EZEQUIEL 47:18 - Dios Rimashcata Quillcashcami

¹⁸ Inti llucshina lado linderoca Haurán llacta, Damasco chaupita catishpa, Galaad llacta, Israel llacta chaupita catishpa, Jordán yacucamanmi canga. Inti llucshina ladopi cac jatun cucha patapi tiyac Tamar pueblocaman medinguichic. Shinami inti llucshina lado linderoca canga.

EZEQUIEL 47:18 ပူးပေါင်းရင်းမြစ်များ

GÉNESIS 13:10

Shina nicpimi, Lotca huichailla ricushpaca, Jordán tucui pambata ricurca. Chai pambaca Edén huerta shina, parcuc yacuyuc, shinallatac Mandac Dios manarac Sodomata, Gomorrata tucuchicpi, Zoar llacta chimba ladopi cac Egipto llacta shinami carca.

GÉNESIS 13:11

Chaimantami Lotca tucui Jordán pambata acllashpa, inti llucshina ladoman rirca. Shinami caishuc chaishuc raquirinacurca.

GÉNESIS 31:23

Chaimantami paipac familiacunahuan Jacobota japingapac catishpa llucshirca. Canchis punzhapimi Galaad urcupi japirca.

GÉNESIS 31:47

Chai rumi montontaca «Labanca Jegar Sahadutatami» shutichirca. Cutin Jacoboca «Galaadtami» shutichirca.

GÉNESIS 37:25

Chai quipami paicunaca micungapac tiyarirca. Chashna micucushpami, huichailla ricushpaca, achca ismaelitacuna Galaad llactamanta sumac mishquilla ashnacucta, mirrata shinallatac balsamota camellocunapi apachishpa, Egiptoman ricucta ricurca.

JOB 40:23

Jatun yacu yallita mirarishpa talliricpipish mana mancharishpa callpanchu. Jordán yacu paipac shimiman shamucpipish mana manchanchu.

JEREMÍAS 50:19

Israelcunataca paicunapac llactamanmi cutichimusha. Chashna cutichimucpimi, ñuca ovejacunaca Carmelo, Basán, Efraín, Galaad urcucunapi alli micushpa huirayanga.

EZEQUIEL 47:16

Berota shinallatac Sibrayin llactacamanmi canga. Simbraim puebloca Damascohuan, Hamathuan chaupipimi can. Shinallatac Haurán llacta linderopi cac Jazar-enán llactacamanmi canga.

JOEL 2:20

Jahua llactamanta cancunata llaquichiccuna shamucpica, carumanmi cachasha. Paicunataca shitashca pambamanmi catishpa cachasha. Ñaupashpa shamuccunataca inti llucshina lado mama cuchapimi shitasha. Huashata caticcunataca inti tigrana lado mama cuchapimi shitasha. Chaipimi ismushpa yallita ashnanga. Yalli llaquita ruhuashcamantami chashna ruhuasha» ninmi.

NÚMEROS 32:1

Rubenpac, Gadpac aillucunaca achca animaltami charirca. Paicunaca Jazerpac, Galaadpac allpaca animalcunata mirachingapac alli cashcatami ricurca.

NÚMEROS 34:10

Cutin inti llucshina ladomanca Hazar-enanmantaca Sefamcamanmi canga.

JUECES 10:8

Chai punzhapimi chunga pusac huatacunata yallita servichishpa llaquichirca. Jordán yacumanta chimbaman Galaadpi cac amorreocunapac llactapi causac israelcunatapish chashnallatacmi llaquichishpa charirca.