcai huaranga pichca patsac metromi canga. Chai allpa chaupipimi Diospac huasica canga.

EZEQUIEL 48:20

Largomanpish, anchomanpish chunga ishcai huaranga pichca patsac metro cuadrado allpaca Mandac Diospaclla huasipacpish, pueblopacpishmi canga.

EZEQUIEL 48:22

Chai shinami mandacpac allpaca levitacunapac allpa ladomantaca pueblota ruhuana ladocaman, Judá aillupac linderomantaca Benjamín aillupac linderocaman canga.

EZEQUIEL 48:8

Judá aillupac allpa lindero ladopica, Diospac huasita ruhuangapac inti llucshina ladomantaca inti tigrana ladocaman chicanyachinguichic. Chai allpaca anchomanca chunga ishcai huaranga pichca patsac metro, largomanca caishuc allpacuna shinallatacmi canga. Chai chaupipimi Mandac Diospac huasica canga.

OSEAS 1:11

Judapac huahua huahuacunapish, israelcunapish tandanacushpami, shuclla mandacta acllanga. Chaica, Jezreelpac punzhaca jatun punzhami canga.