EZEQUIEL 45:1 - Dios Rimashcata Quillcashcami

¹ Cancuna suerteta ruhuashpa, allpata chaupishpaca, shuc parte allpataca Mandac Diospaclla cachun chicanyachinguichic. Chai allpaca chunga ishcai huaranga pichca patsac metro largo, chunga huaranga metro anchomi canga. Chai allpaca tucui muyunditami ñucapaclla chicanyachishca canga.

EZEQUIEL 45:1 ပူးပေါင်းရင်းမြစ်များ

PROVERBIOS 3:9

Mandac Diostaca cambac charishcacunahuan, punta pucushca granocunahuan alli ningui.

EZEQUIEL 42:16

Medina caspihuan inti llucshina lado muyundita medicpica, ishcai patsac pichca chunga metromi carca.

EZEQUIEL 48:29

Cai allpatami Israel aillucunaca suerteta ruhuashpa japinga. Caimi cancuna japina allpacuna can. Chaitaca Mandac Dios ñucami nini.

LEVÍTICO 25:23

Allpaca ñucapacmi. Chaimanta ama tucui causaipac catunguichicchu. Cancunaca shuctac llactamanta shamushpa pozac shinallami canguichic.

NÚMEROS 34:13

Moisés israelcunata mandashpaca: «Cai llactatami cancunaca suerteta ruhuashpa japinguichic. Cai llactataca Mandac Diosmi iscun aillucunaman, caishuc chaupi aillumanpish cuchun mandarca.

JOSUÉ 13:6

Tucui urcu ladopi cac llactacunapish, Libanomanta Misrefot-maim pueblocaman, shinallatac tucui Sidón llactacunami japina tiyanrac. Tucui chai gentecunataca ñucami israelcunapac ñaupamanta llucchishpa cachasha. Canca chai llactacunataca ima shina ñuca mandashca shinallatac suerteta ruhuashpa, israelcunaman chaupishpa cungui.

JOSUÉ 13:7

Cunanca, cai allpataca iscun aillucunaman, shinallatac Manasespac chaupi ailluman chaupishpa cungui» nirca.

JOSUÉ 14:1

Canaán llactapica cai allpatami israelcunaca japirca. Cai allpataca Eleazar cura, Nunpac churi Josué, Israel aillucunapac huasi ucupurata pushaccunami chaupishpa curca.

JOSUÉ 14:2

Chai allpataca Mandac Dios Moisesta mandashca shinallatacmi iscun aillucunamanpish, Manasespac chaupi aillumanpish suerteta ruhuashpa curca.

JOSUÉ 14:3

Rubenpac, Gadpac cai ishcai aillumanpish, Manasespac chaupi aillumanpish ñami Moisés Jordán yacu chimba ladopi tiyac allpata cushca carca. Shina cashpapish levitacunamanca mana curcachu.