EZEQUIEL 47:8 - Dios Rimashcata Quillcashcami

⁸ Chaimantami ñucataca: «Cai yacuca inti llucshina lado llactamanmi ricun. Arabá pambata urai rishpaca, Cachi Cuchaman chayashpami, mishqui yacu tucunga.

EZEQUIEL 47:8 ပူးပေါင်းရင်းမြစ်များ

ÉXODO 15:25

Chaimantami Moisesca Mandac Diosta caparishpa mañarca. Shina mañacpica, Mandac Diosca shuc yuratami ricuchirca. Moisés chai yurata yacupi shitacpica, yacuca mishquiyarcami. Chaipimi Mandac Diosca pai mandashcacunatapish, quillcashcacunatapish curca. Shinallatac cazucta, mana cazuctapish ricurcami.

ISAÍAS 35:1

Chaquishca pambaca cushicungami. Yuracunapish cushicushpami, sumac rosas sisa shina sisanga.

ISAÍAS 35:6

Suchupish taruga shinami saltanga. Mana rimai pudicpish sumactami cantanga. Shitashca pambapi allacpipish yacuca llucchingami. Chaquishca pambacunatami yacuca callpacunga.

ISAÍAS 35:7

Chaquishca rupacuc tiyupish yacu cuchami tucunga. Chaquishca allpacunataca yacumi callpacunga. Chacal animalcuna causanapica carrizocuna, totoracunami huiñanga.

ISAÍAS 43:20

Ñuca acllashcacuna ubiachun shitashca pambapi yacuta llucchicpi, chaquishca pambapi yacuta cucpimi, sacha animalcunapish, chacal animalcunapish, huahua avestruzcunapish ñucata alli ningacuna.

ISAÍAS 49:9

Shinallatac prezucunataca: “¡Llucshichic!” nichun, purapi causaccunataca: “¡Ricuichic!” nichunmi, chashnaca ruhuasha. Ñan cuchucunapimi michinga. Chaquishca urcucunapipish quihuata charingami.

JEREMÍAS 31:9

Paicunaca huacashpami cutimunga. Ñucaca sumac yacu pugru pambata, maita mana mitcaripac sumac ñantami cushichishpa pushamusha. Ñucami israelcunapac taita cani. Efrainca ñuca punta churimi.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

SAN MATEO 13:15

Cai gentecunapac shunguca, rumiyashcami. Paicunapac ringripish tapashca shinami, ñahuipish huichcashca shinami. Mana chashna cacpica, ñahuipish ricunmanmi, ringripish uyanmanmi, shungupi yuyarishpa, ñucapacman cutirinmanmi. Ñucapacman cutiricpica, alliyachimanmi” nishcami.

SAN JUAN 5:4

Chaica, shuc angelmi jahua pachamanta cuchaman shamushpa, maijan cutinlla yacuta cuyuchic carca. Maijanpish utca yacuman yaicushpami ima ungüimantapish alliyac carca.

DEUTERONOMIO 3:17

Jordán yacuta lindero ruhuashpami, Arabá llactataca Cineretmanta Arabá Cachi Cuchacaman curcani. Pisga urcu quingraicamanmi inti llucshina ladomanca curcani.

DEUTERONOMIO 4:49

Jordán yacumanta inti llucshina ladoman tiyac Arabá shuti tucui llactatapish Pisga urcu chaquiman cac Arabá yacu patacamanmi japirca.

JOSUÉ 3:16

jahuamanta shamuc yacuca Saretán pueblo ladopi tiyac Adam pueblomanta ashtahuan carupimi tandarishpa saquirirca. Shinami Arabá cuchaman, Cachi Cuchaman ric yacuca chaupirishpa chaquirirca. Shina tucucpica, israelcunaca Jericó puebloman pasarcacunallami.