EZEQUIEL 41:26 - Dios Rimashcata Quillcashcami

²⁶ Chai corredorpi cac churanata huacaichina ucucunata ruhuashca pircacunapica quichqui ventanacunami tiyarca. Chaipica palmerata dibujashcami carca. Diospac huasi muyundipi tiyac huasicunapish umbralcamanmi chashnallatac carca.

EZEQUIEL 41:26 ပူးပေါင်းရင်းမြစ်များ

1 REYES 7:4

Ventanacunaca ishcai ladopitacmi chimbapurashca quimsa fila carca.

1 REYES 7:6

Shinallatac pilarcunata shayachishpami, shuc corredorta ruhuarca. Chai corredorca ishcai chunga ishcai metro chaupi largomi carca. Anchomanca chunga quimsa metro chaupimi carca. Chai corredortaca punta shayachishca corredor chimbapurapimi shuc pilarcunahuan, shuc caspicunahuan chicanta ruhuarca.

EZEQUIEL 40:16

Shinallatac uchilla ucucunapica ucumanca ancho, canzhamanca quichqui ventanacunami muyundita tiyarca. Churanata huacaichina ucu muyundipipish ventanacunami tiyarca. Chai ventenacunaca ucu ladomanmi muyundita carca. Shinallatac tucui pilarcunapimi palmerata dibujashca carca.

EZEQUIEL 40:48

Chai quipaca jahua ladopi cac corredormanmi pusharca. Chaipi tiyac pilarcunata medicpica, tucui pilarcunami ishcai metro, sucta chunga centímetro ancho carca. Cutin chaipi tiyac pungucunaca shuc ladomanpish, chaishuc ladomanpish shuc metro chaupimi carca.

EZEQUIEL 40:9

Chai quipaca corredorman yaicuna pungutapish medircami. Cutin umbralca chuscu metromi carca. Chai pungu pilarcunaca shuc metro anchomi carca.

EZEQUIEL 41:16

Diospac huasi muyundipi cac uchilla ucucunapish quimsa altocamanmi pambamanta jahua ventanacaman tablahuan tapashca carca. Pungu umbralcunatapish, ventanacunatapish tablacunahuan tapashcami carca.

EZEQUIEL 41:5

Chai quipaca Diospac huasi pircacunatami medirca. Chaica quimsa metro anchomi carca. Diospac huasi muyundipi cac uchilla ucucunaca ishcai metro anchomi carca.