EZEQUIEL 48:14 - Dios Rimashcata Quillcashcami

¹⁴ Chai allpaca Mandac Diospaclla chicanyachishca, tucuimanta alli allpami. Chaimantami catunatapish, cambianatapish, shucman cunatapish mana pudinga.

EZEQUIEL 48:14 ပူးပေါင်းရင်းမြစ်များ

ÉXODO 22:29

Cambac punta pucushca granotapish, vinotapish, ama unayashpa, utca ñucaman cungui. Cambac punta cari huahuatapish ñucaman cungui.

ÉXODO 23:19

Cambac allpapi punta tarpushca granota canta Mandac Dios ñuca huasiman apamungui. Malta chivota huañuchishpapish ama paipac mamapac lechellapitac yanunguichu.

EZEQUIEL 48:12

Chaimantami paicunaca levita curacunapac ladollapitac allpataca japinga. Chai allpaca Mandac Diospaclla chicanyachishcami canga.

EZEQUIEL 48:13

Levitacunapac allpaca Sadocpac churi curacunapac ladollapitacmi canga. Chai allpaca largomanca chunga ishcai huaranga pichca patsac metro, anchomanca pichca huaranga metromi canga.

LEVÍTICO 23:20

Chaitaca punta pucushca granomanta ruhuashca ishcai tandahuanmi curaca cuyuchishpa, Mandac Dios ñucamanca cunga. Chaicunaca ñucapaclla chicanyachishca cashcamantami curapac canga.

LEVÍTICO 25:32

Levitacunaca paicunapac llactapi catushca huasitaca ima horaspish cullquita cutichishpa saquichi pudinmi.

LEVÍTICO 25:34

Ashtahuanpish levitacuna causana llacta muyundi michina allpaca huiñaipacmi paicunapac canga. Chaimantami chai allpataca mana catuna can.

LEVÍTICO 27:28

Maijanpish imata Mandac Dios ñucapac cachun chicanyachishcataca mana catui pudinchu. Shinallatac cullquita cushpapish mana chaihuan saquiri pudinchu. Chashnami gentetapish, animaltapish, allpatapish, ima charishcatapish mana catui pudin. Ñucapaclla chicanyachishcaca ñucapacmi can.

ROMANOS 8:23

Mana paicunallachu llaquita apacun, ashtahuanpish Dios cusha nishcata japingapac ña paipac Espirituta chariccunapish llaquita apacunchicmi. Chaica, Dios paipac huahuacunata ruhuangacaman, ñucanchic cuerpota huatashca shinamanta llucchingacamanmi shungupi llaquita apacunchic.