EZEQUIEL 41:19 - Dios Rimashcata Quillcashcami

¹⁹ Shuc lado ñahuica gentepac ñahui shinami carca. Chai ñahuica shuc ladoman shayacuc palmeratami ricucurca. Caishuc lado ñahuica leonpac ñahui shinami carca. Chai ñahuica caishuc ladoman shayacuc palmeratami ricucurca. Chashnami Diospac huasi muyundica carca.

EZEQUIEL 41:19 ပူးပေါင်းရင်းမြစ်များ

1 REYES 7:29

Chai carretacunapac marcocunapi churashca tabla jahuapica leoncunata, huagracunata, querubincunata ruhuashcami carca. Chai carretacunapi churashca tablacunapi leoncunapac, huagracunapac jahua ladomanpish, ura ladomanpish guirnalda nishcacunata sumacta ruhuashcami carca.

EZEQUIEL 1:10

Paicunapac ñahuicunaca cashnami carca: Ñaupa ladomanca gentepac ñahui shina, alli ladomanca leonpac ñahui shina, lluqui ladomanca huagrapac ñahui shina, huasha ladomanca aguilapac ñahui shinami carca.

EZEQUIEL 10:14

Tucui querubincunami chuscu ladoman ñahuita charirca. Shuc lado ñahuica querubinpac, caishuc lado ñahuica gentepac, caishuc lado ñahuica leonpac, caishuc lado ñahuica aguilapac ñahui shinami carca.

EZEQUIEL 10:21

Tucuimi chuscu ñahuita, chuscu alasta charirca. Paicunapac alas ucupica gentepac maquiman ricchami carca.