EZEQUIEL 47:5 - Dios Rimashcata Quillcashcami

⁵ Cutinllatacmi pichca patsac metrota medirca. Chai yacu yallita mirashcamantami chaquillahuanca ña mana pasaipac carca. Ashtahuanpish nadashpallami pasana carca.

EZEQUIEL 47:5 ပူးပေါင်းရင်းမြစ်များ

ISAÍAS 11:9

Ñucapaclla chicanyachishca urcupica millaita ruhuashpa, tucuchicca mana tiyangachu. Chaica Mandac Diosta ricsina yuyaimi mama cucha yacu jundashca shina, cai pachapica junda canga.

EZEQUIEL 47:4

Cutinllatac pichca patsac metrota medishpami, chai yacuta pasachirca. Chai yacuca mucucamanmi carca. Cutin pichca patsac metrota medishpa, chai yacuta pasachicpica, cinturacamanmi carca.

HABACUC 2:14

Mama cucha yacuhuan junda cac shinami, cai pachapi causaccunaca Mandac Diospac poderta ricsina yuyaihuan canga.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

APOCALIPSIS 7:9

Chai quipaca mana yupaipac tucuilaya gentecuna tucui llactacunamanta, tucui aillucunamanta, tucuilaya rimaita rimac gentecunatami ricurcani. Paicunaca mandashpa tiyarinapac ñaupapi, Pactalla Ovejapac ñaupapi yuranlla churanata churarishca, maquipica ramoscunahuan shayacuctami ricurcani.